Janhvi Kapoor Deepfake Photos: अभिनेत्री जान्हवी कपूर (Janhavi Kapoor) बऱ्याचदा प्रोफेशनलसह वैयक्तिक कारणामुळेही चर्चेत असते. अभिनेत्री सोशल मीडियावरही सक्रीय (Entertainment News) असते. तिचा चाहतावर्ग खूप मोठा आहे. अभिनेत्री बऱ्याचदा आपल्या मुलाखतीतून परखड मते मांडते. अलिकडेच अभिनेत्रीनं डीपफेकबद्दल (Deepfake) उघडपणे भाष्य केलं आहे. तसेच तिनं या मुलाखतीत शाळेत तिच्यासोबत घडलेला एक त्रासदायक प्रसंगही सांगितला. जान्हवी कपूरसोबत घडलेला प्रसंग ऐकून अनेकांना मोठा धक्का बसला.
जान्हवीनं सांगितला शाळेतील हादरवणारा प्रसंग (Janhavi Kapoor on Deepfake)
एका मुलाखतीत अभिनेत्रीने जुन्या आठवणी आणि काही त्रासदायक प्रसंगाचा खुलासा केला. अभिनेत्री मुलाखतीत म्हणाली, 'मी माझे फोटो एका पॉर्नोग्राफिक साईटवर पाहिले होते. याला तांत्रिकदृष्ट्या डीपफेक म्हणतात की नाही, हे मला माहित नाही. पण ते काहीतरी तसंच होतं. शाळेत आमच्या आयटीचा वर्ग होता. मुलं गंमत म्हणून त्या साईट्सवर जायची. त्या साईटवर माझा फोटो होता. तेव्हा मी 15 वर्षांची होते. तो माझ्या आयुष्यातील वाईट अनुभवांपैकी एक होता', असं अभिनेत्री म्हणाली.
'प्रत्येकजण सोशल मीडियात आपली मतं व्यक्त करतात. आता नैतिक वर्तनात थोडी सुधारणा झाली आहे, पण अजूनही एक समस्या आहे. खरंतर लोकांना वाटतं की या समस्या सामान्य आहे. तुम्ही एक पब्लिक फिगर आहात. त्यामुळे या गोष्टी होणारच, असं काहींचं म्हणणं आहे', असं अभिनेत्री म्हणाली.
जान्हवी AI जनरेटेड फोटोंबाबत नेमकं काय म्हणाली? (Janhavi Kapoor on AI Photos)
जान्हवीने AI जनरेटेड फोटोंबाबत सांगितलं की, 'मला या गोष्टी पटत नाही. माझे काही व्हिजुअल्स आहेत, ते अधिकृत न्यूजपेपर आणि बातम्यांमध्ये सर्क्यूलेट झाले आहेत. माझे हे पिक्चर पूर्णपणे एआयचा वापर करुन तयार केले आहेत. मी असे कपडे किंवा असे फोटो कधी काढलेच नाही. पण माझे फोटो सोशल मीडियात असे व्हायरल होत आहेत, जणू हे फोटो रिअल आहेत', असं अभिनेत्री म्हणाली.
महत्त्वाच्या इतर बातम्या: