नवी मुंबई : राष्ट्रवादी काँग्रेसचे लोकसभेचे मावळमधील उमेदवार पार्थ पवार यांची पनवेलमध्ये स्टंटबाजी पाहायला मिळाली आहे. काल बुधवारी रात्री पनवेलमधील मोहल्ला परिसरात पार्थ पवार प्रचारासाठी येणार होते. यावेळी ते मुस्लिम मोहल्ल्यातील नागरिकांची भेट घेणार होते. पनवेल मध्ये सभेसाठी जायला  उशीर होत असल्याने पार्थ पवार यांनी चक्क पळत हा परिसर गाठल्याच सांगण्यात  येत आहे.

VIDEO | पार्थ पवारांना ट्राफिकचा फटका, गाडी सोडून पळापळ | पनवेल | एबीपी माझा



पार्थ पवार धावतानाचा व्हिडीओ पनवेलमध्ये वाऱ्यासारखा पसरला. त्यामुळे आता पुन्हा एकदा पार्थ पवार सोशल मीडियावर ट्रोल होताना दिसत आहेत. सभेसाठी उशीर झाला म्हणून पार्थ पवार पळत सभा ठिकाणी जात आहेत असा आशयाचा मेसेज व्हिडीओसोबत पार्थ पवारच्या पीआर टीमकडून वायरल करण्यात येत आहे. मात्र मोहल्ला परिसरात पार्थ पवार यांची कुठलीही सभा नसल्याचं समोर आले आहे. त्याच बरोबर वाहतूक कोंडी झाली नसल्याचेही समोर येत आहे. त्यामुळे हा निवडणूक पूर्व स्टंट आहे का असा प्रश्न उपस्थित केला जात आहे.

VIDEO | पार्थ पवारांच चौकात गाजलेलं भाषण | पिंपरी चिंचवड | हॅलो माईक टेस्टिंग | एबीपी माझा



या स्टंटबाजीमुळे सोशल मीडियावर पार्थ यांना पुन्हा एकदा ट्रोल करण्यात येतं असून निवडणुकीपर्यंत असे अनेक स्टंट पाहायला मिळतील अशी टीका सोशल मीडियावर होताना दिसत आहे.
दरम्यान रेल्वे प्रवाशांच्या समस्या जाणून घेण्यासाठी काल बुधवारीच सकाळी पार्थ पवार यांनी सीएसएमटीवरुन पनवेल असा लोकलने प्रवास केला होता. चाकरमानी सकाळच्या वेळेस पनवेलवरुन सीएसएमटीकडे मोठ्या प्रमाणात जात असतात. डब्बा गर्दीने भरलेला असतो. मात्र पार्थ यांनी सकाळच्या वेळेस लोकलमधून उलटा रेल्वे प्रवास करुन प्रवाशांच्या समस्या काय जाणून घेतल्या यावरही प्रश्न उपस्थित केले जात आहेत.

'पार्थ पवार लंबी रेस का घोडा है... याद रखना', नितेश राणेंकडून पाठराखण


 पार्थ पवारांचं आत्ताच 'असं' मग खासदार झालेच तर 'कसं'?