Aai Kuthe Kay Karte : ‘आई कुठे काय करते’ (Aai Kuthe Kay Karte ) मालिकेमध्ये आता आशुतोष आणि अरुंधतीच्या आयुष्यात आता प्रेम फुलणार आहे. मात्र, यानिमित्ताने मालिकेत एक नवा ट्विस्ट येताना दिसणार आहे. एकीकडे अरुंधती आणि आशुतोष एकत्र गाणं गाणार आहेत. तर, दुसरीकडे आता आशुतोषच्या गाडीला मोठा अपघात होणार आहे. यामुळे अरुंधतीला तिच्या प्रेमाची जाणीव होणार आहे. अरुंधती आणि आशुतोष हे एकमेकांचे कॉलेजपासून मित्र आहेत. मात्र, आशुतोषसाठी अरुंधती त्याचं प्रेम आहे.
आशुतोषनेच अरुंधतीला तिच्या आयुष्यात एक नवीन प्रवास सुरु करण्याची प्रेरणा दिली. ‘सुखाचे चांदणे’ रिलीज झाल्यानंतर नुकतंच अरुंधतीने संगीतकार निलेश मोहरीर यांच्यासाठी एक चित्रपट गीत रेकॉर्ड केलं. या गाण्यानंतर आता अरुंधतीकडे नव्या गाण्यांची रीघ लागली आहे. एका अशाच दिग्दर्शकाने अरुंधती आणि आशुतोष यांना एकत्र भेटायला बोलवून अरुंधतीला दोन नवी गाणी ऑफर केली आहेत. आगामी मराठी चित्रपटासाठी ही गाणी असणार आहेत. यातील एक गाणे एकटी अरुंधती गाणार आहे. तर, दुसरे गाणे अरुंधती आणि आशुतोष मिळून गाणार आहेत.
आशुतोषचा अपघात होणार!
नव्या गाण्याची आनंदाची बातमी घेऊन घरी जात असताना आशुतोषच्या गाडीला मोठा अपघात होणार आहे. आशुतोष आणि नितीन दोघे घरी परतत असताना, त्यांच्या गाडीसमोर अचानक एक वृद्ध व्यक्ती येते. त्या व्यक्तीला वाचवण्याच्या नादात नितीन गाडी पटकन बाजूला वळवण्याचा प्रयत्न करतो. मात्र, त्याचवेळी गाडी जोरात भिंतीवर जाऊन आदळते आणि दोघांचा भीषण अपघात होतो. या अपघातात नितीनला थोडाच मार लागतो. मात्र, आशुतोषला गंभीर दुखापत होते.
अरुंधतीला होणार प्रेमाची जाणीव!
या भीषण अपघातानंतर आशुतोषला हॉस्पिटलमध्ये दाखल करण्यात आले आहे. आशुतोषचा अपघात झाल्याची बातमी ऐकून अरुंधतीलाही जबर धक्का बसला आहे. आशुतोषला बघायला अरुंधती धावतपळत हॉस्पिटलमध्ये जाते. तर, आशुतोषला काहीच होणार नाही, असा विश्वास ती सगळ्यांना देत आहे. याच वेळी आशुतोषला रुग्णशय्येवर पाहून अरुंधतीला तिच्या प्रेमाची जाणीव होणार आहे. आशुतोषला गमावण्याच्या भीतीने अरुंधतीचा जीव देखील पाणी पाणी झाला आहे. यामुळेच आता मालिकेत आशुतोष बरा झाल्यानंतर दोघांच्या आयुष्यात प्रेमाचा नवा ट्रॅक पाहायला मिळणार आहे.
हेही वाचा :