Maharashtra News Live Updates : अमित शाहांच्या सर्व सभा रद्द, तातडीने नागपूरला निघाले

Maharashtra News Live Updates : आज घडणाऱ्या राजकीय तसेच इतर प्रमुख घडामोडींचा आढावा वाचा एका क्लिकवर....

पार्श्वभूमी

मुंबई : राज्यात विधानसभा निवडणुकीचा (Vidhan Sabha Election 2024) प्रचार शिगेला पोहोचला आहे. आजचा दिवस सोडला तर प्रचारासाठी अवघा एक दिवस शिल्लक राहिला आहे. याच कारणामुळे सध्या राज्यात राजकीय घडामोडींना चांगलाच वेग आला आहे. वेगवेगळ्या पक्षांचे प्रमुख नेतेमंडळी दिवसारत्र एक करून जास्तीत जास्त लोकांपर्यंत पोहोचण्याचा प्रयत्न करत आहेत. सध्या राज्यातील वेगवेगळ्या भागात सभा, कॉर्नर बैठका, रॅली यांचे सत्र चालू आहे. या सभांमध्ये नेतमंडळी एकमेकांवर सडकून टीका करताना दिसतायत. या आरोप-प्रत्यारोपांना तेवढ्याच ताकदीने प्रत्युत्तर दिले जात आहे. या प्रमुख घडामोडींचे तसेच इतरही महत्त्वाच्या घटनांचे अपडेट्स वाचा एका क्लिकवर.... 

17/11/2024 12:22:39

नायजेरियाकडून पंतप्रधान नरेंद्र मोदींना द ग्रँड कमांडर ऑफ द ऑर्डर ऑफ द नायजर पुरस्कार जाहीर

नायजेरियाकडून पंतप्रधान नरेंद्र मोदींना द ग्रँड कमांडर ऑफ द ऑर्डर ऑफ द नायजर (GCON) हा पुरस्कार जाहीर 

क्वीन एलिझाबेथ यांच्यानंतर नरेंद्र मोदी ठरले दुसरे परदेशी व्यक्ती ज्यांना नायजेरियाकडून हा पुरस्कार मिळणार आहे 

1969 मध्ये हा पुरस्कार एलिझाबेथ यांना मिळाला होता

पंतप्रधान मोदींना विदेशाकडून प्रदान करण्यात येणारा हा 17 वा आंतरराष्ट्रीय पुरस्कार असेल

17/11/2024 10:42:28

हिंगोली आणि परभणी च्या सीमेवर रोकड जप्त

हिंगोली जिल्ह्यात आज सकाळच्या सुमारास मुंबईहून नांदेडच्या दिशेने जाणाऱ्या ट्रॅव्हल्स मध्ये रोकडची वाहतूक केली जात होती तपासणी केल्यानंतर पोलिसांनी ही रक्कम जप्त केली आहे. सूत्रांनी दिलेल्या माहितीनुसार ही रक्कम एक कोटी रुपये पर्यंत असू शकते. हिंगोली पोलिसांच्या वतीने जिल्ह्याचे सीमेवर जिल्ह्यात येणाऱ्या प्रत्येक वाहनाची झाडाझटी घेतली जात आहे. त्यानुसार ही ट्रॅव्हल्स आज सकाळच्या सुमारास मुंबईहून नांदेड च्या दिशेने जात असताना हिंगोलीच्या चेक पोस्टवर तपासणी केली असता मोठ्या प्रमाणात रोकड असल्याचं आढळून आलं आहे. आता या प्रकरणी निवडणूक विभागाचे अधिकारी आणि पोलीस या रक्केची मोजणी करत आहेत.

17/11/2024 10:06:54

अमित शाहांच्या सर्व सभा रद्द, तातडीने नागपूरला निघाले

Amit Shah तातडीने नागपुरातून निघाले... 

त्यांच्या गडचिरोली, वर्धा आणि नागपूर जिल्ह्यातील काटोल आणि सावनेर अशा सर्व चार सभा रद्द....

कारण नाही समजले...

आजच्या चार सभांसाठी अमित शहाकाल संध्याकाळीच नागपुरात दाखल झाले होते...

त्यांचा नागपूरातील रेडिसन ब्लू हॉटेलमध्ये मुक्काम होता...

आज सकाळी 11 वाजताच्या सुमारास ते सभेसाठी गडचिरोलीला रवाना होणार होते... 

मात्र आता हा दौरा रद्द झाल्याचा समजतंय...

17/11/2024 08:30:59

अंबाजोगाई मध्यरात्री गोळीबार; दोन युवक जखमी

बीडच्या अंबाजोगाई ग्रामीण पोलीस ठाणे हद्दीत मध्यरात्रीच्या सुमारास गोळीबार झाला आहे. या घटनेने परिसरात खळबळ उडाली असून पोलीस अधिक तपास करत आहेत. बीड लातूर रोडवरील सेलू आंबा टोल नाक्यावर सदरील घटना घडली असून घटनेत दोन युवक जखमी आहेत. संदीप तांदळे आणि अभय पंडित असं जखमी झालेल्या तरुणांचे नाव आहे. हा गोळीबार नेमका कोणत्या कारणाने झाला याची माहिती अद्याप समजू शकलेली नाही. परंतु विधानसभा निवडणुकी दरम्यान ही घटना घडल्याने पोलीस सतर्क झाले आहे.

17/11/2024 08:21:12

रिझर्व्ह बॅकेला धमकीवजा फोन, लष्कर ए तोयबाचा CEO असल्याचे सांगत बँक बंद करा सांगून फोन बंद

रिझर्व्ह बॅकेला धमकी वजा फोन

रिझर्व्ह बॅकेच्या कस्टमर केअर क्रमांकावर शनिवारी सकाळी १० च्या सुमारास हा फोन आला होता

फोन वरील व्यक्तीने आपण लष्कर ए तोय्यबा चा CEO असल्याचे सांगत बॅक बंद करा, इलेक्ट्रीक कार रॅबीस असे म्हणत फोन ठेवून दिला

या घटनेची गंभीर दखल घेत रिझर्व्ह बॅकेच्या सुरक्षा रक्षकाने दिलेल्या तक्रारीनुसार माता रमाबाई मार्ग पोलिस ठाण्यात गुन्हा दाखल करण्यात आला आहे

मात्र कुणीतरी हे खोडसाळ कृत्य केल्याचा पोलिसांना संशय असून पोलिस त्याचा शोध घेत आहेत.