Akshaya Hardeek Wedding : ‘तुझ्यात जीव रंगला’ फेम हार्दिक जोशी (hardeek akshaya wedding) आणि अक्षया देवधर आज (2 डिसेंबर) विवाहबंधनात अडकले आहेत. पुण्यात धुमधड्याक्यात त्यांच्या विवाह सोहळा पार पडला आहे. या दोघांच्या विवाहाचे फोटो सोशल व्हिडीओवर व्हायरल झाले आहेत. मात्र त्यात पाठक बाई म्हणजे आपल्या सगळ्यांच्या लाडक्या अक्षयाने घेतलेला उखाणं भाव खाऊन जात आहे.
हा उखाणा तिची जीवलग असलेली मैत्रीण ऋचा आपटेने लिहिला आहे. या उखाण्यात शेवट अक्षया स्वत:चं देखील नाव घेत आहे. 'माझंही नाव घेते तेवढ्यात अक्षया हार्दिक जोशी', असं म्हणत तिने उखाण्याचा शेवट केला आहे. हा उखाणा ऐकून राणादा अर्थातच हार्दिक जोशीला देखील आनंद झाल्याचं व्हिडीओमध्ये दिसत आहे.
पाठक बाईंचा हटके उखाणा
खरंतर उखाणा असतो दोन ओळींचा फक्त,
पण संधी चालुन आली आहे तर होईन म्हणते व्यक्त.
कामासाठी घर सोडून धरली वेगळी वाट,
प्रेमात पडले कोल्हापूरच्या पाहून शाही थाट.
मग राणाजी राणाजी म्हणत दिवस गेले सरुन,
राणा सारख्या खऱ्या माणसाचा ठेवला हात धरुन.
तुझ्यात जीव रंगता रंगता वेळ आली निघायची,
कुठे तरी एक खात्री होती पुन्हा एकत्र भेटण्याची.
दोघांनी मिळून निर्णय घेतला आयुष्यभराच्या साथीचा,
अक्षयतृतीया मुहूर्त ठरला आमच्या साखरपुड्याचा.
उखाणं घेते म्हणत म्हणत कहाणी झाली सांगून,
आता घेते उखाणा ऐका कान देऊन.
उखाण्यासाठी विचार करुन शक्कल लढवलीये अशी,
माझंही नाव घेते तेवढ्यात अक्षया हार्दिक जोशी....
स्वत: विणलेल्या नऊवारीची चर्चा
नऊवारी साडी, हिरवा चुडा, साजश्रृंगार असा पाठकबाईंचा नववधू साज होता. तर नवरदेव असणाऱ्या राणादानेदेखील कोल्हापूरी पेहराव केला होता. अक्षयाने तिच्या मेहंदीत सप्तपदीची डिझाइन काढली आहे. दोघांनी पारंपरिक पद्धतीच्या मुंडावळ्या बांधल्या आहेत. अक्षया व हार्दिकचा हा लूक चाहत्यांच्याही विशेष पसंतीस पडत आहे. सोशल मीडियावर चाहत्यांकडून शुभेच्छांचा वर्षाव होत आहे. काही दिवसांपूर्वी अक्षयानेच सोशल मीडियावर नऊवारी विणण्याचा व्हिडीओ शेअर केला होता. त्या नऊवारीची मनोरंजन सृष्टीत चर्चा रंगली होती. त्यामुळे अक्षयाने मित्रमंडळींसोबत स्वत: विलणलेली नऊवारी पाहण्यासाठी चाहते उत्सूक होते. त्यासोबतच तिच्या मेहंदीचे व्हिडीओदेखील सोशल मीडियावर चांगलीच चर्चा रंगली होती आणि हा सगळा दिमाखदार लग्न सोहळा पाहून अक्षयाचे वडील भावूक झाले होते.