Maha Vidhan Sabha Nivadnuk 2024 LIVE : बिग ब्रेकिंग! पुण्यात नाकाबंदीत 138 किलो सोने जप्त
Maha Vidhan Sabha Nivadnuk 2024 LIVE : महाराष्ट्रातील विधानसभा निवडणुकांच्या पार्श्वभूमीवर प्रत्येक पक्षानं आपापल्या परीनं उमेदवार जाहीर केले आहेत.
पार्श्वभूमी
Maharashtra Vidhan Sabha Nivadnuk 2024 LIVE Updates : बारामतीत पुन्हा एकदा पवार विरूद्ध पवार अशी लढत होतेय.. होय.. शरद पवारांनी अजित पवारांच्या विरोधात त्यांचा पुतण्या युगेंद्र पवारला आखाड्यात उतरवलंय.. लोकसभेची...More
Pune News: सातारा रस्त्यावर आज सकाळच्या सुमारास नाकाबंदी पोलिसांनी 138 कोटींचं सोने जप्त केले.
एका संशयित वाहनाची पोलिसांनी झडती घेतली असता त्यात हे सर्व सोन्याचे दागिने सापडले.
हे सोनं नेमकं आले कुठून, कुठे जात होते? कुणाचे होते याचा तपास आता पोलीस करत आहे.
निवडणुकीच्या पार्श्वभूमीवर पुणे शहरात जागोजागी पोलिसांनी नाकाबंदी केली आहे..
संशयित वाहनांची तपासणी केली जात आहे.. त्या पार्श्वभूमीवर पोलिसांनी हे 138 कोटी रुपये किंमत असलेले सोन्याचे दागिने जप्त केले आहेत...
Gondia Vidhan Sabha Election 2024 : गोंदियातील मोरगाव अर्जुनी मतदारसंघात हायव्होल्टेज ड्रामा पाहायला मिळत आहे. आधी महायुतीत बंडखोरी झाली. त्यानंतर आता मविआतही बंडखोरीची चिन्ह दिसत आहेत. मविआत मोरगाव अर्जुनीची उमेदवारी कुठल्याही घटक पक्षाला गेली तरी चालेल. मात्र आयात उमेदवाराला तिकीट देऊ नये, अन्यथा बंडखोरी करु असा इशारा राष्ट्रवादी शरदचंद्र पवार पक्षाच्या कार्यकर्त्यांनी दिला. मोरगाव अर्जुनीत काँग्रेसकडून माजी आमदार दिलीप बनसोड इच्छुक आहेत. ते तिरोडा तालुक्यातील असून फक्त निवडणूक लढण्यासाठी त्यांनी मोरगाव अर्जुनीमध्ये तात्पुरतं घर घेतल्याचा आरोप स्थानिक पदाधिकाऱ्यांनी अनेक वेळा केला आहे.
Congress Write Letter To Thackeray Group : काँग्रेस पक्षाने ठाकरे गटाला पत्र लिहून केली नाराजी व्यक्त...
महाविकास आघाडीतील जागावाटपांचा तिढा सुटला नसतानाही त्या जागांवरील एबी फार्म कसे वाटले...
12 ते 15 जागांवर महाविकास आघाडीत तिढा कायम असताना काही एबी फार्म ठाकरे गटाकडून वाटण्यात आले...
या संदर्भात काॅगेसच्या नेत्यांनी आपली नाराजी व्यकत करत ठाकरे गटाला लिहील पत्र...
मुंबईतील काही जागा आणि विदर्भातील काही जागांवरती तिढा आहे मात्र अस असताना ठाकरे गटाने परस्पर एबी फॉर्म वाटल्याची माहिती, या संदर्भातही काँग्रेसच्या दिल्लीच्या बैठकीत यावर होणार चर्चा...
काल संध्याकाळी मुंबईच्या जागावाटपासंदर्भात चर्चा झाली मात्र त्याआधीच हे पत्र गेले होते...
