Kangana Ranaut Tejas Film Shooting : बॉलीवूड अभिनेत्री कंगना रनौत कायम आपल्या प्रत्येक चित्रपटाच्या हटके भूमिकेसाठी ओळखली जाते. कंगनाची अॅक्टिंग तिचा बिनधास्त अंदाज हा चाहत्यांना कायमच आवडतो. बॉलीवूडची क्वीन कंगना रनौतने काही दिवसापूर्वी आपल्या 'तेजस' या चित्रपटाची घोषणा केली होती. आता या चित्रपटासाठी तयारी देखील केली असून सोशल मीडियावर कंगनाने एक पोस्ट शेअर करत चित्रपटाचे शुटिंग सुरू केल्याची माहिती चाहत्यांना दिली आहे.
कंगना फायटर पायलटच्या भूमिकेत
कंगना या चित्रपटात भारतीय बनावटीच्या 'तेजस' या फायटर प्लेनच्या पायलटची भूमिका साकारणार आहे. एका साहसी फायटर पायलटची ही कथा आहे. सर्वेश मेवार दिग्दर्शित हा चित्रपट 2016 च्या ऐतिहासिक घटनेवर आधारित आहे. देशसेवा करताना अनेकदा महिलांनी बलिदान दिले यावर चित्रपटाची कथा आधारित आहे. सर्वेश मेवारद्वारा लिखीत आणि निर्देशित हा दुसरा चित्रपट आहे. यापूर्वी उरी : द सर्जिकल स्ट्राइक हा चित्रपट बनवला होता. या चित्रपटाने बॉक्स ऑफिसवर चांगली कमाई केली होती.
कंगनाने शेअर केला तिचा लूक
कंगनाने सोशल मीडियावर चित्रपटाविषयी अपडेट शेअर करताना लिहिले की, मी तेजसची शुटिंग सुरू केले आहे. शेअर केलेल्या फोटोमध्ये कंगना वैमानिकाच्या गणवेशात आहे. कंगनाने कॅप्शनमध्ये लिहिले की, मी आजपासून #तेजस नव्या मिशनची सुरुवात करत आहे. जोश खूप आहे. माझ्या टीमचे याबद्दल मी आभार मानते.
धाकड या सिनेमाचे चित्रीकरण पूर्ण
दरम्यान कोरोनाच्या दुसऱ्या लाटेत शिथिलता आल्यानंतर कंगनाने धाकड या सिनेमाचे चित्रीकरण पूर्ण केले आहे. या चित्रपटात ती एजेंट अग्नीची भूमिका साकारत आहे. या बरोबरच कंगनाने आपला चित्रपट 'टिकू वेड्स शेरू' या चित्रपटाच्या प्रोडक्शनचे देखील काम सुरू केले आहे. या चित्रपटात नवाजुद्दीन सिद्दीकी मुख्य भूमिकेत असणार आहे.
गेल्या काही काळात कंगना प्रामुख्याने महिला प्रधान चित्रपटांना प्रधान्य देताना दिसत आहे. येत्या काळात तिचा आणखी एक महिला प्रधान चित्रपट लवकरच प्रेक्षकांच्या भेटीस येत आहे. 'तेजस', 'धाकड' बरोबर कंगना थलायवी या चित्रपटात देखील असणार आहे. हा चित्रपट जयललिता यांच्या जीवनावर आधारित आहे.
संबंधित बातम्या :