Bihar Election : बिहारमध्ये पुन्हा NDA चे सरकार, जनतेचा भाजपला कौल; पहिल्या एक्झिट पोलची आकडेवारी समोर, तेजस्वी यादवांना किती टक्के मतदान?

Bihar Assembly Election Update : भाजप प्रणित एनडीसमोर तेजस्वी यादव आणि जनसुराज्यच्या प्रशांत किशोर यांचे आव्हान आहे. या दोन्ही नेत्यांनी सर्वाधिक जागा लढवल्या आहेत.

पार्श्वभूमी

Bihar Assembly Election Update : बिहार विधानसभेच्या निवडणुकीसाठी दुसऱ्या टप्प्याचं मतदान पार पडलं. दोन्ही टप्प्यात मिळून एकूण 243 जागांसाठी मतदान पार पडलं असून उमेदवारांचे भवितव्य मतपेटीत बंद झालं. या निवडणुकीचा निकाल 14 नोव्हेंबर रोजी लागणार आहे. पहिल्या टप्प्यासाठी 64.66 टक्के मतदान झालं, तर दुसऱ्या टप्प्यासाठीही चुसशीनं मतदान झाल्याचं दिसून आलं. त्यामुळे बिहारच्या सत्तेची चावी राष्ट्रीय जनता दल प्रणित महागठबंधनकडे जाणार की भाजप-जदयू सत्ता कायम ठेवणार याकडे सर्वाचं लक्ष लागलं आहे. बिहारमध्ये तेजस्वी यादव यांच्या राष्ट्रीय जनता दलने143 जागा लढवल्या आहेत. त्याचवेळी प्रशांत किशोर यांच्या जनसुराज्य पक्षाने 168 ठिकाणी उमेदवार उतवरले आहेतBihar Assembly Election Update : बिहारमध्ये दोन टप्प्यात मतदानकेंद्रीय निवडणूक आयोगानं जाहीर केल्यानुसार, बिहारमध्ये 243 जागांसाठी दोन टप्प्यात मतदान पार पडलं आहे. पहिल्या टप्प्यात 121 जागांसाठी 6 नोव्हेंबर रोजी मतदान झालं. त्यामध्ये 64.66 टक्के मतदारांना मतदानाचा हक्क बजावला.बिहारमध्ये दुसऱ्या टप्प्याचं मतदान 11 नोव्हेंबरला पार पडलं. दुसऱ्या टप्प्यातील मतदान 122 जागांसाठी घेण्यात आलं. बिहार निवडणुकीसाठी दुसऱ्या टप्प्यामध्ये 122 जागांसाठी 1,302 उमेदवार रिंगणात होते. बिहार निवडणुकीची मतमोजणी 14 नोव्हेंबरला होणार आहे.NDA Seat Distribution Details : एनडीए जागावाटपाचा तपशीलभाजप (BJP) – 101 जागाजदयू (JDU) – 101 जागालोक जनशक्ती पक्ष (रामविलास) (LJP-Ram Vilas) – 29 जागाराष्ट्रीय लोक मोर्चा (RALOMO) – 6 जागाहिंदुस्तानी अवाम मोर्चा (HAM) – 6 जागाMahagathbandhan Seat Distribution Details : महागठबंधन जागावाटपाचा तपशीलराष्ट्रीय जनता दल (RJD) — 143 जागाकाँग्रेस (INC) — 61 जागाकम्युनिस्ट पार्टी ऑफ इंडिया (CPI ML) - 20 जागाविकसनशील इंसान पार्टी (VIP) — 12 जागाBihar Vidhansabha Seats Detail : बिहारचे पक्षीय बलाबलएकूण सदस्यसंख्या (Total Seats) – 243राष्ट्रीय जनता दल (RJD) – 79भारतीय जनता पक्ष (BJP) – 78जनता दल (युनायटेड) – JD(U) – 45काँग्रेस (Congress) – 19CPI (Marxist–Leninist) Liberation – 12हिंदुस्तानी अवाम मोर्चा (HAM-Secular) – 4CPI – 2CPI (M) – 2AIMIM – 1अपक्ष आमदार (Independent MLA) – 1

