ICSE Class 10 Result : आयसीएसई दहावी बोर्डचा निकाल (ICSE Board Result 2022 ) जाहीर झाला आहे.  आयसीएसई  दहावी बोर्ड परीक्षेचा एकूण निकाल 99.97% लागला आहे.  तर आयसीएसई दहावी बोर्ड परीक्षेत महाराष्ट्रचा 100 टक्के निकाल आहे.


 दरवर्षीप्रमाणे यंदाच्या निकालातही मुलींनी बाजी मारली आहे. यावर्षी  99.98 टक्के मुली उत्तीर्ण झाल्या आहेत. तर  99.97 टक्के मुले उत्तीर्ण झाले आहेत. आयसीएसई दहावी बोर्ड परीक्षेत देशातून चार विद्यार्थ्यांनी पहिला क्रमांक पटकवला आहे.  पुण्याचा हरगुण कौर माथरू देशात पहिला आहे.   2,31,063 मुलांनी देशभरातून तर 26,083 विद्यार्थ्यांनी महाराष्ट्रतून  आयसीएसई दहावी बोर्ड परीक्षा दिली होती.  त्यातून देशभरातून 1,25,678 मुले 1,05,385 मुली उत्तीर्ण झाल्या आहेत.






आयसीएसई दहावी बोर्डाची (ICSE Board)  परीक्षा दोन सत्रात झाली होती.  पहिल्या सत्राची परीक्षा नोव्हेंबर-डिसेंबर 2021 मध्ये तर दुसऱ्या सत्राची परीक्षा एप्रिल-मे 2022 मध्ये झाली होती. आता या दोन्ही परीक्षांना समान वेटेज देऊन अंतिम निकाल जाहीर करण्यात आला आहे. 


येथे पाहा निकाल



  •  विद्यार्थी आयसीएसई बोर्डाच्या https://results.cisce.org/ या अधिकृत वेबसाईटवर निकाल पाहू शकतील.

  • यासाठी वेबसाईटवर ICSE Board Result 2022 या लिंकवर क्लिक करा.

  • येथे तुमचा युनिक आयडी आणि क्रमांक प्रविष्ट करा.

  • आता तुम्हाला निकाल पाहता येईल.

  • याशिवाय तुम्ही SMS द्वारेही निकाल पाहू शकता.

  • यासाठी तुम्हाला ICSE<Space><Unique Id> हा मेसेज 09248082883 या क्रमांकावर पाठवा. यानंतर तुमच्या मोबाईलवर एसएमएसद्वारे तुम्हाला निकाल पाहता येणार आहे. 


Education Loan Information:

Calculate Education Loan EMI