Petrol-Diesel Price Hike : उत्तर प्रदेशसह पाच राज्यात सुरु असलेल्या निवडणूकीदरम्यान पेट्रोल आणि डिझेलच्या किंमती मागील काही दिवसांपासून स्थिर आहेत. पेट्रोल आणि डिझेलच्या किंमतीमध्ये कोणतीही वाढ झालेली नाही. पण निवडणूकीच्या निकालानंतर पेट्रोल आणि डिझेलच्या किंमतीमध्ये मोठी वाढ होण्याची शक्यता वर्तवण्यात येत आहे. मागील चार महिन्यापासून पेट्रोल आणि डिझेलच्या किंमती स्थिर आहेत. पण पाच राज्यातील निवडणुकीचा निकाल लागल्यानंतर पेट्रोल आणि डिझेलच्या दरांमध्ये वाढ होण्याची शक्यता आहे.  


12 रुपयांपर्यंत वाढू शकते इंधन -  
ICICI Securities ने जारी केलेल्या एका रिपोर्ट्सनुसार पुढील 11 दिवसांत पेट्रोल आणि डिझेलच्या किंमतीमध्ये प्रतिलीटर 12 रुपयांनी वाढ होण्याची शक्यता आहे.  10 मार्च रोजी पाच राज्यातील निवडणुकीचा निकाल लागणार आहे. त्यानंतर पेट्रोल आणि डिझेलच्या किंमतीमध्ये वाढ होण्याची शक्यता आहे. 
 
रिपोर्ट्समध्ये काय आहे? 
ICICI Securities ने जारी केलेल्या रिपोर्ट्सनुसार, इंधन विक्रेत्यांना आपला खर्च वसूल करण्यासाठी 16 मार्च पर्यंत पेट्रोल आणि डिझेलच्या किंमती प्रति लीटर 12 रुपयांनी वाढवावी लागेल. त्याशिवाय यामध्ये तेल कंपन्यांचा खर्च मिसळल्यास यामध्ये 15.1 रुपयापर्यंत पेट्रोल आणि डिझेलच्या किंमतीमध्ये वाढ होण्याची शक्यता आहे. 


10 मार्च रोजी मतमोजणी
जे.पी. मॉर्गनच्या अंदाजानुसार, पाच दिवसांत पाच राज्यातील निवडणुकीचा निकाल लागणार आहे. त्यानंतर ईंधन दरवाढ होऊ शकते. दहा मार्चनंतर पेट्रोल आणि डिझेलच्या किंमतीमध्ये दररोज वाढ होण्याची शक्यता आहे. 
 
चार महिन्यापासून दर स्थिर -
मागील चार महिन्यापासून पेट्रोल आणि डिझेलच्या किंमती स्थिर आहेत. दोन सप्टेंबरपासून इंधनाचे दर स्थिर आहेत. रशिया आणि यूक्रेन यांच्यातील युद्धामुळे कच्च्या तेलाच्या किंमतीमध्ये मोठ्या प्रमाणात वाढ झाली आहे. सध्या कच्च्या तेलाची किंमत प्रति बॅरल 110 डॉलर इतकी झाली आहे.  दोन सप्टेंबरपासून कच्च्या तेलाच्या किंमतीमध्ये मोठी वाढ झाली आहे. 


पेट्रोल आणि डिझेलचे दर (Petrol Diesel Price ) कुठे आणि कसे पाहाल?


इंडियन ऑईलचं  IndianOil ONE Mobile App  तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.


इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.


पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).