जेनिफर रसेल हा केरळमधील तिरुअनंतपुरमचा रहिवासी आहे. बंगळुरु मध्य मतदारसंघात रसेलसह 22 उमेदवार निवडणूक लढवत आहेत. 38 वर्षीय जेनिफर रसेलने डिश अँटेना हे निवडणूक चिन्ह निवडलं आहे.
काहीतरी आव्हानात्मक करण्याच्या इराद्याने रसेलने निवडणुकीच्या मैदानात उडी घेतली आहे. मतदारांचे प्रश्न सोडवण्यासाठी रसेलने टेलिकॉम इंडस्ट्रीतील आपल्या भरपगारी नोकरीला रामराम ठोकला होता. आधी त्याने उबर जॉईन केलं. त्यानंतर 'स्विगी'मध्ये फूड डिलीव्हरी एक्झिक्युटिव्ह म्हणून तो रुजू झाला.
सुरुवातीला आपण एसीमध्ये कारने प्रवास करायचो, मात्र आता बाईकवरुन जाताना प्रदूषण, रस्त्यावरील खड्डे, अस्वच्छता, कचऱ्याची दुर्गंधी, वाहतुकीच्या समस्या, पार्किंगचे प्रश्न आपल्याला समजले, असं त्याने सांगितलं.
बंगळुरु मध्य मतदारसंघातून भाजपने संघ परिवारात कार्यरत 28 वर्षीय तेजस्वी सुर्या यांना उमेदवारी दिली आहे. काँग्रेसतर्फे 64 वर्षीय बीके हरिप्रसाद निवडणूक लढवणार आहेत.