Maharashtra Vidhan Sabha Election 2024 : माजी मंत्र्याची काँग्रेसला सोडचिट्टी देत 'वंचित'मध्ये, पण उमेदवारी अर्ज भरण्यापासून 'वंचित'; आता पुन्हा काँग्रेसमध्ये घरवापसी करणार!

Maharashtra Vidhan Sabha Election 2024 : नागपूर मध्यमधून अनिस अहमद वंचितमधून निवडणूक लढणार होते. मात्र, वेळेवर न पोहोचल्याने अर्ज बाद झाला होता. अनिस अहमद काँग्रेसचे माजीमंत्री  राहिले आहेत. 

Maharashtra Vidhan Sabha Election 2024 : निवडणुकीच्या तोंडावर काँग्रेसला रामराम करत वंचित बहुजन आघाडीमध्ये प्रवेश करूनही अर्ज भरण्यास दोन मिनिटे उशीर झाल्याने उमेदवारीसाठी मुकलेल्या काँग्रेस नेते अनीस अहमद यांनी पुन्हा काँग्रेसमध्ये परतण्याचा निर्णय घेतला आहे. अनीस अहमद आज प्रभारी रमेश चन्नीथला यांच्या उपस्थितीत प्रवेश करणार आहेत. नागपूर मध्यमधून अनिस अहमद वंचितमधून निवडणूक लढणार होते. मात्र, वेळेवर न पोहोचल्याने अर्ज बाद झाला होता. अनिस अहमद काँग्रेसचे माजीमंत्री  राहिले आहेत. 

दोन मिनिटे आल्याने अर्ज फेटाळला! 

दरम्यान, अनीस अहमद यांनी काँग्रेससोबतचे चार दशके जुने संबंध तोडले होते. त्यांनी बंडाचा झेंडा रोवला आणि दिग्गज नेते अनीस अहमद वंचित बहुजन आघाडी (VBA) मध्ये सामील होऊन नागपूर मध्यमधून निवडणूक लढवण्याचा निर्णय घेतला. अनीस अहमद आपला उमेदवारी अर्ज दाखल करण्यासाठी मोठ्या शक्तीप्रदर्शनाने पोहोचले. मात्र, दोन मिनिटे उशिरा आल्याने त्यांचा अर्ज फेटाळण्यात आला होता. 

गुडघ्याला दुखापत असल्याचे दिले कारण 

यानंतर अनीस अहमद यांनी जिल्हाधिकारी कार्यालयाबाहेर हाय-व्होल्टेज ड्रामा घडवला. त्यांनी धरणे आंदोलन करत अनेक तास बसून राहिले. अनीस यांनी सांगितले की, रस्ते बंद, वाहनांवरील निर्बंध, सुरक्षा प्रोटोकॉल आणि शेवटच्या क्षणी कागदपत्रे यांसारख्या अडथळ्यांवर मात करत नागपूर केंद्रीय रिटर्निंग ऑफिसरच्या बूथवर पोहोचलो. सकाळी 11 ते दुपारी तीन वाजेपर्यंत उमेदवारी अर्ज दाखल करण्याची मुदत होती.  दुपारी तीन वाजता उमेदवारी अर्ज भरण्याचे दरवाजे बंद करण्यात आले. अहमद रात्री आठ वाजेपर्यंत रिटर्निंग ऑफिसरच्या कॅम्पमध्ये राहिले आणि त्यांनी उमेदवारी स्वीकारण्याची विनंती केली. त्यांनी त्यांच्या दुखापतीचाही हवाला दिला. ते म्हणाले की, जिल्हा प्रशासनाने आकाशवाणी चौक ते जुन्या व्हीसीए स्टेडियमपर्यंत रस्त्याने जाण्यास बंदी घातली होती. गुडघ्याला दुखापत असूनही तो उमेदवारी अर्ज भरण्यासाठी आतापर्यंत चालत गेला.

एनओसी, मान्यता प्रमाणपत्र, राष्ट्रीयीकृत बँक खाती उघडण्यासाठी दुपारी अडीच वाजेपर्यंत वेळ लागल्याचे अनीस अहमद यांनी सांगितले. मुख्य प्रवेशद्वारापाशी पोहोचलो तरी वाहनांच्या निर्बंधांमुळे मला दुखापत झालेल्या गुडघ्याला घेऊन चालावे लागले. अनीस पाच निवडणुकीमध्ये पराभूत झाले आहेत. यासोबतच ते दिल्ली, उत्तराखंड आणि हिमाचल प्रदेश काँग्रेस समित्यांचे माजी सचिव प्रभारी राहिले आहेत. 

इतर महत्वाच्या बातम्या