Mohol Vidhansabha Election : विधानसभा निवडणुकीची (Vidhansabha Election) रणधुमाळी सुरु झाली आहे. सर्वच राजकीय पक्षातील नेत्यांच्या हालचालींना वेग आला आहे. इच्छुक उमेदवारांनी नेत्यांच्या गाठीभेटी सुरु केल्या आहेत. अशातच माजी मंत्री आणि भाजपचे नेते लक्ष्मणराव ढोबळे (Laxman Dhoble) यांच्या कन्या कोमल ढोबळे ( Komal Dhoble ) यांनी शरद पवार यांची भेट घेतली आहे. कोमल ढोबळे यांनी लक्ष्मण ढोबळे यांना मोहोळ राखीव विधानसभा मतदारसंघातून उमेदवारी मिळावी, अशी मागणी केली आहे. लक्ष्मण ढोबळे हे ऐकेकाळचे शरद पवारांचे (Sharad Pawar) निकटवर्तीय होते.
लक्ष्मण ढोबळे हाती घेणार तुतारी
आज कोमल ढोबळे या बहुजन रयत परिषदेचे राज्यातील पदाधिकारी घेऊन मुंबई येथील वाय बी सेंटर मध्ये शरद पवार यांना भेटल्या. यावेळी खासदार सुप्रिया सुळे देखील उपस्थित होत्या. दोनच दिवसांपूर्वी लक्ष्मण ढोबळे आणि सुप्रिया सुळे यांची मुंबई चर्चा झाली होती. आता थेट लक्ष्मणराव ढोबळे यांच्यासाठीच मोहोळमध्ये उमेदवारी मागितल्याने मोहोळचा तिढा अजून वाढणार आहे. अजूनही लक्ष्मणराव ढोबळे यांनी भाजपचा राजीनामा दिला नाही. दुसरीकडे बहुजन रयत परिषद या त्यांच्या संघटनेचा दबाव वाढल्याने त्यांनी शरद पवार गटाची तुतारी हातात घेण्याची तयारी केली आहे.
मोहोळ विधानसभा मतदारसंघामध्ये चुरस वाढण्याची शक्यता
विधानसभा निवडणुकीचा (Vidhansabha Election) रणसंग्राम सुरु झाला आहे. या पार्श्वभूमीवर राजकीय घडामोडींना वेग आला आहे. माजी मंत्री लक्ष्मण ढोबळे (Laxman Dhoble) यांनी दोन दिवसापूर्वी मुंबईत राष्ट्रवादी काँग्रेस शरदचंद्र पवार पक्षाच्या राष्ट्रीय कार्याध्यक्षा सुप्रिया सुळे यांची भेट घेतली होती. नुकतीच ढोबळे यांची बहुजन रयत परिषदेच्या पदाधिकाऱ्यांनी भेट घेऊन भाजपचा राजीनामा देण्याची मागणी केली होती. भाजपमध्ये मागील 10 वर्षांपासून डावललं जात असल्याने भाजपला सोडचिठ्ठी देण्याची मागणी केली होती. त्यामुळं लक्ष्मण ढोबळे भाजपला सोडचिठ्ठी देत राष्ट्रवादी काँग्रेस शरदचंद्र पवार पक्षात प्रवेश करण्याची शक्यता वर्तवली जात होती. अशातच आज लक्ष्मण ढोबळे यांच्या कन्या कोमल ढोबळे यांनी आज शरद पवार यांची मुंबईत भेट घेतलीय यावेळी त्यांनी लक्ष्मण ढोबळे यांना उमेदवारी देण्यात यावी अशी मागणी शरद पवार यांच्याकडे केली आहे. त्यामुळं मोहोळ विधानसभा मतदारसंघामध्ये चुरस वाढण्याची शक्यता आहे.
महत्वाच्या बातम्या: