Rajya Sabha Election 2022 : भाजपमुळे शिवसेनेची गोची, ऐनवेळी बदलावे लागणार हॉटेल

Rajya Sabha Election 2022 : राज्यसभेच्या सहा जागासाठी येत्या १० जून रोजी निवडणूक होणार आहे. सहा जागासाठी सात उमेदवार रिंगणात असल्यामुळे ही निवडणुक मोठी रंगतदार होणार आहे.

Rajya Sabha Election 2022 : राज्यसभेच्या सहा जागासाठी येत्या १० जून रोजी निवडणूक होणार आहे. सहा जागासाठी सात उमेदवार रिंगणात असल्यामुळे ही निवडणुक मोठी रंगतदार होणार आहे. शिवसेना आमदार आणि समर्थक लहान पक्ष तसेच अपक्ष आमदारांची फोडाफोडी टाळण्यासाठी शिवसेनेनं येत्या सहा जून रोजी संध्याकाळी शिवसेनेच्या सर्व आमदारांची आणि समर्थक लहान पक्ष तसेच आमदारांची वर्षा बंगल्यावर मुख्यमंत्री उद्धव ठाकरे यांनी बैठक बोलवली आहे. त्याच बरोबर येत्या आठ जून ते 10 जून पर्यंत सर्व आमदारांच्या सुरक्षेसाठी ट्रायडंट हाँटेलमध्ये रहाण्याची व्यवस्था शिवसेनेकडून करण्यात आली होती. मात्र भाजपनेही ट्रायडंट हाँटेलमध्येच त्यांच्याही आमदारांची व्यवस्था केली. त्यामुळे कोणताही धोका किंवा गोंधळ टाळण्यासाठी आता शिवसेनेनंही हाँटेल बदलण्याचा निर्णय घेतला आहे. आता शिवसेना आपल्या आमदारांसाठी दुसरं हॉटेल पाहणार आहे. 

महाविकास आघाडीने आपल्या सर्व आमदारांना हॉटेलमध्ये एकत्र ठेवण्याचा निर्णय घेतला आहे. 10 जून रोजी राज्यसभेसाठी मदतान होणार आहे. त्याआधी दोन दिवस सर्व आमदारांना मुंबईतील फाईव्ह स्टार हॉटेलमध्ये एकत्र ठेवणार आहेत.  

राज्यसभा निवडणुकीसाठी येत्या 10 जून रोजी विधान भवनात मतदान होणार आहे. त्यापूर्वी कोणताही दगा फटका होऊ नये यासाठी सर्व आमदारांना आठ जून रोजी मुंबईत दाखल होण्याचे आदेश देण्यात आले आहेत. मुंबई येणाऱ्या सर्व आमदारांना ट्रायडंट हाँटेलमध्ये रहाण्याची व्यवस्था करण्यात आल्याचं सुत्रांनी सांगितलेय. राज्यसभेच्या सहाव्या जागेसाठी भाजपकडून आमदारांची फोडा फोडी होऊ शकते, त्यासाठी आतापासूनच रणनिती आखल्याची माहीती सूत्रांनी दिलीय.

महाराष्ट्राच्या राजकारणात तब्बल 18 वर्षानंतर राज्य सभेची निवडणूक होत आहे. निवडणूक टाळण्यासाठी महाविकास आघाडीकडून प्रयत्न करण्यात आले. पण त्यांना अपयश आले. आता निवडणूक होणार यावर शिक्कामोर्तब झालेय. या निवडणूकीत कोणताही दगा फटका होऊ नये, त्यामुळे महाविकास आघाडीने सर्व आमदारांना एकत्र हॉटेलमध्ये ठेवण्याचा निर्णय घेतलाय. शिवसेना 55 आमदार, काँग्रेस 44 आणि राष्ट्रवादी काँग्रेसचे 54 आमदार (अनिल देशमुख आणि नवाब मलिक वगळता), त्याशिवाय सपोर्ट करणारे काही आमदार... या सर्वांची हॉटेलमध्ये राहण्याची सोय करण्यात आली आहे.  

महाराष्ट्र विधानसभा पक्षीय बलाबल

सत्ताधारी महाविकास आघाडीचं संख्याबळ

शिवसेना - 55
राष्ट्रवादी - 53 
काँग्रेस - 44
बहुजन विकास आघाडी - 3 
समाजवादी पार्टी - 2
प्रहार जनशक्ती पार्टी - 2 
माकप - 1
शेकाप - 1 
स्वाभिमानी पक्ष - 1 
क्रांतिकारी शेतकरी पार्टी - 1 
अपक्ष - 9

सत्ताधाऱ्यांकडे एकूण संख्याबळ - 172

......................

विरोधी पक्ष भाजपकडील संख्याबळ 

भाजप - 106
जनसुराज्य शक्ती - 1 
राष्ट्रीय समाज पक्ष - 1 
अपक्ष - 4

विरोधाकडे असलेले एकूण संख्याबळ - 112

तर महत्वाच्या बातम्या