Nashik Vidhan Sabha Election 2024 : काँग्रेसच्या प्रवक्त्या हेमलता पाटील नाशिकमधून अपक्ष लढणार
काँग्रेस नेत्यांवर नाराजी व्यक्त करताना हेमलता पाटील भावूक
नाशिक मध्यची जागा ठाकरेंच्या शिवसेनेला, हेमलता पाटील नाराज
Pune Vidhan Sabha Election : वडगाव शेरीची जागा घोषित झाल्यानंतर महायुतीत सस्पेन्स कायम
वडगाव शेरीची जागा राष्ट्रवादीने घोषित केली, तरी विषय संपलेला नाही-मुळीक
अर्ज भरायला अजून तीन ते चार दिवसांचा कालावधी बाकी-मुळीक
Hingoli News : हिंगोली शहरात 1 कोटी 40 लाख रोकड जप्त करण्यात आलीय. दोन वाहनातून ही रोकड नेली जात होती.
हिंगोलीच्या स्थानिक गुन्हे शाखेने कारवाई करत रोकड जप्त केली. रक्कम कोणत्या राजकीय पक्षाशी संबंधित आहे का याचा शोध सुरु आहे.
अकोला पश्चिमच्या जागेवर महाविकास आघाडीमध्ये तिढा, काँग्रेस सोबत ठाकरे गट सुद्धा आग्रही
काँग्रेसला उमेदवारी जाहीर झाल्यास शिवसेना ठाकरे गटाचे उमेदवार अपक्ष म्हणून अर्ज भरणार
आता उमेदवारी अर्ज केवळ दोन दिवस राहिले असताना अजूनही अकोला पश्चिम विधानसभा मतदारसंघात महाविकास आघाडीचा उमेदवार ठरलेला नाही
अकोला पश्चिम विधानसभा मतदारसंघात काँग्रेस सोबत शिवसेना ठाकरे गटाने सुद्धा आपला दावा सांगितला आहे
काँग्रेस पक्ष याच मतदारसंघातून सहा वेळेस निवडणूक लढवून सहा वेळेस पराभवाला सामोरे गेला आणि त्यामुळे शिवसेना ठाकरे गटाला ही जागा सोडली जावी अशी मागणी शिवसेना ठाकरे गटाकडून करण्यात आली आहे
जर ही जागा पुन्हा काँग्रेस पक्षाला सोडली शिवसेना ठाकरे गटाचे अकोला शहराध्यक्ष राजेश मिश्रा अपक्ष म्हणून उमेदवारी अर्ज 29 तारखेला भरणार असल्याचे त्यांनी जाहीर केले
सुधीर साळवी हे आमचे सहकारी आहेत निवडणूक लढण्याची इच्छा हा काही गुन्हा नाही आमचे पक्षश्रेष्ठी त्यांची समजूत काढतील. मी देखील त्यांच्याशी बोलेल.आमच्यात वितुष्ट आणि वैर नाही. शिवडी विधानसभेवर शिवसेनेचा भगवा फडकणार, असं ठाकरे गटाचे आमदार आणि उमेदवार अजय चौधरी म्हणाले.
मुंबई : वरळी विधानसभेत एकनाथ शिंदे यांची शिवसेना मोठा डाव टाकण्याच्या तयारीत आहे. आदित्य ठाकरे यांच्याविरोधात वरळी विधानसभेत शिवसेनेकडून राज्यसभा खासदार मिलिंद देवरा यांना तिकीट मिळण्याची दाट शक्यता आहे. मिलिंद देवरा सध्या राज्यसभेचे खासदार आहेत. मात्र त्यांना आमदारकी लढण्यासाठी उतरवले जाण्याची चिन्हं आहेत.
