Sequel Movies Releasing In 2022 : बॉलिवूडमधील एखादा चित्रपट जर प्रेक्षकांना आवडला तर त्या चित्रपटाच्या सिक्वेलची प्रेक्षक उत्सुकतेने वाट पाहतात. हेरा फेरी तसेच हाऊसफूल अशा अनेक चित्रपटांचे सिक्वेल प्रेक्षकांच्या भेटीस आले आहेत. यावर्षी देखील काही चित्रपटांचे सिक्वेल प्रदर्शित होणार आहेत. पाहूयात कोणत्या चित्रपटांचे सिक्वेल प्रेक्षकांच्या भेटीस येणार आहेत.
Bhool Bhulaiyaa 2 : 'भूल भुलैया' हा चित्रपट 2007 मध्ये प्रदर्शित झाला होता. या चित्रपटामध्ये बॉलिवूडचा खिलाडी अक्षय कुमारनं प्रमुख भूमिका साकारली होती. आता या चित्रपटाचा सिक्वेल लवकरच प्रेक्षकांच्या भेटीस येणार आहे. या चित्रपटाचे भूल भूलैया-2 असं नाव असणार आहे. अभिनेता कार्तिक आर्यन तसेच अभिनेत्री कियारा आडवाणी, तब्बू हे कलाकार भूल भलैया-2 या चित्रपटामध्ये महत्वाच्या भूमिकेत दिसणार आहेत. या चित्रपटाचे दिग्दर्शन अनीस बजमी यांनी केले आहे.
Gadar 2 : 'गदर-2' या गदर चित्रपटाच्या सिक्वेलमधून अमीषा पटेल आणि सनी देओल यांची जोडी पुन्हा प्रेक्षकांच्या भेटीस येणार आहे. गदर-2 या चित्रपटाची शूटिंग सुरू झाली आहे. या चित्रपटाचे दिग्दर्शन अनिल शर्मा यांनी केले आहे.
Heeropanti 2 : 2014 मध्ये प्रदर्शित झालेल्या हिरोपंती या चित्रपटाचा सिक्वेल लवकरच प्रदर्शित होणार आहे. हिरोपंतीमध्ये टायगर श्रॉफ आणि कृती सेनन यांनी प्रमुख भूमिका साकारली होती हिरोपंती-2 हा चित्रपट 29 एप्रिल 2022 मध्ये प्रदर्शित होणार आहे.
OMG 2 : ओह माय गॉड-2 या चित्रपटामध्ये अक्षय कुमार,पंकज त्रिपाठी आणि यामी गौतम हे कलाकार प्रमुख भूमिका साकारणार आहेत. चित्रपटाचे दिग्दर्शन अमित राय यांनी केले आहे. हा चित्रपट यावर्षी प्रेक्षकांच्या भेटीस येणार आहे.
संबंधित बातम्या
Rashmika Mandana : नॅशनल क्रश रश्मिका मंदना सारखा फिटनेस हवाय? फॉलो करा हा वर्क आऊट प्लॅन अन् डाएट
Pushpa on OTT : सिनेमागृहात धुमाकूळ घातल्यानंतर अल्लू अर्जुनचा 'पुष्पा' सिनेमा आता ओटीटीवर झाला प्रदर्शित
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha