Bhoot Bangla box office collection: प्रियदर्शन दिग्दर्शित आणि अक्षय कमार (Akshay Kumar) अभिनीत 'भूत बंगला' (Bhoot Bangla) हा बहुचर्चित सिनेमा 18 एप्रिल 2026 रोजी सिनेमागृहांमध्ये रिलीज झाला आहे. अक्षय कुमार आणि वामिका गब्बी स्टारर हॉरर - कॉमेडी चित्रपटाला प्रेक्षकांकडून भरभरुन प्रतिसाद मिळतो आहे. सध्या रणवीर सिंह अभिनीत 'धुरंधर 2' चित्रपटाचा बॉक्स ऑफिसवर (Box Office Collection) दबादबा पाहायला मिळत आहे. दरम्यान, आता 'भूत बंगला' या चित्रपटाची जादू पाहायला मिळत आहे. 'भूत बंगला' हा सिनेमा 'धुरंधर 2' या चित्रपटाला जबरदस्त टक्कर देत आहे. या सिनेमाची घौडदौड सुरू आहे. मात्र, सोमवारी या सिनेमाच्या कमाईत किंचित घट झाली आहे.
4 दिवसांत 'भूत बंगला' चित्रपटाची 100 कोटींच्या कल्बमध्ये प्रवेश (Bollywood horror comedy Bhoot Bangla)
ओपनिंगमध्ये या सिनेमाने बॉक्स ऑफिसवर उत्तम कामगिरी केली. दरम्यान, काल म्हणजेच सोमवारी या सिनेमाच्या कमाईत किंचित घट झाली असल्याचं पाहायला मिळत आहे. चार दिवसांत या सिनेमाने वर्ल्डवाईड उत्तम कामगिरी केली. 'भूत बंगला' या सिनेमाने जगभरात 100 कोटींच्या कल्बमध्ये एन्ट्री केली आहे. प्रेक्षकांचा संमिश्र प्रतिसाद आणि आयपीएलची प्रेक्षकांमध्ये क्रेझ असूनही, या सिनेमाने उत्तम कामगिरी केली आहे.
जगभरात 'भूत बंगला' या सिनेमाने किती कोटींची कमाई केली? (Bhoot Bangla Box Office Collection)
चित्रपटाच्या बॉक्स ऑफिस कलेक्शनबाबतीत बोलायचं झाल्यास, सॅकनिल्कच्या रिपोर्ट्सनुसार, दमदार ओपनिंग विकेंडनंतर, पहिल्या सोमवारी या सिनेमाच्या कमाईत किंचित घट झाली असल्याचं पाहायला मिळत आहे. चौथ्या दिवशी 10,984 शोजमधून या चित्रपटाने 6.75 कोटींचे नेट कलेक्शन केले आहे. तर, भारतात या सिनेमाने चार दिवसांत एकूण 64.75 कोटींचे नेट कलेक्शन केले आहे. तर, 77.34 कोटी रुपयांची ग्रॉस कमाई केली आहे.
तर, परदेशात या चित्रपटाने चौथ्या दिवशी 2.50 कोटी कमावले. ज्यामुळे या चित्रपटाची एकूण परदेशी कमाई 29.00 कोटी झाली आहे. तसेच जगभरातील या चित्रपटाची एकूण कमाई 106.34 कोटींवर पोहोचली आहे. या सिनेमाने 100 कोटींच्या कल्बमध्ये प्रवेश केला आहे. अक्षय कुमार व्यतिरिक्त या चित्रपटात वामिक गब्बी, परेश रावल, राजपाल यादव, तब्बू, जिस्सू सेनगुप्ता, मनोज जोशी, मिथिला पालकर, जाकीर हुसैन यांच्या महत्त्वाच्या भूमिका आहेत.
महत्त्वाच्या इतर बातम्या:
आशा भोसलेंच्या अस्थी गंगा नदीत विसर्जित; नात जनाई भावूक, आजीला शेवटचा निरोप देताना ढसाढसा रडली VIDEO