ICAI CA Final Result 2022 : CA चा निकाल जाहीर, मुंबईच्या मित शाहने मारली बाजी, देशात प्रथम क्रमांक

ICAI CA Final Result 2022 : CA चा निकाल जाहीर झाला आहे, या परीक्षेत मुंबईच्या मित शाहने बाजी मारत देशात प्रथम येण्याचा मान पटकावला आहे. 

ICAI CA Final Result 2022 : CA परीक्षेचा निकाल जाहीर झाला आहे. सीएची अंतिम परीक्षा 14 ते 29 मे 2022 या कालावधीत घेण्यात आली. ही परीक्षा देशभरातील विविध परीक्षा केंद्रांवर घेण्यात आली. ही परीक्षा दोन टर्ममध्ये घेण्यात आली. विद्यार्थ्यांना हा निकाल अधिकृत वेबसाइट्सवर जाऊन सहज तपासता येणार आहे. या परीक्षेत मुंबईच्या मित शाहने बाजी मारत देशात प्रथम येण्याचा मान पटकावला आहे.

मुंबईच्या मीत शहाने 80.25  टक्के गुणांसह देशात पहिला क्रमांक मिळवला आहे. जयपूरच्या अक्षत गोयलने 79.88  टक्के गुणांसह देशात द्वितीय, तर सुरतच्या सृष्टी संघवीने 76.38  टक्के गुणांसह तृतीय क्रमांक मिळवला आहे.

दोन्ही ग्रुपचा निकाल

ग्रुप -1 निकाल - 21.99 टक्के
ग्रुप - 2 निकाल - 21.94  टक्के

ग्रुप 1 मध्ये 66575  विद्यार्थ्यांनी परीक्षा दिली. त्यातील 14 हजार 643  विद्यार्थी उत्तीर्ण झाले होते. तर ग्रुप 2 मध्ये 63 हजार 253 विद्यार्थ्यांनी परीक्षा दिली. त्यातील 13 हजार 877  विद्यार्थी उत्तीर्ण झाले.   एकूण 29  हजार 348  विद्यार्थ्यांनी दोन्ही ग्रुपची परीक्षा दिली असून त्यातील 3 हजार 695  विद्यार्थी सीए बनले आहेत.  12 हजार 449  नवे चार्टड अकाऊंटंट देशाला मिळाले आहेत

कसा तपासायचा निकाल? 

ICAI CA निकाल 2022 अधिकृत वेबसाइट्स icai.nic.in, caresults.icai.org आणि icaiexam.icai.org वर जाऊन सहज तपासता येणार आहे. सीए अंतिम परीक्षेचा निकाल तपासण्यासाठी, उमेदवारांनी रोल नंबरसह त्यांचा नोंदणी क्रमांक किंवा पिन वापरून लॉग इन करणे आवश्यक आहे. यावर्षी, मे सत्रासाठी ICAI CA अंतिम परीक्षा 14 ते 30 मे दरम्यान घेण्यात आली. ICAI CA अंतिम निकाल 2022 याप्रमाणे तपासण्यात सक्षम असेल.

असा तपासा निकाल

 1: सर्वप्रथम icai.nic.in या अधिकृत वेबसाइटवर जा.
 2: त्यानंतर वेबसाइटवर दिलेल्या "ICAI CA MAY 2022 RESULT" या लिंकवर क्लिक करा.
 3: आता रोल नंबरसह तुमचा नोंदणी क्रमांक किंवा पिन सबमिट करा.
 4: तुमचा निकाल स्क्रीनवर दिसेल.
 5: आता तुमचा निकाल तपासा.

 6 : यानंतर निकाल डाउनलोड करा
 7: शेवटी, उमेदवारांनी पुढील गरजेसाठी निकालाची हार्ड कॉपी त्यांच्याकडे ठेवावी.

CA होण्यासाठी ICAI च्या सीए अभ्यासक्रमाला प्रवेश घ्यावा लागतो.

CA चे कार्य म्हणजे आर्थिक खाती तयार करणे, आर्थिक सल्ला देणे, लेखापरीक्षण खात्यांचे विश्लेषण करणे आणि कर संबंधित काम करणे आहे. कर भरणा देखील सीएची जबाबदारी आहे. सीए होण्यासाठी ICAI च्या सीए अभ्यासक्रमाला प्रवेश घ्यावा लागतो. बारावीनंतर विद्यार्थी सीएच्या प्रवेश परीक्षेला बसू शकतात. कोणत्याही शाखेतून (कला, विज्ञान, वाणिज्य) बारावी उत्तीर्ण झालेले विद्यार्थी ही प्रवेश परीक्षा देऊ शकतात. त्याला फाउंडेशन परीक्षा म्हणतात.

संबंधित बातम्या

Education Loan Information: