Ruchita Jamdar On Vishal kotian: 'बिग बॉस मराठी'च्या (Bigg Boss Marathi) घरात गेल्या आठवड्यात सर्वात धक्कादायक एलिमिनेशन झालं. फायनलपर्यंत नक्की जाणार, असं वाटणारी स्पर्धक कोल्हापूरची रुचिता जामदार (Ruchita Jamdar) घराबाहेर पडली. रुचितानं अगदी पहिल्या दिवसांपासूनच घर दणाणून सोडलेलं. घरातील प्रत्येकासोबत रुचिताचं कशाना कशावरुन तरी भांडण झालेलं. प्रत्येक आठवड्यात रुचितानं जबरदस्त खेळी दाखवून, आपलं नाव महाराष्ट्रातील घराघरांत पोहोचवलेलं.
टोळीमधले सदस्य सोडले, तर तिचं कुणासोबतच पटलं नाही. पण, त्या टोळीतल्या लोकांसोबतही वेळोवेळी रुचिताचे खटके उडाल्याचंही पाहायला मिळालं. शिवराळ भाषा, सातत्यानं समोरचा अपमान करणं आणि कर्कश्य आवाजात भांडणं यामुळे रुचिता जामदार घरातल्यांसोबतच प्रेक्षकांसाठीही डोकेदुखी झालेली. काहींनी तर तिला बिग बॉस मधून काढून टाका, अशा कमेंट्स करुन तिच्याविरोधात ट्रेंड सुरू केला होता. कित्येकदा भाऊच्या धक्क्यावरही रितेश देशमुखनं तिची शाळा घेतली होती. पण, तिच्यावर कसलाच परिणाम झाला नाही. पुढे सतत भांडणारी रुचिता सतत विशाल कोटियानसोबत दिसायला लागली आणि बिग बॉसच्या घरात लव्ह अँगल आला. घरातल्यांनी तिला वेळोवेळी समजावलं पण रुचितानं ऐकलं नाही आणि अखेर रुचिता घरातून एलिमिनेट झाली. पण, विशालसोबत जोडलेल्या नावाचा मनस्ताप रुचिताच्या कुटुंबीयांनाही सहन करावा लागला. याबाबत स्वतः रुचितानं एका मुलाखतीत बोलताना सांगितलं आहे.
'बिग बॉस मराठी'च्या घरातून बाहेर पडल्यानंतर रुचिता जामदारनं एका मुलाखतीत बोलताना विशाल सोबत नाव जोडलं गेल्यामुळे तिच्या कुटुंबाला मोठा त्रास सहन करावा लागला, याबाबत सांगितलं. लोकांचे टोमणे ऐकून तिचे वडील अक्षरशः रडलेले, असंही रुचितानं सांगितलं.
रुचिता जामदार नेमकं काय म्हणाली?
रुचिता जामदार हिनं एका मुलाखतीत बोलताना सांगितलं की, "सगळं घर माझ्या विरोधात असताना फक्त विशाल माझ्या बाजूने उभा होता त्यामुळे आमची मैत्री घट्ट झालेली... मात्र आमच्यात प्रेम किंवा काही चुकीचं असं कधीच नव्हतं. मात्र, या चर्चेचा सर्वात मोठा त्रास झाला, तो माझ्या कुटुंबाला... लोक माझ्या पप्पांना येऊन म्हणायचे, तुमची मुलगी पन्नास वर्षांच्या म्हाताऱ्यासोबत लफडं करतेय... हे ऐकून माझ्या पप्पांच्या पायाखालची जमीन सरकली. माझे पप्पा कधीच रडले नव्हते पण त्या दिवशी खूप रडले... जर मी चुकीची असेल, तर मला बोला पण माझ्या घरच्यांना का त्रास देता? टीव्हीवर जे दिसतं, ते नेहमीच शंभर टक्के खरं नसतं..."
दरम्यान, 'बिग बॉस मराठी'चा सहावा सीझन ऐन रंगात आला आहे. घरात वाईल्ड कार्ड सदस्यांनी आधीपासूनच घरात असलेल्या स्पर्धकांच्या नाकी नऊ आणले आहेत. त्यात बिग बॉसचे ट्वीस्ट सदस्यांना खूपच भारी पडत आहेत.
महत्त्वाच्या इतर बातम्या: