Amit Thackeray Maharashtra Vidhan Sabha Election 2024: महाराष्ट्र नवनिर्माण सेना (मनसे)ने विधानसभेची (Maharashtra Vidhan Sabha Election 2024) आणखी एक यादी जाहीर झाली आहे. त्यानुसार, माहीम विधानसभा मतदारसंघातून आता राज ठाकरे यांचे पुत्र अमित ठाकरे (Amit Thackeray) हे विधानसभेच्या मैदानात उतरणार आहे. अमित ठाकरेंना उमेदवारी जाहीर झाल्यानंतर आज शिवतीर्थ या निवासस्थानी मनसैनिकांनी उपस्थित राहून त्यांना शुभेच्छा दिल्या. यानंतर अमित ठाकरे यांनी आज माध्यमांशी संवाद साधत विविध मुद्द्यांवर भाष्य केलं.
मनसेच्या उमेदवारांच्या यादीत नाव आल्यानंतर माझ्या पोटात गोळा आला. मी लहान पणापासून या भागात वाढलोय, आम्हाला या मतदार संघातले विषय मला माहित आहे. लोकांचे प्रश्न मला तोंडपाठ आहे. त्यामुळे समोर कुणीही आलं तरी मी लढणार, अशी भूमिका अमित ठाकरेंनी जाहीर केली. निवडून आल्यानंतर पहिला कोणाता मार्गी लावणार असा प्रश्न विचारण्यात आला. यावेळी माहीम-दादरमधील समुद्रकिनाऱ्याचा प्रश्न मी मार्गी लावणार...निसर्गाने दिलेला समुद्रकिनारा मला स्वच्छ करायचा आहे, असं अमित ठाकरेंनी सांगितले.
आदित्य ठाकरेंनी सत्तेत असताना निवडणूक लढवली-
राज ठाकरेंकडे मी कधीही मतदारसंघाचा आग्रह केला नाही. मी स्वत: त्यांना सांगितलं, माझ्यासाठी 10 सीट कॉम्प्रमाईज झाल्या नाही पाहिजे. कोणासोबतही बोलू नका, असं अमित ठाकरे म्हणाले. राज ठाकरे मला नेहमी सांगतात हे राजकारण आहे. समोरचे कसे आहेत हे ओळखता आले पाहिजे. तुमचं राजकारण तुम्ही करा, आमचं राजकारण आम्ही करु. मी एकटं उभं राहून लढून काय फायदा?, राज ठाकरेंनी सांगितलंय, स्वबळावर म्हणजे स्वबळावर...पक्षाला गरज होती म्हणून मी निवडणूकीत उतरण्याचा निर्णय घेतला. मी माहीमकरांच्या प्रश्नासाठी एक दिवस देणार, असंही अमित ठाकरेंनी सांगितले.
वरळीचा समुद्रकिनाराही साफ करुन देईल- अमित ठाकरे
निवडून आल्यावर माहीम-दादरमधील समुद्रकिनाऱ्याचा प्रश्न मी मार्गी लावणार, असं अमित ठाकरेंनी म्हटल्यानंतर तुमच्या मतदारसंघालाचा लागून वरळीचा मतदारसंघही आहे. तुमच्या भावाच्या मतदारसंघातही समुद्रकिनारा आहे, असं पत्रकारांनी म्हटलं. वरळीचा समुद्रकिनाराही साफ करुन देईल..तो (आदित्य ठाकरे) हो म्हटल्यावर वरळीचा समुद्रकिनाराही साफ करुन देईल, असं अमित ठाकरे म्हणाले. अमित ठाकरेंच्या या विधानानंतर पत्रकार परिषदेत एकच हशा पिकला.
उद्धव ठाकरे काय निर्णय घेणार?
माहीम विधानसभा मतदारसंघ मनसेकडून अमित ठाकरे, तर शिंदेकडून सदा सरवणकर रिंगणात असणार आहेत. तर ठाकरे गटाने अद्याप उमेदवार जाहीर केला नाही. या मतदार संघात भाजप कार्यकर्ते सदा सरवणकर यांच्यावर नाराज आहेत. त्यामुळे भाजप अप्रत्यक्ष अमित ठाकरे यांना मदत करण्याची शक्यता आहे.