Bigg Boss 16 Winner : छोट्या पडद्यावरील चर्चित आणि तितकाच वादग्रस्त कार्यक्रम 'बिग बॉस 16' चा आज ग्रँड फिनाले आहे. यंदाच्या पर्वाची विजेता कोण होणार याची चाहत्यांना उत्सुकता लागली आहे. प्रेक्षकांची उत्सुकता शिगेला पोहोचली असताना फिनाले आधीच विजेत्याचा फोटो सोशल मीडियावर व्हायरल होत आहेत. सोशल मीडियावर 'बिग बॉस 16' च्या विजेत्याचा फोटो व्हायरल झाल्याचं दिसत आहे. फोटोंमध्ये अभिनेता सलमान खान विजेत्याचा हात उंचावताना दिसत आहे. तर दुसऱ्या फोटोमध्ये विजेता ट्रॉफीसह दिसत आहे.
'हा' आहे बिग बॉस 16 चा विजेता?
बिग बॉस 16 चा विजेता कोण, ही प्रतीक्षा अखेर आज संपणार आहे. बिग बॉसचे चाहते सीझन 16 च्या फिनालेसाठी खूप उत्सुक आहेत. दरम्यान, बिग बॉसच्या स्पर्धकाचे काही फोटो व्हायरल होत आहेत. प्रियांका चहर चौधरीचा बिग बॉस ट्रॉफीसोबतचा एक फोटो इंटरनेटवर व्हायरल होत आहे. तर, दुसरीकडे शिव ठाकरे जिंकल्याच्याही पोस्ट चर्चेत यासोबतच एमसी स्टॅनचा बिग बॉसच्या ट्राफीसोबतचा फोटोही जोरदार चर्चेत आहे. दरम्यान, यावरून प्रेक्षकांनी कोणताही निष्कर्ष काढू नये, कारण बिग बॉसचा अंतिम सोहळा आज रात्री पार पडणार आहे. बिग बॉस 16 चा फिनाले अजून झालेला नाही. आज रात्री विजेत्याच्या नावावर शिक्कामोर्तब होणार आहे.
फिनाले आधीच विजेत्याचा फोटो व्हायरल
इंटरनेटवर व्हायरल झालेले बिग बॉस 16 च्या विजेत्याचे फोटो खरे नाहीत. हे फोटोशॉप केलेले आहेत. बिग बॉसच्या चाहत्यांकडून त्यांच्या आवडत्या स्पर्धकांचे फोटो विजेत्यांच्या नावाने शेअर केले जात आहेत. शिव ठाकरे, प्रियंका आणि एमसी स्टॅनच्या चाहत्यांनी हे फोटो शेअर केले आहेत. पण, बिग बॉस 16 चा खरा विजेता कोण हे आज रात्री समोर येईल.
बिग बॉस 11 ची स्पर्धक आणि अभिनेत्री अर्शी खानने (Arshi Khan) तिच्या अधिकृत ट्विटर अकाऊंटवर फोटो पोस्ट केला. अर्शी सातत्याने प्रियांकाला पाठिंबा देत आहे. अलीकडेच एक फोटो शेअर केला आणि कॅप्शनमध्ये लिहिलं, "तीन ट्रेंड एकत्र चालत आहेत.. प्रियंका माझ्यासाठी ट्रॉफीची खरी दावेदार तूच आहे."
महत्त्वाच्या इतर बातम्या :