Vidhan Sabha Election 2024 : महायुतीत जागावाटपावरुन तिढा अद्याप कायम आहे. गुरुवारी अमित शहांसोबतच्या बैठकीनंतरही अद्याप सहा जागांवरचा तिढा कायम आहे. सध्या महायुतीत तब्बल सहा जागांवरुन तिढा कायम असल्याची माहिती मिळत आहे.
महायुतीत कोणत्या सहा जागांवरून तिढा?
- वर्सोवा
- अंधेरी पूर्व
- वरळी
- वसई
- पालघर
- मीरा-भाईंदर
Vidhan Sabha Election LIVE : इस्लापूर विधानसभेसाठी जयंत पाटील यांच्या विरोधात निशिकांत पाटील
रोहित पाटील यांच्या विरोधात कवठे महाकाळ विधानसभेतून संजय काका पाटील
दोन्ही महत्त्वाचे उमेदवार 29 ऑक्टोबरला विधानसभेसाठी उमेदवारी अर्ज दाखल करणार
अजित पवार स्वतः उमेदवारी अर्ज भरण्यासाठी उपस्थित राहणार
Dharashiv Vidhan Sabha Election: धाराशिव : धाराशिव जिल्ह्यात महाविकास आघाडी समोर दोन जागांवर पेच कायम आहे. जिल्ह्यातील चार विधानसभा मतदारसंघांपैकी तुळजापूर आणि उमरगा या दोन मतदारसंघात अजूनही उमेदवाराची घोषणा नाही.
परंडा विधानसभा मतदारसंघात उद्धव ठाकरेंनी रणजीत पाटील यांना एबी फॉर्म दिला. मात्र राष्ट्रवादी शरद पवार गटाचे माजी आमदार राहुल मोटे काय भूमिका घेणार याकडे लक्ष? तर एका जागेवर महायुतीचा तिढा सुटेना. उस्मानाबाद विधानसभेच्या जागेवर महायुतीच्या तीनही पक्षाकडून केला जातोय दावा. अद्याप उमेदवारीची घोषणा नाही. इतर तीन मतदारसंघात महायुतीचे उमेदवार घोषित.
Vidhan Sabha Election 2024 : चंद्रपूरचे अपक्ष आमदार किशोर जोरगेवार यांच्या संभावित भाजप प्रवेशाने चंद्रपूर जिल्ह्यातील भाजपमध्ये मोठी खळबळ. भाजप नेते सुधीर मुनगंटीवार दिल्लीला रवाना, अमित शहा यांच्यासोबत भेट घेऊन जोरगेवार यांचा पक्षप्रवेश थांबवण्यासाठी करणार प्रयत्न, कालच किशोर जोरगेवार हे भाजपमधील सुधीर मुनगंटीवार यांच्या विरोधकांसह दिल्लीत जाऊन भाजपच्या ज्येष्ठ नेत्यांना भेटल्याची विश्वसनीय सूत्रांची माहिती.
उपमुख्यमंत्री देवेंद्र फडणवीस हे देखील जोरगेवार यांच्या भाजप प्रवेशाबाबत सकारात्मक असल्याने मुनगंटीवार यांना थेट दिल्लीतील हायकमांड कडे मागावी लागणार दाद... तर दुसरीकडे भाजपचे पदाधिकारी आणि कार्यकर्ते मोठ्या संख्येने थोड्या वेळात नागपूरसाठी होणार रवाना, नागपूर येथे देवेंद्र फडणवीस यांना भेटून जोरगेवारांना पक्षप्रवेश आणि तिकीट देऊ नये यासाठी करणार मागणी.
NCP (Ajit Pawar Group) 2nd List: अजित पवारांच्या राष्ट्रवादी काँग्रेसची दुसरी यादी जाहीर करण्यात आली आहे. सुनील टिंगरेंना वडगाव शेरीतून, तर शिरुर हवेलीतून माऊली खटके यांना रिंगणात उतरवण्यात आलं आहे.