11/11/2025 21:44:44

Bihar Election Exit Poll : एक्झिट पोल पूर्णपणे चुकीचे, निकाल वेगळा येईल; काँग्रेसचा विश्वास

भागलपूर विधानसभा मतदारसंघातील काँग्रेस उमेदवार अजित शर्मा म्हणाले की, "मतमोजणी पूर्ण होईपर्यंत कोण जिंकत आहे हे कोण सांगू शकणार नाही. एनडीए सरकार स्थापन होत आहे असे म्हणणे पूर्णपणे चुकीचे आहे. जनता निर्णय घेते. बिहारमधील वातावरण असे आहे की सरकार महाआघाडी, इंडिया आघाडी द्वारे स्थापन केले जाईल. यावेळी बिहारचा विकास होईल. एक्झिट पोल पूर्णपणे चुकीचे आहेत. जनता भाजपला कंटाळली आहे."

11/11/2025 20:05:28

Bihar Exit Poll: नितीश कुमार यांच्या 20 ते 25 जागा वाढणार

बिहार विधानसभा निवडणुकीत गत 2020 मध्ये नितीश कुमार यांच्या जदयु पक्षाने केवळ 43 जागांवर विजय मिळवला होता, तर भाजपला 74 जागा जिंकता आल्या होत्या. मात्र, यंदा 2025 च्या निवडणुकीत Matrize-IANS एक्झिट पोलनुसार जदयूला 65 ते 75 जागा जिंकण्याचा अंदाज आहे. म्हणजेच गत निवडणुकीपेक्षा 20 ते 30 जागा अधिक जिंकण्याचा अंदाज आहे. चाणक्यच्या एक्झिट पोलनुसार नितीश कुमार यांच्या पक्षाला 52 ते 57 जागा मिळू शकतात. म्हणजेच, गत निवडणुकीपेक्षा 10 ते 15 जागा अधिक आहेत. त्यामुळे, नितीश कुमारांचे पारडे जड असल्याचं पाहायला मिळत आहे.

11/11/2025 19:53:28

Poll Of Polls Exit Poll Bihar : एनडीएची पावणे दोनशे जागांकडे वाटचाल

बिहारमध्ये आतापर्यंत अनेक पोल समोर आले आहेत. सर्वच पोलच्या आकडेवारीनुसार, बिहारमध्ये सत्तेची चावी पुन्हा एकदा भाजपप्रणित एनडीएकडे जाण्याची शक्यता आहे. त्यानुसार, बिहारमध्ये एनडीए 150 ते 170 जागा जिंकण्याची शक्यता वर्तवण्यात आली आहे. तर महागठबंधनला फक्त 68 ते 80 जागा जिंकता येतील अशी शक्यता आहे. इतरांना दोन ते सहा जागा मिळतील. त्यामध्ये प्रशांत किशोर यांच्या जनसुराज्य पक्षाला दोन ते सहा जागा मिळण्याची शक्यता वर्तवण्यात आली आहे.

एनडीए - 150-170

महागठबंधन - 68-80

इतर - 2-6

11/11/2025 19:49:10

JVC Exit Poll Bihar : बिहारमध्ये एनडीए दीडशे जागा जिंकणार

जेव्हीसी एक्झिट पोलच्या आकडेवारीनुसार, एनडीए 135 ते 150 जागा जिंकण्याची शक्यता वर्तवण्यात आली आहे. तर महागठबंधन शंभरच्या आसपास जागा जिंकू शकते असं म्हटलं आहे.

एनडीए - 135-150

महागठबंधन - 88-103

इतर - 3-6

11/11/2025 19:44:21

TIF Research Exit Poll Bihar : टीआयएफ रीसर्चनुसार, बिहारमध्ये भाजप-एनडीए दीडशे पार

टीआयएफ रीसर्च एक्झिट पोलनुसार, भाजप प्रणित एनडीएला दीडशेहून जास्त जागा मिळण्याची शक्यता आहे. एनडीएला 145 ते 163 जागा मिळण्याची शक्यता वर्तवण्यात आली आहे. तर महागठबंधनला 76 ते 95 जागा मिळण्याची शक्यता वर्तवण्यात आली आहे.

