अक्षय कुमारने याआधी ट्वीट करुन म्हटलं होतं की, "आज मी असं काही करणार आहे जे मी यापूर्वी कधीही केलेली नाही. मी याबाबत अतिशय उत्साही आणि अधीर आहे. पुढची माहिती लवकरच..." या ट्वीटनंतरच अक्षय कुमार भाजपच्या तिकीटावर निवडणूक लढवणार असल्याच्या चर्चा रंगू लागल्या.
चाहत्यांची प्रतिक्रिया
अक्षय कुमारच्या या ट्वीटनंतर सोशल मीडियावर त्याच्या चाहत्यांनी वेगवेगळे अंदाज वर्तवण्यास सुरुवात केली. काहींनी अक्षयच्या ट्वीटवर कमेंट करुन तो लवकरच वेब सीरिज घेऊन येणार असल्याचं म्हटलं. तर आगामी चित्रपटात तो तृतीयपंथी लक्ष्मीची भूमिका साकारणार आहे, असं काहींनी म्हटलं आहे. मात्र अधिकृतरित्या काहीही समोर आलेलं नाही.