Vasai Crime News: वसई : वसईत (Vasai News) प्रियकराकडून प्रेयसीची भर रस्त्यात हत्या करण्यात आली आहे. तरुण तरुणीवर लोखंडी स्पॅनरनं वार करुन हत्या केली आहे. अत्यंत धक्कादायक आणि संतापजनक बाब म्हणजे, तरुणानं भर वर्दळीच्या रस्त्यात तरुणीला गाठून तिच्यावर लोखंडी स्पॅनरनं वार केले. तरुण तिच्यावर एका पाठोपाठ एक वार करत होता, पण आजूबाजूला बघ्यांची गर्दी जमली होती. तरुणीला वाचवण्यासाठी कुणीच पुढाकार घेतला नाही. तर, कुणीच साधं पोलिसांना कळवण्याची तसदीही घेतली नाही. दरम्यान, आरोपीला पोलिसांनी ताब्यात घेतलं आहे.
वसईत प्रियकरानं प्रेयसीची भर रस्त्यात निर्घृणपणे हत्या केल्याची धक्कादायक घटना वसईच्या चिंचपाडा परिसरात घडली. तरुणाचा दिवसा ढवळ्या निर्घृणपणे हत्या करतानाचा लाईव्ह व्हिडीओ सध्या सोशल मीडियावर व्हायरल होतं आहे. वसई पूर्वेच्या चिंचपाडा परिसरात आज सकाळी साडेआठच्या सुमारास ही घटना घडली आहे. आरती यादव (वय 20) असं हत्या झालेल्या तरुणीचं नाव आहे. रोहित यादव असं हत्या करणाऱ्या आरोपीचं नाव आहे. लोखंडी स्पॅनर डोक्यात मारून विकृत तरुणानं तरुणीला सर्वांसमोर जीवेमारलं. हत्या करताना बघ्यांची नुसतीच गर्दी जमली होती. मात्र, तरुणीच्या बचावासाठी कुणीही पुढे धजावलं नाही. सध्या आरोपीला वालीव पोलिसांनी ताब्यात घेतलं आहे. तसेच, तरुणीचा मृतदेह शवविच्छेदनासाठी रुग्णालयात पाठवण्यात आला आहे.
हत्येचा व्हिडीओ सध्या सोशल मीडियावर व्हायरल होत आहे.