Anil Kapoor Son Exit Bollywood Reaction: बॉलिवूडचे दिग्गज अभिनेते अनिल कपूर (Anil Kapoor) यांचा मुलगा अभिनेता हर्षवर्धन कपूर (Harshwardhan Kapoor) सध्या चर्चेत आहे, त्याच्या बॉलिवूड सोडल्याच्या चर्चेमुळे. खरतंर गेल्या चार वर्षांपासून हर्षवर्धन मोठ्या पडद्यावर दिसलेला नाही. 2022 मध्ये प्रदर्शित झालेल्या 'थार'नंतर त्याचा एकही चित्रपट प्रदर्शित झालेला नसल्याने त्याने अभिनयातून ब्रेक घेतल्याच्या चर्चा रंगल्या होत्या. अखेर हर्षवर्धनने स्वतः या चर्चांवर प्रतिक्रिया दिली आहे.
Harshawardhan Kapoor:हर्षवर्धन कपूरचा बॉलिवूडला रामराम ?
सोशल मीडियावर एका चाहत्याने हर्षवर्धनला टॅग करत, "तू अभिनयापासून दूर का गेलास? तुझ्या अभिनयाचं नेहमीच कौतुक झालं आहे. पुन्हा तुला पडद्यावर पाहायचं आहे," अशी प्रतिक्रिया दिली होती. यावर उत्तर देताना हर्षवर्धन म्हणाला, "मी अभिनय सोडलेला नाही. 'थार' रिलीज झाल्यापासून मी नवीन चित्रपटावर काम करत आहे. 'थार' बनवायलाच पाच वर्षे लागली होती. 'भवेश जोशी'सारखे चित्रपट एका वर्षात तयार होत नाहीत. माझ्या नव्या चित्रपटाचं चित्रीकरण 30 जूनला पूर्ण होणार आहे आणि मी त्याचा निर्माता देखील आहे."
हर्षवर्धनने पुढे सांगितले की, तो निवडत असलेले चित्रपट हे मुख्य प्रवाहातील चित्रपटांपेक्षा वेगळे असतात. त्यामुळे त्यांना पूर्ण होण्यासाठी अधिक वेळ लागतो. "लोकांना कलाकार वर्षाला तीन-चार चित्रपट करताना पाहायची सवय झाली आहे. पण 'भवेश जोशी', 'थार' किंवा 'AK vs AK' सारखे चित्रपट वारंवार बनत नाहीत. हे वास्तव आहे," असे तो म्हणाला.
नव्या चित्रपटाबाबत मोठा खुलासा
हर्षवर्धनने आपल्या आगामी चित्रपटाबद्दलही उत्सुकता वाढवणारे वक्तव्य केले. "हा माझा आतापर्यंतचा सर्वोत्तम चित्रपट आहे. तो खूप वेगळा आणि युनिक आहे," असा दावा त्याने केला. हर्षवर्धन कपूरने 2016 मध्ये 'मिर्झिया'मधून अभिनय क्षेत्रात पदार्पण केले होते. त्यानंतर 'भवेश जोशी सुपरहिरो', 'AK vs AK' आणि 'थार' यांसारख्या चित्रपटांत त्याने काम केले. 'थार'मध्ये त्याने अभिनयासोबत निर्मात्याची जबाबदारीही सांभाळली होती. सध्या त्याच्या आगामी चित्रपटाची अधिकृत घोषणा झालेली नसली, तरी त्याच्या वक्तव्यानंतर चाहत्यांमध्ये उत्सुकता वाढली आहे.
हेही वाचा: