Lok Sabha Election 2024 Phase 2 Polling Live: नांदेडमध्ये मतदाराने मतदान मशिन फोडलं, कर्मचाऱ्यावरही हल्ल्याचा प्रयत्न
Lok Sabha Election 2024 Phase 2 : राज्यात आज विदर्भातले बुलढाणा, अकोला, अमरावती, वर्धा, यवतमाळ तर मराठवाड्यातले हिंगोली, नांदेड, परभणी या मतदारसंघात मतदान होणार आहे
नांदेड जिल्ह्यातील रामतीर्थ मतदान केंद्रावर एक गंभीर प्रकार घडला आहे. भानुदास एडके या व्यक्तीने मतदान केंद्रात प्रवेश करत चक्क VVPAT मशीन आणि बलेट मशीन कुऱ्हाडीने तोडून टाकली. या व्यक्तीने मतदान केंद्रातील कर्मचाऱ्यावरही हल्ला करण्याचा प्रयत्न केला. संविधान वाचवण्यासाठी आपण हे करत असल्याचे ओरडत होता. मतदान केंद्रावर गृह रक्षक दलाचे कर्मचारी तैनात होते पण त्यांचाही नाईलाज झाला. या फोडलेल्या मशीनमध्ये अंदाजे 500 मतदान झाले होते. पण कंट्रोल युनिट सुरक्षित असल्याने झालेले मतदानही सुरक्षित असल्याचं प्रशासनाचा दावा आहे.
Lok Sabha Election 2024 Phase 2 Polling Live: देशभरातील मतदानात महाराष्ट्रात सर्वात थंड प्रतिसाद, दुपारी 1 वाजेपर्यंत केवळ 31.77 टक्के मतदान झाले आहे
दुपारी 1 पर्यंत मतदानाची आकडेवारी
- वर्धा – 32.32 टक्के
- अकोला -32.25 टक्के
- अमरावती – 31.40 टक्के
- बुलढाणा – 29.07 टक्के
- हिंगोली – 30.46 टक्के
- नांदेड - 32.93 टक्के
- परभणी – 33.88 टक्के
- यवतमाळ-वाशिम – 31.47 टक्के
Akola Election: अकोल्यात सकाळपासून मोठ्या उत्साहात मतदानाला सुरूवात झालीये. मतदार मतदानकेंद्रांवर मोठी गर्दी करतायेत. मात्र, अनेकांची मतदार यादीत नाव नसल्याने मतदारांना आल्या पावली माघारी जावं लागतंये. अकोल्यातील कृषीनगर भागातील मतदान केंद्रांवर हा घोळ मोठ्या प्रमाणात दिसतोय. ((सकाळपासून शेकडो मतदार यादीत नाव नसल्याने मतदानाला मुकलेयेत कृषीनगर भागातच प्रकाश आंबेडकराचं निवासस्थान आहेय. हा भाग त्यांचा गढ समजला जातोय. ))वंचितच्या मतदारांची नाव जाणीवपूर्वक मतदार यादीतून गहाळ केल्याचा गंभीर आरोप या मतदारांनी केलाय.
Parbhani Election: परभणीतील बलसा खुर्द गावातील ग्रामस्थांनी मतदानावरील बहिष्कार मागे घेतला आहे. एबीपी माझाच्या बातमीनंतर जिल्हाधिकारी रघुनाथ गावडे बसला गावात दाखल झाले आणि ग्रामस्थांची समजूत काढत बहिष्कार मागे घेण्याचं आवाहन केलं. अतिक्रमण काढण्याबाबत लेखी आश्वासन दिल्यानंतर गावकऱ्यांनी बहिष्कार मागे घेतला आणि मतदान सुरु केलंय.
Lok Sabha Election 2024 Phase 2 Polling Live: महाराष्ट्रातील आठ मतदारसंघांमध्ये मतदान सुरू आहे.. पहिल्या दोन तासांची आकडेवारी समोर आली आहे..
सकाळी 11 पर्यंत मतदानाची आकडेवारी आणि तापमान
वर्धा – 18.35 टक्के ... तापमान - 36
अकोला -17.37 टक्के... तापमान - 36
अमरावती –17.73 टक्के... तापमान - 36
बुलढाणा – 17.92 टक्के...तापमान - 33
हिंगोली – 18.19टक्के...तापमान - 37
नांदेड - 20.85 टक्के...तापमान - 38
परभणी – 21.77 टक्के... तापमान - 37
यवतमाळ-वाशिम – 18.01 टक्के...तापमान - 36
Akola Lok Sabha Election: अकोल्यात एकीकडे मतदानाचा उत्साह असतांना दुसरीकडे मतदानावर बहिष्काराचा प्रकारही समोर येतोये. अकोला शहरातील बिर्ला कॉलनीतील 70 कामगारांच्या कुटुबांनी मतदानावर बहिष्कार टाकलाय. हे मतदान जवळपास 400 च्या जवळपास आहेय.. या कामगारांच्या 70 कुटुंबांना प्रशासनाने घरे खाली करण्याची नोटीस दिल्यायेत. यासंदर्भात त्यांनी दोन महिन्यांपुर्वी उपोषणही केलं होतंय. अकोला ऑइल इंडस्ट्रीजची बिर्ला ऑइल मिल तीस वर्षांपूर्वीच बंद पडलीये. 70 कामगारांची देणी थकल्याने या कामगारांचे कुटुंबीय मिलच्या जागेतच राहतायेत.. आपल्याला या जागेची मालकी मिळावी अशी त्यांची मागणी आहेय.