राष्ट्रवादी काँग्रेस (अजित पवार गट) दुसरी यादी :
तासगाव कवठे-महाकाळ : संजय काका पाटील
अणुशक्तीनगर : सना मलिक
इस्लामपूर : निशिकांत पाटील
लोहा कंधार : प्रतापराव चिखलीकर
वांद्रे पूर्व : झिशान सिद्धकी :
वडगाव शेरी : सुनिल टिंगरे
शिरुर : ज्ञानेश्वर कटके
Vidhan Sabha Election 2024: अजितदादांच्या राष्ट्रवादी काँग्रेस पक्षाची दुसरी यादी जाहीर करण्यात आली आहे. वडगाव शेरीसाठी अजितदादांकडून सुनिल टिंगरे यांना रिंगणात उतरवलं आहे. तर, सना मलिक यांना अणुशक्तीनगरमधून उमेदवारी जाहीर करण्यात आली आहे.
राष्ट्रवादी काँग्रेस (अजित पवार गट) दुसरी यादी :
- तासगाव कवठे-महाकाळ : संजय काका पाटील
- अणुशक्तीनगर : सना मलिक
- इस्लामपूर : निशिकांत पाटील
- लोहा कंधार : प्रतापराव चिखलीकर
- वांद्रे पूर्व : झिशान सिद्धकी :
- वडगाव शेरी : सुनिल टिंगरे
- शिरुर : ज्ञानेश्वर कटके
Zeeshan Siddiqui Joins NCP: बाबा सिद्दिकी यांचे सुपुत्र आणि वांद्रे पूर्वचे विद्यमान आमदार झिशान सिद्दिकी यांनी अजित पवार यांच्या राष्ट्रवादी काँग्रेसमध्ये प्रवेश केला आहे. झिशान सिद्दिकी यांनी काँग्रेसची साथ सोडत अजितदादांच्या राष्ट्रवादी काँग्रेसमध्ये पक्षप्रवेश केला आहे. अजितदादांच्या राष्ट्रवादीकडून झिशान सिद्दिकी वांद्रे पूर्वची जागा लढवणार असल्याची माहिती मिळत आहे.
Zeeshan Siddiqui Joins NCP: वांद्रे पूर्वमधून काँग्रेसचे आमदार झिशान सिद्धिकी राष्ट्रवादी काँग्रेस पक्षाचा वाटेवर
थोड्याच वेळात अजित पवारांच्या उपस्थिती प्रवेश
झिशान सिद्दीकी बरोबरच देवेंद्र भुयार देखील राष्ट्रवादीमध्ये प्रवेश करणार
दोघांनाही अजित पवार यांच्या उपस्थितीत एबी फाॅर्म दिला जाणार
New Chief Justice of India: भारताचे 51 वे सरन्यायाधीश म्हणून सर्वोच्च न्यायालयाचे न्यायाधीश संजीव खन्ना यांची निवड केंद्रीय विधी व न्याय मंत्री अर्जुन राम मेघवाल यांनी ही घोषणा केली. मावळते सरन्यायाधीश डीवाय चंद्रचूड यांनी मागच्या आठवड्यातच संजीव खन्ना यांचे नाव सुचविले होते. त्यानंतर आता राष्ट्रपतींनी खन्ना यांच्या नावावर शिक्कामोर्तब केले असून 11 नोव्हेंबर रोजी ते सरन्यायाधीश पदाची शपथ घेतील. चंद्रचूड यांच्यानंतर संजीव खन्ना हे सर्वात वरिष्ठ न्यायाधीश आहेत. त्यांच्या काळात त्यांनी काही ऐतिहासिक आणि महत्त्वाचे निकाल घेतले आहेत.
