83 Box Office Collection : '83' सिनेमा 24 डिसेंबरला देशभरातील चित्रपटगृहांमध्ये प्रदर्शित झाला आहे. या सिनेमाने चार दिवसांत 54.29 कोटींची कमाई केली आहे. '83' सिनेमाचे क्रिकेटप्रेमी आणि सिनेसृष्टीकडून कौतुक केले जात आहे. रणवीरला चाहत्यांकडून सकारात्मक प्रतिसाद मिळाला असून या चित्रपटाला भारतासह जगभरातून प्रचंड प्रेम मिळत आहे.
'83' सिनेमाने आतापर्यंत 50 कोटींपेक्षा अधिक कमाई केली आहे. सिनेमाने पहिल्याच दिवशी 12.64 कोटींची कमाई केली. दुसऱ्या दिवशी 16.95 कोटी तर तिसऱ्या दिवशी रविवारी 17.41 कोटींची कमाई केली आहे. पण सोमवारी मात्र बॉक्स ऑफिसवर मोठी घसरण दिसून आली. सोमवारी '83' सिनेमाने 7.29 कोटींची कमाई केली आहे. गेल्या चार दिवसांत सिनेमाने 54.29 कोटी कमावले आहेत.
'83' सिनेमाचे कथानक 1983 च्या क्रिकेट विश्वचषकाच्या विजयावर आधारित आहे. या सिनेमाचे दिग्दर्शन कबीर खानने केले आहे. सिनेमात रणवीर सिंहने कपिल देव यांची भूमिका साकारली आहे. तर सिनेमात दीपिका पदुकोण, पंकज त्रिपाठी, बोमन इराणी, साकिब सलीम, हार्डी संधू, ताहिर राज भसीन, जतीन सरना मुख्य भूमिकेत आहे. कपिल यांची भूमिका साकारण्यासाठी रणवीरने बरीच मेहनत घेतली आहे.
संबंधित बातम्या