Akola Lok Sabha Election: अकोल्यात आज सकाळपासूनच मोठ्या उत्साहात मतदानाला सुरुवात झालीय. अकोला लोकसभा मतदारसंघात १८ लाख ७५ हजार ६३७ मतदार आहेत. यात ५० मतदार हे तृतीयपंथी आहेत. अकोल्यात किन्नर हे एकत्रितपणे मतदानाला निघालेय. ते सर्वजण वेगवेगळ्या ठिकाणी मतदान करणारे आहेत.
Manoj Jarange: परभणी लोकसभेसाठी मनोज जरांगे पाटील मतदान करणार आहे. अंबड तालुक्यातल्या कारखाना परिसरातल्या बुथवर जरांगे मतदान करणार आहे. रुग्णवाहिकेतून जरांगे पाटील मतदान केंद्रावर पोहोचणार आहे.
Lok Sabha Election 2024 Phase 2 Polling Live: राज्यातील लोकसभा निवडणुकीच्या दुसऱ्या टप्प्यातील मतदान आज सकाळी ७.००वा.पासून सुरु झाले आहे. दुसऱ्या टप्प्यातील एकूण आठ मतदार संघात सकाळी ९.०० वाजेपर्यंत सरासरी ७.४५ टक्के मतदान झाले आहे.
पहिल्या टप्प्यातील एकूण ८ लोकसभा मतदारसंघनिहाय टक्केवारी पुढीलप्रमाणे
वर्धा - ७.१८ टक्के
अकोला - ७.१७ टक्के
अमरावती -६.३४ टक्के
बुलढाणा - ६.६१ टक्के
हिंगोली - ७.२३ टक्के
नांदेड - ७.७३ टक्के
परभणी - ९.७२ टक्के
यवतमाळ - वाशिम - ७.२३ टक्के
*
Akola Lok Sabha Election: अकोल्यात लोकसभेसाठी सुरु झालेल्या मतदानात अनेकांनी मतदान केलेय. जेष्ठ मराठी साहित्यिक आणि कवी डॉ. विठ्ठल वाघ यांनी आज सपत्निक अकोल्यात मतदान केले. 'काळ्या मातीत-मातीत तिफन चालते' या विठ्ठल वाघांच्या कवितेला अख्या महाराष्ट्राने डोक्यावर घेतलेय.
Lok Sabha Election 2024 Phase 2 Polling Live: पहिल्या दोन तासांतली मतदानाची आकडेवारी
- वर्धा - 7.18
- अकोला - 7.17
- अमरावती - 6.34
- बुलढाणा - 6.61
- हिंगोली - 7.23
- नांदेड - 7.23
- परभणी - 9.72
- यवतमाळ-वाशिम - 7.23
Yavatmal Lok Sabha Election: यवतमाळमध्ये महायुतीचाच विजय होईल असा विश्वास पुसदचे आमदार इंद्रनील नाईक यांनी व्यक्त केलाय. दरम्यान त्यांनी प्रत्येक नागरिकांनी घराबाहेर पडून मतदानाचा हक्क बजावण्याचं आवाहन केलंय..
Yavatmal- Washim Lok Sabha Election: यवतमाळ-वाशिम लोकसभा मतदारसंघाच्या उमेदवार राजश्री पाटील यांचं कुटुंबीयांनी औक्षण केलं. यानंतर त्या राळेगाव मतदारसंघात जाणार आहे. मतदानाला निघण्यापूर्वी आई-वडिलांच्या प्रतिमेला पुष्प अर्पण करताना त्या भावूक झाल्या.
Hingoli Santosh Bangar: संतोष बांगर यांनी मतदानाचा हक्क बजावला. हिंगोली शहरातील जी. प मंगळवारा येथील मतदान केंद्रावर मतदान केले .
Amravati Voting Stopped: अमरावती शहरातील रुक्मिणी नगर शाळा क्रमांक १९ च्या खोली क्रमांक ४ मधील मतदान केंद्रावर ईव्हीएममध्ये बिघाड झाला आहे. त्यामुळे मतदान सुरु होऊन एक तास झाला तरी इथलं मतदान अद्याप सुरु झालेलं नाही. मतदार एक तासापासून रांगेत उभे आहे.
PM Modi On Voting: लोकसभा निवडणुकीच्या दुसऱ्या टप्प्यात मतदारांना मतदान करण्याचे आवाहन पंतप्रधान नरेंद्र मोदींनी केले आहे. मोदी म्हणाले, आज मतदान होत असलेल्या, मतदारसंघामधील सर्वांना विक्रमी संख्येने सहभागी होण्याचे आवाहन करतो. मतदानाचे प्रमाण वाढल्याने आपली लोकशाही बळकट होते. विशेषतः आपल्या युवा आणि महिला मतदारांनी मोठ्या संख्येने मतदान करावे, असे माझे आवाहन आहे. तुमचे मत म्हणजे तुमचा आवाज!