NCP Candidate List : घड्याळ चिन्हाबाबत झालेल्या सुनावणीदरम्यान सुप्रीम कोर्टानं दोन्ही राष्ट्रवादी काँग्रेसना खडे बोल सुनावले. अजित पवारांच्या पक्षाकडून घड्याळ चिन्हावर 'प्रकरण न्यायप्रविष्ट' असा उल्लेख होत नसल्याने शरद पवारांच्या पक्षानं कोर्टात दाद मागितली होती. यावेळी कोर्टानं दोन्ही पक्षांना आम्ही दिलेल्या सूचनांचं पालन करा, नाहीतर, आम्ही स्वतःहून अवमान ठपका ठेवू असा इशारा दिला. अजित पवारांच्या राष्ट्रवादीनं सर्व सूचनांचं पालन करत असल्याचं सांगितलं. आणि प्रतिज्ञापत्र आणि पुरावे सादर करू, असं आश्वासन दिलं. पुढील सुनावणी 4 नोव्हेंबर रोजी होणार आहे.
Maha Election 2024 LIVE: महायुतीमध्ये दिल्लीत बंडखोरी होऊ नये म्हणून काथ्याकूट केला जात असताना. नाशिकमध्ये बंडखोरीला उधाण आलं. अजितदादांचे निकटवर्तीय असलेल्या छगन भुजबळांचा पुतण्यानेच बंडाचा झेंडा फडकवलाय. समीर भुजबळ नांदगावमधून, शिवसेनेचे अर्थात महायुतीचे उमेदवार सुहास कांदेंविरोधात लढणार आहेत. भुजबळांच्या या आवाहनाला सुहास कांदेंनीही तितक्याच जोरकसपणे प्रतिआव्हान दिलंय. सुहास कांदेंनी तर थेट छगन भुजबळांविरोधात येवल्यातून निवडणूक लढण्यास इच्छुक असल्याचं जाहीर केलंय.
Vidhan Sabha Election Congress Candidate List : आगामी विधानसभा निवडणुकीसाठी काँग्रेसनं 48 उमेदवारांची आपली पहिली यादी आज जाहीर केली. त्यात मुंबई आणि आसपासच्या महानगरांमधल्या केवळ पाच जागांचा समावेश आहे. मुंबईतल्या धारावी मतदारसंघातून खासदार वर्षा गायकवाड यांची बहीण डॉ. ज्योती गायकवाड यांना उमेदवारी जाहीर करण्यात आली आहे. मालाड पश्चिम मतदारसंघातून विद्यमान आमदार अस्लम शेख, तर चांदिवली मतदारसंघातून काँग्रेस नेते नसीम खान यांना उमेदवारी देण्यात आली आहे. मुंबईतल्या मुंबादेवी मतदारसंघातून अमिन पटेल यांना, तर मिरा भाईंदरमधून सय्यद मुझफ्फर हुसेन यांना काँग्रेसनं तिकीट दिलं आहे.
Maharashtra Election 2024 LIVE: विधानसभा निवडणुकीसाठी काँग्रेसच्या 48 उमेदवारांची पहिली यादी जाहीर करण्यात आलीय. साकोलीतून नाना पटोले, ब्रह्मपुरीतून विजय वडेट्टीवार तर संगमनेरमधून बाळासाहेब थोरात यांना उमेदवारी जाहीर झालीय. कराड दक्षिणमधून माजी मुख्यमंत्री पृथ्वीराज चव्हाण, तिवसा मतदारसंघातून यशोमती ठाकूर, धुळे ग्रामीणमधून कुणाला पाटील यांना उमेदवारी मिळालीय.
धारावीतून वर्षा गायकवाड यांच्या भगिनी ज्योती गायकवाड, मालाडमधून अस्लम शेख, चांदिवलीतून नसीम खान, मुंबादेवीतून अमीन पटेल यांना तिकीट मिळालंय. लातूर ग्रामीणमधून धीरज देशमुख, लातूर शहरमधून अमित देशमुख, तर पुण्यातल्या कसबा पेठ मतदारसंघातून रवींद्र धंगेकर यांचा नाव जाहीर झालंय.
