Thane Crime News: ठाण्यातील (Thane) एका धक्कादायक आणि संतापजनक घटनेने परिसर हादरला आहे. सात वर्षांच्या निष्पाप चिमुरडीवर बलात्कार झाल्याची घटना उघडकीस आली असून या प्रकरणाने पुन्हा एकदा महिलांच्या आणि लहान मुलांच्या सुरक्षिततेचा प्रश्न ऐरणीवर आला आहे.
ही अमानुष घटना ठाण्यातील एका कन्स्ट्रक्शन साईटवर घडली. मिळालेल्या माहितीनुसार, पीडित मुलीचे वडील याच बांधकाम साईटवर काम करतात. काही दिवसांपूर्वी तिची आई गावी गेल्याने घरात वडील आणि चार वर्षांची धाकटी बहीण असे तिघेच राहत होते. काल रात्री सात वर्षांची मुलगी एकटी असल्याची संधी साधत आरोपीने तिच्यावर अत्याचार केला.
Thane Crime News: मुलगी एकटी असल्याचे लक्षात येताच नराधमाकडून अत्याचार
धक्कादायक बाब म्हणजे आरोपी अवघ्या दोन दिवसांपूर्वीच त्या साईटवर आला होता. त्याचा भाऊ मात्र अनेक दिवसांपासून तिथे काम करत असल्याची माहिती समोर आली आहे. मुलगी एकटी असल्याचे लक्षात येताच आरोपीने तिच्यावर बलात्कार करून घटनास्थळावरून पळ काढला.
Thane Crime News: नौपाड पोलिसांकडून आरोपीला अटक
घटनेची माहिती मिळताच नौपाडा पोलीस तात्काळ सक्रिय झाले. पोलिसांनी तत्परता दाखवत दोन ते तीन पथके रवाना केली आणि काही वेळातच आरोपीला अटक करण्यात यश मिळवले. आरोपी बिहारमधून आल्याची प्राथमिक माहिती आहे. या घटनेमुळे ठाणे परिसरात तीव्र संताप व्यक्त केला जात असून नागरिकांकडून कठोर कारवाईची मागणी होत आहे.
राज्य आणि देश-विदेशातील महत्त्वाच्या बातम्या; पाहा व्हिडीओ
इतर महत्त्वाच्या बातम्या