Jalgaon Crime News : जळगावच्या धरणगाव (Dharangaon) शहरातील सत्यनारायण चौकात पेट्रोल चोरीच्या संशयावरून हटकल्याने मोठा वाद उफाळून आलाय. अशातच या वादातून एका तरुणावर चाकूने प्राणघातक हल्ला केल्याची घटना घडलीय. या घटनेनंतर परिसरात मोठी खळबळ उडाली असून परिसरात सध्या भीतीचं वातावरण आहे. भूषण सुरेश भागवत या तरुणावर साई कासार, तुषार उर्फ मुन्ना नेरपगार आणि क्रिश राठोड या तिघांनी हल्ला केल्याची माहिती समोर आली आहे. तर साई कासारने भूषण भागवतच्या खांद्याजवळ चाकू खुपसला, तर मुन्ना नेरपगार आणि क्रिश राठोड यांनी लाथा-बुक्क्यांनी मारहाण केलीय.
मिळालेल्या माहितीनुसार, काही दिवसांपूर्वी भूषण भागवतने या तिघांना मोटरसायकलमधून पेट्रोल चोरीबाबत हटकले होते. त्याचाच राग मनात ठेवून तिघांनी मिळून हा हल्ला केला. या प्रकरणी धरणगाव पोलिसांनी साई कासार, तुषार उर्फ मुन्ना नेरपगार आणि क्रिश राठोड या तिघांविरुद्ध गुन्हा दाखल केला असून पुढील तपास सुरू आहे.
धुळे (Dhule) जिल्ह्यात स्थानिक स्वराज्य संस्थांच्या निवडणुकीच्या (Local Body Elections) पार्श्वभूमीवर पोलीस प्रशासनाने एक विशेष मोहीम हाती घेतली आहे. या अंतर्गत बॉडीबिल्डर्स (Bodybuilders), बाउन्सर (Bouncers), आणि व्यायामशाळांच्या चालकांना नोटिसा बजावण्यात आल्या आहेत. 'गुंड, समाजकंटक, गुन्हेगार यांच्याबरोबर राहून शक्तिप्रदर्शन करू नये,' असे स्पष्ट निर्देश या नोटिशीद्वारे देण्यात आले आहेत.
निवडणुकीच्या काळात कायदा आणि सुव्यवस्थेचा प्रश्न निर्माण होऊ नये आणि समाजात दहशत पसरवणारी कृत्ये घडू नयेत, यासाठी ही प्रतिबंधात्मक कारवाई करण्यात येत असल्याचे पोलिसांनी म्हटले आहे. मात्र, या नोटिसांमुळे बॉडीबिल्डर्स आणि व्यायामशाळा चालकांमध्ये नाराजीचे वातावरण आहे. आपल्यावर विनाकारण कारवाई होत असल्याची भावना त्यांनी व्यक्त केली आहे.
वरंधघाटात 100 फुट खाली कोसळून मोटारसायकल स्वार युवकाचा जागीचं मृत्यू
रायगड आणि पुणे जिल्ह्यांना जोडणाऱ्या वरंध-भोर घाटात एका मोटरसायकल स्वार चालकाचा 100 फूटवरून कोसळल्याने जागीच मृत्यू झालाय. हा तरुण मुंबईवरून भोर तालुक्यातील शिळींब या मूळ गावात जात असताना घाटातील साईट पट्टीचा अंदाज न आल्याने गाडी टपरावरून 100 फुट खोल खाली कोसळली. या अपघातात रस्त्यावरपडून शिवाजी डेरे या तरुणाचा जागीच मृत्यू झाला.घटना स्थळी महाड एमआयडीसीचे पोलिस दाखल झाले असून या घटनेची सखोल चौकशी करत आहेत.
आणखी वाचा