MSBSHSE SSC Result 2024 मुंबई  : महाराष्ट्र राज्य माध्यमिक आणि उच्च माध्यमिक शिक्षण मंडळाकडून (MSBSHSE Pune ) दहावीचा निकाल (SSC Result) आज दुपारी एक वाजता ऑनलाईन पद्धतीनं जाहीर करणार आहे. निकालापूर्वी महाराष्ट्र राज्य माध्यमिक आणि उच्च माध्यमिक शिक्षण मंडळाकडून पत्रकार परिषद घेण्यात येईल. या पत्रकार परिषदेतून निकालासंदर्भातील ठळक माहिती दिली जाईल. शालेय शिक्षण मंत्री दीपक केसरकर यांनी  दहावीचा निकाल 27 मे पर्यंत जाहीर होणार असल्याचं म्हटलं होतं, त्याप्रमाणं बोर्डाकडून निकाल आज दुपारी एक वाजता जाहीर करण्यात येत आहे. दहावीच्या परीक्षेसाठी राज्यभरातून 16 लाख 9 हजार 544 विद्यार्थ्यांनी नोंदणी केली आहे. दहावीचा निकाल ऑनलाईन पद्धतीनं जाहीर करण्यात येणार असून बोर्डानं यासाठी अधिकृत वेबसाईटची यादी जाहीर केली आहे. या वेबसाईटवर निकाल पाहताना काही तांत्रिक अडचणी आल्यास दुसऱ्या पद्धतीनं निकाल कसा पाहायचा हे देखील विद्यार्थ्यांनी जाणून घेणं महत्त्वाचं आहे. 



दहावीचा निकाल कोणत्या वेबसाईटवर जाहीर होणार? 


https://mahresult.nic.in


http://sscresult.mkcl.org  


https://sscresult.mahahsscboard.in


https://results.digilocker.gov.in


https://results.targetpublications.org   


वेबसाईटवर  निकाल पाहताना अडचणी निर्माण झाल्यास पर्याय काय?


महाराष्ट्रातील 16 लाख 9 हजार 544  विद्यार्थ्यांनी अधिक विद्यार्थ्यांनी दहावीच्या परीक्षेसाठी नोंदणी केली होती. बोर्डाकडून  दहावीचा निकाल आज दुपारी जाहीर केला जाणार आहे. दहावीचा निकाल वेबसाईटसह डिजीलॉकर अॅपमध्ये देखील निकाल पाहू शकतात. 



डिजीलॉकरवर निकाल कसा पाहणार?  


स्टेप 1 : डिजीलॉकरच्या वेबसाईटला भेट द्या किंवा डिजीलॉकर अॅप तुमच्या फोनमध्ये डाऊनलोड करा.


स्टेप 2 : महाराष्ट्र बोर्डाचा पर्याय निवडा आणि त्यानंतर दहावीचा निकाल हा पर्याय निवडा 


स्टेप 3 : आवश्यक असलेली माहिती भरा 


स्टेप 4 : तुम्हाला तुमचा निकाल उपलब्ध होईल. यानंतर तुम्ही निकालाची प्रत डाऊनलोड करु शकता. 



महाराष्ट्र राज्य माध्यमिक आणि उच्च माध्यमिक शिक्षण मंडळाकडून नऊ विभागीय मंडळाद्वारे कामकाज केलं जातं. पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर आणि कोकण विभागाद्वारे दहावी आणि बारावीच्या परीक्षा आयोजित करण्यात येतात.


विद्यार्थी पालकांची उत्सुकता शिगेला


बारावीचा निकाल 21 मे रोजी जाहीर झाल्यानंतर दहावीचा निकाल आज जाहीर केला जाणार आहे. दरवर्षी दहावीचा निकाल जून महिन्याच्या पहिल्या आठवड्यात जाहीर केला जातो. यंदा दहावीचा निकाल मे महिन्यातच जाहीर होणार आहे. दहावीच्या परीक्षेचं आयोजन 1 मार्च ते 26 मार्च दरम्यान करण्यात आले होते. 


संबंधित बातम्या : 


Maharashtra SSC 10th Result 2024 Live: दहावीचा निकाल काही तासांवर, निकाल कुठं पाहणार, जाणून घ्या वेबसाईटची यादी


बेस्ट ऑफ लक! आज दहावीचा निकाल, दुपारी 1 वाजता जाहीर होणार, कुठे पाहाल?


Education Loan Information:

Calculate Education Loan EMI