Amravati Lok Sabha Election 2024 Live: अमरावतीच्या वडरपुरा भागातील महापालिका शाळेतील मतदान केंद्रात ईव्हीएममध्ये बिघाड झाला आहे. या केंद्रात तीन खोल्या आहेत. त्यापैकी खोली क्रमांत १ मधील ईव्हीएममध्ये बिघाड झालं. परिणामी इथलं मतदान थांबलं आहे.
Wardha Lok Sabha Election 2024 Phase 2 Live: वर्ध्याच्या देवळीतल्या यशवंत कन्या विद्यालय मतदान केंद्रावर मतदानाला सुरुवात होताच ईव्हीएममध्ये बिघाड झाला. त्यामुळे अद्याप कोणीही मतदान करु शकलेलं नाही. ईव्हीएम सुरु करण्याचा प्रयत्न सुरु आहे. मतदार पोहोचले आहेत पण ईव्हीएममधील बिघाडामुळे मतदान प्रक्रिया थांबली आहे.
Sanjay Deshmukh Lok Sabha Election 2024 Live: यवतमाळ-वाशिम मतदारसंघाचे मविआ उमेदवार संजय देशमुख यांनी मतदानाचा हक्क बजावला आहे. संजय देशमुख सहकुटुंब चिंचोली गावातील जिल्हा परिषद शाळेत मतदान करण्यासाठी दाखल झाले होते. दरम्यान मतदानाला पोहोचण्यापूर्वी कुटुंबीयांनी संजय देशमुख यांचं औक्षण केलं. या मतदारसंघात संजय देशमुख यांना शिवसेनेच्या राजश्री पाटील यांचं आव्हान असेल.
Yavatmal Lok Sabha Election 2024 Live: यवतमाळ वाशिममध्ये लोकसभेसाठी मतदानाला सुरूवात होणार आहे.. यवतमाळ अभ्यंकर कन्या शाळेतील या केंद्रावर युवा आदर्श मतदान केंद्र सुरू करण्यात आलंय. प्रयास यवतमाळतर्फे हे केंद्र उभारण्यात आलंय. या मतदान केंद्रावरती सर्व अधिकारी कर्मचारी हे 35 वर्षाच्या आतील असून संपूर्ण केंद्रावरील जबाबदारी त्यांच्यावर आहे..
Parbhani Lok Sabha Election 2024 Live: परभणीतही आज दुसऱ्या टप्प्यातील मतदान होणार आहे. परभणी जिल्ह्यात 2 हजार २९० मतदान केंद्र असून ७ वाजता मतदानाला सुरूवात होणार आहे.. दरम्यान तदान केंद्र अधिकारी आणि सर्वच यंत्रणेना सज्ज असून
Maharashtra Lok Sabha Election 2024 Live: राज्यात बुलढाणा, अकोला, अमरावती, वर्धा, यवतमाळ, हिंगोली, नांदेड, परभणीत अशा आठ मतदार संघात आज मतदान होणार आहे.
Rahul Gandhi Wayanad: केरळ मधल्या वायनाड मतदारसंघात आज मतदान आहे. राहुल गांधींविरोधात वायनाडमध्ये भाजपचे के. सुरेंद्रन आणि सीपीआयच्या अॅनी राजा रिंगणात.
पार्श्वभूमी
Lok Sabha Election 2024 Phase 2 Voting Live: आज देशभरात दुसऱ्या टप्प्य़ाचं मतदान होणार आहे. देशात ८८ तर राज्यात ८ मतदारसंघात मतदान होणार आहे. एकूण १२ राज्यात आज मतदार आपला मतदानाचा हक्क बजावतील. राज्यात आज विदर्भातले बुलढाणा, अकोला, अमरावती, वर्धा, यवतमाळ तर मराठवाड्यातले हिंगोली, नांदेड, परभणी या मतदारसंघात मतदान होईल. अवघ्या देशाचं लक्ष लागून असलेल्या केरळातल्या वायनाड मतदारसंघात आज मतदान होणार आहे. राहुल गांधींविरोधात वायनाडमध्ये भाजपचे के. सुरेंद्रन आणि सीपीआयच्या अॅनी राजा या रिंगणात आहेत. त्याशिवाय मथुरेतून हेमामालिनी, कोटा बुंदी या राजस्थानातल्या मतदारसंघातून मावळते लोकसभा अध्यक्ष ओम बिर्ला, राजनांदगावमधून भुपेश बघेल, तिरूअनंतपुरममधून शशी थरूर, दक्षिण बंगळुरूतून भाजपचे तेजस्वी सूर्या, मेरठमधून भाजपचे अरूण गोविल यांचं भवितव्य मतदान यंत्रात बंद होणार आहे.
- - - - - - - - - Advertisement - - - - - - - - -