एनडीए - 145-163

महागठबंधन - 76-95

इतर - 0-1

11/11/2025 19:43:44

Bihar Exit Poll: दोन संस्थांच्या एक्झिट पोलनुसार एनडीएला मोठं यश

Poll Dairy च्या एक्झिट पोलनुसार एनडीए एनडीए आघाडीला तब्बल 184 ते 209 जागांवर विजय मिळणार असा अंदाज आहे, तर काँग्रेस महाआघाडीला 32 ते 49 जागा जिंकण्याचा अंदाज आहे. इतर मध्ये केवळ 1 ते 5 जागांवर विजय मिळेल, असा अंदाज आहे. Praja Poll Analytics च्या सर्व्हेनुसार एनडीए आघाडीला 186 जागांवर विजय मिळेल असा अंदाज आहे, तर महाआघाडीला 50 जागा जिंकता येतील असे दिसून येते. याशिवाय इतर पक्षांना 7 जागांवर समाधान मानावे लागेल.

11/11/2025 19:41:11

Polstrat Exit Poll Bihar : पोलस्ट्राटनुसार एनडीएला स्पष्ट बहुमत, महागठबंधनला मोठा धक्का

पोलस्ट्राटच्या अंदाजानुसार, एनडीएला पूर्ण बहुमत मिळणार असून 133 ते 148 जागा मिळण्याची शक्यता वर्तवण्यात आली आहे.

एनडीए - 133-148

महागठबंधन - 87-102

इतर - 3-5

11/11/2025 19:32:26

Praja Poll Analytics Exit Poll Bihar : प्रजा पोलनुसार एनडीएला पूर्ण बहुमत, महागठबंधनचा सुफडा साफ

प्रजा पोलच्या एक्झिट पोलच्या अंदाजानुसार, एनडीएला 186 जागा मिळण्याची शक्यता वर्तवण्यात आली आहे. तर महागठबंधनला 50 जागा मिळण्याची शक्यता आहे.

एनडीए - 186

महागठबंधन - 50

इतर - 7

11/11/2025 19:29:26

Poll Diary Exit Poll Bihar : पोल डायरीच्या अंदाजानुसार एनडीएची सत्ता, दोनशेपेक्षा जास्त जागा

पोल डायरीच्या एक्झिट पोलच्या अंदाजानुसार, बिहारमध्ये एनडीए दोनशेच्या पारही जाऊ शकते. तर तेजस्वी यादव यांच्या महागठबंधनला 32 ते 49 जागा मिळण्याची शक्यता वर्तवण्यात आली आहे.

एनडीए - 184-209

महागठबंधन - 32-49

इतर - 1-5

11/11/2025 19:27:21

Bihar Exit Poll 2025 : MATRIZE-IANS च्या एक्झिट पोलमध्ये महागठबंधनला 70 ते 90 जागांचा अंदाज

बिहार निवडणुकीसाठीचा पहिला एक्झिट पोल प्रसिद्ध झाला आहे असून त्यातून धक्कादायक निकाल समोर येत आहे. MATRIZE-IANS च्या एक्झिट पोलनुसार, बिहारमध्ये NDA ला 147 ते 167 जागा मिळण्याची शक्यता आहे. तर महागठबंधनला 70 ते 90 जागा मिळतील असे म्हटले आहे.

बिहार निवडणुकीसाठी MATRIZE-IANS च्या एक्झिट पोलनुसार, NDA ला 48 टक्के, महाआघाडीला 37 टक्के आणि इतरांना 15 टक्के मते मिळाली आहेत. त्यामुळे एक्झिट पोलच्या आकडेवारीनुसार, पुन्हा एकदा नितीश कुमार यांच्या नेतृत्वाखाली एनडीएची सत्ता येणार हे स्पष्ट झालं आहे.

11/11/2025 19:27:19

Chanakya Exit Poll Bihar : चाणक्य एक्झिट पोलनुसार, महागठबंधन शंभर जागा पार करणार

चाणक्य एक्झिट पोलच्या आकडेवारीनुसार, बिहारमध्ये पु्न्हा एकदा भाजपप्रणित एनडीएला सत्ता मिळणार आहे. तर महागठबंधनला शंभरच्या आसपास जागा मिळणार असल्याची शक्यता वर्तवण्यात येत आहे.

