Big Boss 16 : सलमान खानच्या बिग बॉस 16 (Big Boss 16) व्या सीझनमध्ये प्रेम, मैत्री, वैर, मारामारी आणि फसवणूक सगळं काही पाहायला मिळतंय. बिग बॉसच्या घरातील सदस्यांची मैत्री शत्रुत्वामध्ये बदलण्यासाठी वेळ नाही लागत. अनेक वेळा शो मध्ये लव्ह अॅंगल घेऊन सदस्य पुढे जाण्याचा प्रयत्न करताना दिसतात. गेल्या काही दिवसांत गौतम विग (Gautam Vig) आणि सौंदर्या शर्मा यांच्या नात्यावर लोकांनी निशाणा साधला आहे. पुन्हा एकदा बिग बॉसच्या कोर्ट कचेरीत दोघांच्या नात्याला खोटे (फेक) ठरविण्यात आले आहे.
जेव्हापासून होस्ट करण जौहर आणि सलमान खान यांनी गौतम आणि सौंदर्याच्या नात्याता खोटे ठरविले आहे. तेव्हापासून घरातील सदस्य देखील त्यांच्या नात्यावर प्रश्न उपस्थित करत आहेत. गौतम आणि सौंदर्या वारंवार स्पष्टीकरण देत आहेत की, त्यांचे नाते हे फक्त खेळापुरते मर्यादित नाही. मात्र, याचा काहीही उपयोग झाला नाही. आता बिग बॉसच्या घरात कोर्ट कचेरी सुरु होणार आहे. आणि कोठडीत गौतम आणि सौंदर्या यांच्या नात्यावर अनेक प्रश्न उपस्थित होणार आहेत.
पाहा व्हिडीओ :
कोठडीत सौंदर्या आणि गौतम म्हणाले...
कलर्स चॅनेलने पुढच्या भागातील प्रोमोमध्ये असे दाखवले आहे की, गौतम आणि सौंदर्या यांना बिग बॉसच्या कोठडीत उभे करण्यात आले आहे. या विशेष भागात निमृत कौर अहलूवालिया वकिलाच्या भूमिकेत दिसून येतेय. निमृत गौतम आणि सौंदर्या यांच्या नात्याच्या विरोधात उभी आहे. ती स्पष्टपणे सांगते की, यांचे नाते खोटे आहे.
टीना-शालीन यांच्या नात्यावरदेखील प्रश्न
यामध्ये फक्त निमृतच नाही तर साक्षीदार म्हणून अर्चना गौतमसुद्धा गौतम आणि सौंदर्याच्या नात्याला खोटे ठरवताना दिसतेय. टीनाने सुद्धा त्यांच्या नात्याला खोटे ठरवले. यावर गौतम आपले स्पष्टीकरण देतो आणि आपल्या नात्याच्या संरक्षणासाठी या आरोपांना फेटाळतो. सौंदर्या सुद्धा कोठडीत उभी राहून टीना आणि शालीन यांच्या प्रेमाला खोटे ठरवत आहे. न्यायाधीशाच्या भूमिकेत अंकित गुप्ता आणि गोरी नागोरी दिसून येतेय.
महत्वाच्या बातम्या :
Bigg Boss Marathi 4 : मिरचीची धुरी, पाणी, तेल... टास्कमध्ये होणार खुल्ला राडा!