Jayant Patil : शरद पवार यांच्या राष्ट्रवादीचे प्रदेशाध्यक्ष इस्लामपूर मतदारसंघाचे उमेदवार जयंत पाटील यांनी साखराळे या ठिकाणी मतदानाचा हक्क बजावला. यावेळी त्यांनी मुलगा प्रतीक आणि राजवर्धनसह मतदानाचा हक्क बजावला. जयंत पाटील यांनी मोठ्या प्रमाणात मतदान करावे असे आवाहन जनतेला केले. जयंत पाटील म्हणाले की, भाजपचा राष्ट्रीय नेता पैशांसोबत सापडतो यावरून सिद्ध होते की भाजप या निवडणुकीत काय करत आहे. हे महाराष्ट्राला खरेदी करायला निघाले आहेत, महाराष्ट्र स्वाभिमानी आहे, महाराष्ट्र विकणार नाही. 23 तारखेला जेव्हा मतमोजणी होईल तेव्हा कळेल की महाराष्ट्र हा छत्रपती शिवाजी महाराज यांचा स्वाभिमानाने जपणारा महाराष्ट्र आहे.
माझे लोक मला मोठ्या मताधिक्याने निवडून देतील
जयंत पाटील यांनी सांगितले की, या मतदारसंघाने मला नेहमीच भरघोस मतांनी निवडून दिले आहे. यावेळीही लोक मला मोठ्या मताधिक्याने निवडून देतील तसेच महाराष्ट्रातही महाविकास आघाडीचे उमेदवार मोठ्या प्रमाणावर निवडून येतील. मोठ्या बहुमताने महाविकास आघाडीचे सरकार येईल असा विश्वास त्यांनी व्यक्त केला. जयंत पाटील म्हणाले की, काल भारतीय जनता पक्षाचे राष्ट्रीय सरचिटणीस विनोद तावडे यांना विरार येथे पैशांसह पकडण्यात आले आणि देशभरात एकच खळबळ माजली. ही खळबळ थांबवण्यासाठी सुप्रियाताईंच्या ऑडिओ क्लिपचे कुंबाड रचले गेले. लोकांना भाजपला ओळखले आहे हा पक्ष खोटा बोलणाराही आहे आणि पक्ष फोडणाराही आहे. भाजपचे लोक असे वागतात हे दुर्दैवी असल्याचे ते म्हणाले. खोटे नाटक उभा करणे हे भारतीय जनता पार्टीचे वैशिष्ट्य आहे. देशातील आणि महाराष्ट्रातील निवडणुकीमध्ये भाजप काय करते हे विरारमधील प्रकरणामुळे जनतेला समजले, असे म्हणत विरारमधील प्रकरणावरून जयंत पाटील यांनी भाजपवर टीका केली.
इतर महत्वाच्या बातम्या