एनडीए - 130-138

महागठबंधन - 100-108

इतर - 3-5

11/11/2025 19:32:57

Bihar Exit Poll: प्रशांत किशोर यांचं भाकीत खरं ठरण्याची शक्यता

स्वत: प्रशांत किशोर यांनी निवडणुकांपूर्वी भाकीत केलं होतं. त्यानुसार, आमच्या पक्षाचे व्हिजन लक्षात घेत जनतेनं मतदान केल्यास आम्ही 150 जागा जिंकू असं ते म्हणाले होते. मात्र, तसं न झाल्यास 10 जागा जिंकणेही कठीण असल्याचंही त्यांनी म्हटलं होतं. त्यानुसार, एक्झिट पोलच्या आकडेवारीवरुन त्यांना 10 जागाही जिंकणे कठीण असल्याचं दिसून येत आहे.

11/11/2025 19:36:50

Bihar Exit Poll: प्रशांत किशोर यांच्या जन सुराज पक्षाचा सुपडा साफ

प्रशांत किशोर यांच्या जन सुराज पक्षाने बिहार विधानसभा निवडणुकीत 240 जागांवर उमेदवार उभे केले आहेत. मात्र, एक्झिट पोलच्या आकडेवारीनुसार त्यांचा सुपडा साफ होताना दिसून येत आहे. बिहार निवडणुकीत त्यांच्या पक्षाला केवळ 2-3 जागांवर विजय मिळेल असा अंदाज आहे

11/11/2025 19:25:18

MATRIZE-IANS Exit Poll Bihar : मॅट्रीज आयएएनएस एक्झिट पोलनुसार कुणाला किती जागा?

MATRIZE-IANS पोलनुसार, भाजपप्रणित एनडीएला सर्वाधिक जागा मिळण्याची शक्यता वर्तवण्यात आली आहे.

एनडीए - 147-167

महागठबंधन - 70-90

इतर - 2-6

11/11/2025 19:19:03

Bihar Exit Poll : एक्झिट पोलनुसार भाजपला पूर्ण बहुमत, तर तेजस्वी यादवांना मोठा धक्का

बिहारचे सर्व एक्झिट पोल खालीलप्रमाणे, 

Bihar Exit Poll : एक्झिट पोलनुसार कुणाला किती जागा?

MATRIZE-IANS Exit Poll Bihar

एनडीए - 147-167

महागठबंधन - 70-90

इतर - 2-6

Chanakya Exit Poll Bihar

एनडीए - 130-138

महागठबंधन - 100-108

इतर - 3-5

Poll Diary Exit Poll Bihar

एनडीए - 184-209

महागठबंधन - 32-49

इतर - 1-5

Praja Poll Analytics Exit Poll Bihar

एनडीए - 186

महागठबंधन - 50

इतर - 7

Polstrat Exit Poll Bihar

एनडीए - 133-148

महागठबंधन - 87-102

इतर - 3-5

TIF Research Exit Poll Bihar

एनडीए - 145-163

महागठबंधन - 76-95

इतर - 0-1

JVC Exit Poll Bihar

एनडीए - 135-150

महागठबंधन - 88-103

इतर - 3-6

Poll Of Polls Exit Poll Bihar

एनडीए - 150-170

महागठबंधन - 68-80

इतर - 2-6

11/11/2025 18:34:53

Bihar Assembly Election : बिहारमध्ये दुसऱ्या टप्प्यासाठी सर्वाधिक 67.64 टक्के मतदान, आता निकालाकडे लक्ष

बिहार विधानसभा निवडणुकीच्या दुसऱ्या टप्प्यातील मतदानाच्या संपले असून 243 जागांचे भवितव्य मतपेटीत बंद झाले आहे. दुसऱ्या टप्प्यामध्ये अंदाजे 67.64 टक्के मतदान झाल्याची प्राथमिक माहिती आहे. अद्यापही काही ठिकाणी रांगेत असलेल्या मतदारांचे मतदान सुरू आहे.