Mahayuti Seat Sharing LIVE : महायुतीत आता फक्त 10 जागांचा तिढा बाकी असल्याची माहिती उपमुख्यमंत्री देवेंद्र फडणवीस यांनी दिलीय. 10 जागांवर एकमत झाल्यानंतरच महायुतीचा फॉर्म्य़ुला जाहीर होईल असं फडणवीस म्हणालेत. आज भाजपची दुसरी यादी येण्याची शक्यताही फडणवीसांनी बोलून दाखवलीय.
महायुतीच्या जागावाटपाबद्दल दिल्लीत अमित शाहांच्या उपस्थितीत बैठक पार पडली. मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार या बैठकीला उपस्थित होते. पालघर, बोईसर, वसई विरार आणि नालासोपारा या मतदारसंघावरुन भाजप शिवसेनेत सुरु असलेला वाद संपलाय. वसई विरार, पालघर, बोईसर या जागा भाजप शिंदेंच्या शिवसेनेसाठी सोडण्यात येणार आहे. तर नालासोपाऱ्याची जागा भाजपला देण्यात येणार आहे.
Mahayuti Seat Sharing : महायुतीचे उमेदवार एकनाथ शिंदे, देवेंद्र फडणवीस आणि अजित पवार फायनल करत असले, तरी जागावाटपाचा डिसिजन मात्र दिल्लीतच फायनल होतो. मात्र, यंदा दिल्ली हायकमांडला देखील पेच सोडवताना कठीण जातंय. अमित शाहांच्या घरी तब्बल तीन तास बैठक चालली. काही जागांचा तिढा सुटला असला तरी काही जागांचं घोडं मात्र अजून अडलेलंच आहे.
Ramtek Vidhan Sabha Election 2024: मविआत 85 चा फॉर्म्युला ठरला असला तरी काँग्रेस आणि ठाकरेंच्या शिवसेनेतल्या काही जागांचा तिढा मात्र सुटत नाहीय. त्यातल्या विदर्भातल्या जागांमध्ये कळीचा वाद ठरलाय रामटेक मतदारसंघाचा. ठाकरेंनी याठिकाणी उमेदवारी जाहीर केली असली तरी काँग्रेसनं मात्र अजूनही आशा सोडलेला नाहीय. त्यामुळे रामटेकमध्ये लोकसभेसारखी सांगलीची पुनरावृत्ती होणार का, असा प्रश्न पडलाय.
Ramtek Vidhan Sabha Election 2024: मविआत 85 चा फॉर्म्युला ठरला असला तरी काँग्रेस आणि ठाकरेंच्या शिवसेनेतल्या काही जागांचा तिढा मात्र सुटत नाहीय. त्यातल्या विदर्भातल्या जागांमध्ये कळीचा वाद ठरलाय रामटेक मतदारसंघाचा. ठाकरेंनी याठिकाणी उमेदवारी जाहीर केली असली तरी काँग्रेसनं मात्र अजूनही आशा सोडलेला नाहीय. त्यामुळे रामटेकमध्ये लोकसभेसारखी सांगलीची पुनरावृत्ती होणार का, असा प्रश्न पडलाय.
Baramati Vidhan Sabha Election 2024 : बारामतीत पुन्हा एकदा पवार विरूद्ध पवार अशी लढत होतेय.. होय.. शरद पवारांनी अजित पवारांच्या विरोधात त्यांचा पुतण्या युगेंद्र पवारला आखाड्यात उतरवलंय. लोकसभेची पुनरावृत्ती टाळण्यासाठी अजित पवारांनी कोणती रणनीती आखलीय, तर नातवाला जिंकवण्यासाठी शरद पवार कोणता डाव टाकणार आहेत?
- मुख्यपृष्ठ
- निवडणूक
- Maha Vidhan Sabha Nivadnuk 2024 LIVE : बिग ब्रेकिंग! पुण्यात नाकाबंदीत 138 किलो सोने जप्त