Anant-Radhika Wedding: सध्या अंबानींकडे लगीनसराई सुरु असून येत्या काही दिवसांत अनंत अंबानी (Anant Ambani) आणि राधिक मर्चंट (Radhika Merchant) यांचा लग्नसोहळा पार पडणार आहे. त्यानिमित्ताने अंबांनींकडे विविध सोहळे सध्या सुरु आहेत. यामध्ये सोहळ्यांची यादी भली मोठी असून नुकतच अनंत अंबानी आणि राधिका मर्चंट यांचा संगीतसोहळा पार पडला. या सोहळ्यात अंबानी कुटुंबियांच्या नृत्याने सोहळ्याला चार चाँद लावले.
या संगीत सोहळ्याला बॉलीवूडच्याही अनेक कलाकारांनी हजेरी लावली. सलमान खान, माधुरी दीक्षित, सोनाली बेंद्रे, विद्या बालन यांसह अनेक कलाकार या सोहळ्याला सहकुटुंब उपस्थित होते. सध्या अंबानींच्या या सोहळ्याची बरीच चर्चा सुरु आहे. त्यातच कुटुंबियांचा डान्स हा सोशल मीडियावर चर्चेचा विषय ठरला आहे.
अंबानींच्या सहकुटुंब संगीत सोहळ्यात डान्स
मुकेश अंबानी, पत्नी नीता अंबानी, मोठा मुलगा आकाश अंबानी, सून श्लोका अंबानी, लेक ईशा अंबानी आणि जावाई यांच्यासह अनंत आणि राधिका अंबानी यांनी या सोहळात एकत्र डान्स केला. ओम शांती ओम या गाण्यावर ही मंडळी थिरकलीत. या सोहळ्याला उपस्थित असलेल्या बॉलीवूडकरांच्या समोर अंबानीं कुटुंबाने त्यांचा डान्स सादर केला. या डान्सची सध्या सोशल मीडियावर बरीच चर्चा सुरु आहे.
संगीत सोहळ्याला दिग्गजांची हजेरी
दरम्यान या संगीत सोहळ्याला बॉलीवूडच्या अनेक कलाकारांनी हजेरी लावली होती. सलमान खान, आलिया भट्ट, रणबीर कपूर, माधुरी दीक्षित, सोनाली बेंद्रे, विद्या बालन हे कलाकार उपस्थित होते. तसेच अनंत अंबानीचा सलमान खान सोबतचा डान्स देखील विशेष चर्चेत आला आहे.
अंबांनींकडे लगीनसराई
अनंत अंबानी आणि राधिका मर्चंट यांचे लग्नाआधी दोन प्री वेडिंगचे सोहळे पार पडले. एक सोहळा हा गुजरातमधील जामनगर येथे पार पडला. तर दुसरा सोहळा या परदेशात आलिशान क्रूझवर पार पडला. त्यानंतर मागील काही दिवसांपासून त्यांच्या लग्नसोहळ्यांच्या विधीला सुरुवात झाली आहे. 12 तारखेला शुभ विवाह सोहळा, 13 तारखेला शुभ आशीर्वाद सोहळा आणि 14 तारखेला रिसेप्शन सोहळा पार पडणार आहे.
ही बातमी वाचा :
500 कोटींचा हिरेजडित नेकलेस, 54 कोटींची रिंग; निता अंबानींच्या जुन्या लुकची नव्याने चर्चा!