Rakhi Sawant Supports Rakesh Bapat: बिग बॉस मराठीच्या सहाव्या सिझनला (Bigg Boss Marathi) प्रेक्षकांकडून भरभरुन प्रतिसाद मिळतो आहे. हा रिअॅलिटी शो आता अंतिम टप्प्यावर पोहोचला आहे. या शोमधून मागच्या आठवड्यात धक्कादायक एलिमिनेशन पार पडलं. बिग बॉसच्या घरातून राखी सावंतचा प्रवास संपला. तिनं आतापर्यंत हिंदीसह मराठी बिग बॉस देखील गाजवला. ड्रामा क्विन राखीशिवाय (Rakhi Sawant) बिग बॉस अपूर्ण आहे. दरम्यान, तिच्या चाहत्यांना अशी आशा होती, राखी ट्रॉफी जिंकेल. पण असं घडलं नाही. टॉप 5 मध्ये येण्याआधीच राखी एलिमिनेट झाली. राखी आता दुबईला रवाना झाली आहे. दुबईला जाण्यापूर्वी अभिनेत्री एअरपोर्टवर स्पॉट झाली. तिनं यावेळेस राकेश बापटला व्होट करा, असे जनतेला आवाहन केले आहे. सध्या तिचा व्हिडीओ सोशल मीडियात व्हायरल होत आहे.
पापाराझींसमोर राखीनं कुणाला व्होट करण्याचं आवाहन केलं? (Rakhi Sawant supports Contestants Rakesh Bapat)
बिग बॉसच्या घरातील पाचव्या आठवड्यात ड्रामा क्विन राखी सावंतची एन्ट्री झाली. तिनं प्रेक्षकांचं मनोरंजन केलं. आपल्या विनोदानं खूप हसवलं. तसेच राडाही केला. तेराव्या आठवड्यात तिचं एलिमिनेशन झालं. बिग बॉसच्या घरातून बाहेर येताच राखी सावंत एअरपोर्टवर स्पॉट झाली. तिनं पापाराझींसमोर बिग बॉसमधील एका स्पर्धकाला भरघोस मतांनी विजयी करा, असे आवाहन केले आहे. पापाराझींशी बोलताना तिनं राकेश बापटला व्होट करा, असं म्हटलं आहे.
राखीचं राकेशसाठी सॉफ्ट कॉर्नर
बिग बॉसमधील स्पर्धकांबाबत राखी सावंत म्हणते, 'बिग बॉसच्या घरात तन्वी कोलते, विशाल कोटियन आणि राकेश बापट हे सर्व माझे मित्र आहेत. राकेश बापटला जास्तीत जास्त व्होट करा. ते माझे चांगले मित्र आहेत आणि माझ्या ह्रदयाजवळ आहेत', असं तिनं पापाराझींना म्हटलं आहे. यावेळी एअरपोर्टवर उपस्थितांना राकेश बापट आणि तन्वी कोलतेला व्होट करण्याचं आवाहन केलं. 'मी रत्नागिरीची आहे, त्यामुळे महाराष्ट्रातील लोकांनी तन्वी कोलतेला व्होट करावं', असं राखी म्हणाली.
राकेश आणि राखीमधील केमिस्ट्री आपण बिग बॉसच्या घरात पाहिलंच असेल. राखीच्या मनात राकेशसाठी सॉफ्ट कॉर्नर आहे, हे आता पुन्हा एकदा सिद्ध झाले आहे. तिनं यावेळी राकेश व्होट करा, असं पापाराझींसमोर म्हटलं आहे.
महत्तवाच्या इतर बातम्या:
महाराष्ट्राच्या क्रशचा समर लूक; रेडीश ब्राऊन रंगाच्या ड्रेसवर दिसते कमाल, फोटोंवर चाहते घायाळ