अमरावती जिल्ह्याचा धक्कादायक निकाल! काँग्रेसच्या यशोमती ठाकूर, बच्चू कडूंसह मविआला फटका, रवी राणांचा चौथ्यांदा दणदणीत विजय

Amravati Vidhan Sabha Election 2024: अमरावती जिल्ह्यात धक्कादायक निकाल समोर आले आहे. यात अचलपूर मतदारसंघात प्रहारच्या बच्चू कडू यांच्यासह काँग्रेसच्या यशोमती ठाकूर यांनाही पराभवाचा सामना करावा लागलाय.

Amravati District Vidhan Sabha Election 2024 : लोकसभा निवडणुकीत आलेले अपयश बाजूला सारुन महायुतीने विधानसभा निवडणुकीत मोठा राजकीय चमत्कार करुन दाखवला आहे. विशेष म्हणजे गेल्या लोकसभेत भाजप आणि महायुतीला विदर्भात दारुण पराभवाला समोर जावे लागले होते. मात्र यंदा भाजपने योग्य नियोजन आणि रणनीती आखत घवघवीत यश मिळवले आहे. दरम्यान, अमरावती जिल्ह्याच्या राजकारणात मोठी उलथा पालथ झाल्याचे चित्र असून धक्कादायक निकाल आले आहे. यात अचलपूर मतदारसंघात प्रहारच्या बच्चू कडू यांच्यासह काँग्रेसच्या माजी मंत्री यशोमती ठाकूर यांनाही पराभवाचा सामना करावा लागला आहे. तर अमरावती विधानसभा मतदारसंघात महायुतीच्या अजित पवार गटाच्या सुलभा खोडके, बडनेरा येथून युवा स्वाभिमान पक्षाचे रवी राणा 37 हजार मतांनी चौथ्यांदा विजयी झाले आहे. 

बडनेरा विधानसभेचे आमदार आणि महायुतीतील घटक पक्ष असलेल्या युवा स्वाभिमान पक्षाचे उमेदवार रवी राणा (Ravi Rana) यांनी 37 हजार मतांच्या मताधिक्यांनी  चौथ्यांदा विजय संपादन केला  आहे. यावर बोलताना रवी राणा यांनी काँग्रेस नेत्या यशोमती ठाकूर आणि बच्चू कडू यांच्यावर टिका केली. लोकसभेत नवनीत राणांना पराभूत केलं, हा पराभव जिव्हारी लागला होता. त्यामुळे जनतेनी यशोमती ठाकूर आणि बच्चू कडू यांना दणका दिला. बच्चू कडू यांनी चिंतन करावं आणि जनतेची सेवा करावी, असा टोला ही रवी राणा यांनी बच्चू कडू यांना लगावला.

अमरावती जिल्हा निकाल

भाजप - 5
युवा स्वाभिमान - 1
राष्ट्रवादी अजित पवार - 1
उबाठा गट - 1

अमरावती विधानसभा - महायुतीतील अजित पवार गटाच्या सुलभा खोडके 5413 मतांनी विजयी

बडनेरा -  युवा स्वाभिमान पक्षाचे रवी राणा 37 हजार मतांनी चौथ्यांदा विजयी 

धामणगाव रेल्वे - महायुतीतील भाजपचे प्रताप अडसड 15950 मतांनी दुसऱ्यांदा विजय.. 

दर्यापूर - महाविकास आघाडीचे उबाठा गटाचे गजानन लवटे विजयी...

तिवसा - महायुतीतील भाजपचे राजेश वानखेडे  विजयी..

अचलपूर - महायुतीतील भाजप उमेदवार प्रवीण तायडे 12435 मतांनी विजयी 

मोर्शी - महायुतीतील भाजप उमेदवार उमेश यावलकर 61863 मतांनी विजयी 

मेळघाट - महायुतीतील भाजप उमेदवार केवलराम काळे 107233 मतांनी विजयी

यशोमती ठाकूर यांचाही पराभव 

माजी मंत्री यशोमती ठाकूर यांनाही पराभवाचा सामना करावा लागला आहे. तिवसा विधानसभा मतदारसंघात भाजपने यशोमती ठाकूर यांच्याविरोधात राजेश वानखेडे यांना उमेदवारी दिली होती. राजेश वानखेडे यांच्याकडे 21 फेऱ्यांनंतर 8195 मतांचा लीड होता. अखेर आता यशोमती ठाकूर यांचा पराभव झाल्याचे निश्चित मानले जात आहे. 

कोण कोणते नेते पराभूत ? 

राजेश टोपे
बाळासाहेब पाटील
पृथ्वीराज चव्हाण 
बाळासाहेब थोरात 
धीरज विलासराव देशमुख
ऋतुराज पाटील  
रोहित पवार 

इतर महत्त्वाच्या बातम्या