Kerala & Tamil Nadu Election Results 2026: केरळ आणि तामिळनाडू या दक्षिण भारतातील दोन महत्त्वाच्या राज्यांच्या विधानसभा निवडणुकीसाठी आज, 4 मे 2026 रोजी सकाळी 8 वाजल्यापासून मतमोजणी सुरू झाली आहे. सुरुवातीच्या तासाभरात हाती आलेल्या कलानुसार, केरळमध्ये अटीतटीची लढत पाहायला मिळत असून तामिळनाडूमध्ये सत्तारूढ द्रमुक (DMK) आघाडीने आपले वर्चस्व कायम राखले असल्याचे दिसत आहे.
Kerala Election Results 2026: केरळमध्ये डावे की काँग्रेस?
केरळमध्ये गेल्या चार दशकांपासून सुरू असलेली सत्तापालटाची परंपरा खंडित होणार की पुन्हा कायम राहणार, याकडे सर्वांचे लक्ष आहे. सुरुवातीच्या कलानुसार, डावे (LDF) ने 61 जागांवर आघाडी घेतली असून काँग्रेस आघाडीने (UDF) 64 जागांवर आघाडीवर असून एक्झिट पोलने वर्तवलेला विजय प्रत्यक्षात आणण्यासाठी जोर लावत आहे. भाजपाने राज्यात आपला विस्तार करण्यासाठी प्रयत्नशील असलेल्या भाजपानेही काही जागांवर लक्ष वेधले आहे. विशेष म्हणजे, मुख्यमंत्री म्हणून 33 टक्के लोकांची पहिली पसंती पिनराई विजयन यांना असून, व्ही. डी. सतीशन 22 टक्क्यांसह दुसऱ्या क्रमांकावर आहेत.
Tamil Nadu Election Results 2026: तामिळनाडूत स्टॅलिन यांची आघाडी, थलपती विजयचा 'X-Factor'
तामिळनाडूत 234 जागांसाठी झालेल्या मतदानाचा कल स्पष्टपणे एम. के. स्टॅलिन यांच्या बाजूने झुकलेला दिसत आहे. मात्र, अभिनेता थलपती विजय यांच्या 'टीव्हीके' (TVK) पक्षाने सर्वांच्या भुवया उंचावल्या आहेत. DMK आघाडीने 38 जागांवर आघाडी घेतली असून, AIADMK ने 13 जागांवर आघाडीवर असून पिछाडीवर दिसत आहे. एक्झिट पोलनुसार थलपती विजय 98 ते 120 जागांपर्यंत मजल मारण्याची शक्यता वर्तवण्यात आली होती, ज्यामुळे तामिळनाडूच्या राजकारणात मोठा बदल घडू शकतो. जर इंडिया टुडे-अॅक्सिस माय इंडियाचे आकडे खरे ठरले, तर थलपती विजय हे किंगमेकर किंवा थेट सत्तेच्या जवळ जाऊ शकतात. आता या दोन्ही राज्यात कुणाची सत्ता येणार? हे पाहणे महत्त्वाचे ठरणार आहे.
इतर महत्त्वाच्या बातम्या