Bigg Boss Marathi 6: ‘बिग बॉस मराठी 6’मध्ये वाद-विवाद आता नित्याचे झाले असले तरी यावेळी घडलेली घटना विशेष ठरली आहे. घरातील स्पर्धकांमध्ये सुरू असलेले मतभेद आता थेट ‘भाऊचा धक्का’वर पोहोचले असून एका सदस्याने होस्ट रितेश देशमुख यांच्याशीच उघडपणे वाद घातल्याचं प्रोमोमधून दिसत आहे. बिग बॉसच्या सहाव्या पर्वात सुरुवातीपासूनच गटबाजी, टोळ्या आणि एकमेकांवर आरोप-प्रत्यारोप सुरू आहेत. एका बाजूला दोन गट स्पष्टपणे दिसत असताना, त्याच गटातील सदस्यांमध्येही मतभेद उफाळून येताना प्रेक्षकांनी पाहिले. मात्र यावेळी प्रकरण अधिकच तापले आहे.
समोर आलेल्या नव्या प्रोमोमध्ये रितेश देशमुख घरातील एका प्रसंगाचा उल्लेख करत प्राजक्ता शुक्रेला जाब विचारताना दिसतात. त्यांच्या मते, प्रभू शांतपणे गार्डन एरियात बसले असताना मुद्दाम टोमणा मारण्यात आला. या कृतीमागचा उद्देश काय, असा सवाल रितेश यांनी उपस्थित केला. प्राजक्ताने कारण नसताना हुज्जत घातली. प्रभू यापूर्वीही अशाच प्रकारे वागत असल्याचा दावा करत तिने इतर सदस्यांना साक्षी ठेवण्याची तयारी दर्शवली. तिच्या या भूमिकेमुळे वातावरण अधिकच ताणलं गेलं.
नेमकं म्हणाले काय रितेश भाऊ?
या घरात आता नवीन सुरू झालं आहे गँगअप. हे सगळं प्रभू यांच्यासोबत केलं तुम्ही. गार्डनमध्ये ते शांत बसले होते, काहीच करत नव्हते. पण प्राजक्ता तुम्हाला असं वाटलं की प्रभू काहीतरी ऐकत आहेत आणि मग तुम्हाला एक टोमणा मारायचा होता. जा जा आत जाऊन सांग इथं काय ऐकलंस ते ..
यावर प्राजक्ताही म्हणाली, "आधी केलं आहे त्याने तसं भाऊ, आधी त्याची सवय राहिली आहे. तुम्ही सगळ्यांना विचारा सगळे हात वर करतील या गोष्टीवर" यावर रितेश भाऊही चिडतात. मी बिग बॉस पाहतो. मला कुणाला विचारायचं आहे, तुम्ही सांगायची गरज नाही. नाहीतर इथं या माझं काम करा तुम्ही", असं तो सांगतो .
निर्णय कसा घ्यायचा हे त्यांना माहीत असून त्यासाठी इतरांकडून मार्गदर्शनाची गरज नसल्याचं रितेश भाऊंनी तिला सुनावलं. त्यांच्या या कडक भूमिकेमुळे सेटवर काही क्षण शांतता पसरल्याचं दिसतं. आता या वादाचा पुढे काय परिणाम होणार, प्राजक्तावर काही कारवाई होणार का, आणि घरातील समीकरणं पुन्हा बदलणार का, याकडे प्रेक्षकांचे लक्ष लागले आहे. ‘भाऊचा धक्का’चा हा भाग नक्कीच चर्चेचा विषय ठरणार आहे.