9 टक्क्यांपेक्षा जास्त व्याज देणाऱ्या 5 बँका कोणत्या? गुंतवणुकीवर तुम्हाला मिळतोय मोठा लाभ  

काही काळापासून बँकांकडून एफडीवर चांगले व्याज दिले जात आहे. तुम्हालाही जास्त व्याज हवे असेल तर आम्ही तुम्हाला काही स्मॉल फायनान्स बँकांबद्दल सविस्तर माहिती जाणून घेऊयात. 

Highest FD Rate: बँकांद्वारे ज्येष्ठ नागरिकांसाठी चालवल्या जाणाऱ्या मुदत ठेव (FD योजना) सामान्य गुंतवणूकदारांसाठी चालवल्या जाणाऱ्या योजनांपेक्षा जास्त व्याज देतात. तुम्ही जर एखाद्या ज्येष्ठ नागरिकाच्या नावाने एफडीमध्ये गुंतवणूक केल्यास तुमच्या पैशावर जास्त परतावा मिळतो. ज्येष्ठ नागरिक एफडी योजना वृद्धांना त्यांच्या गुंतवणुकीचे संरक्षण आणि वाढ करण्यासाठी उत्तम पर्याय देतात. याद्वारे वृद्धांच्या आर्थिक गरजा पूर्ण करण्यातही मदत होते. दरम्यान, काही काळापासून बँकांकडून एफडीवर चांगले व्याज दिले जात आहे. तुम्हालाही जास्त व्याज हवे असेल तर आम्ही तुम्हाला काही स्मॉल फायनान्स बँकांबद्दल सविस्तर माहिती जाणून घेऊयात. 

आयकर कायद्याच्या कलम 80TTB अंतर्गत, वृद्ध लोक या उत्पन्नावर 50,000 रुपयांपर्यंतची वजावट मिळवू शकतात. त्यामुळे ते आणखी फायदेशीर ठरते. गेल्या काही काळापासून बँकांकडून एफडीवर चांगले व्याज दिले जात आहे. पण जर तुम्हाला जास्त व्याज हवे असेल तर आम्ही तुम्हाला काही स्मॉल फायनान्स बँकांबद्दल सांगू. यामध्ये गुंतवणूक केल्याने ज्येष्ठ नागरिकांना एफडीवर चांगले व्याज मिळते.

इक्विटॉस स्मॉल फायनान्स बँक

इक्विटॉस स्मॉल फायनान्स बँक सामान्य लोकांना 7 दिवस ते 10 वर्षांच्या ठेवींवर 4 ते 9 टक्क्यांपर्यंत व्याज देते. 444 दिवसांत परिपक्व होणाऱ्या FD वर जास्तीत जास्त 9 टक्के व्याज दिले जाते. सामान्य गुंतवणूकदारांना देऊ केलेल्या दरांपेक्षा ज्येष्ठ नागरिकांना 0.50 टक्के अतिरिक्त व्याज मिळते. हे दर 21 ऑगस्ट 2023 पासून लागू आहेत.

फिनकेअर स्मॉल फायनान्स बँक

फिनकेअर स्मॉल फायनान्स बँकेत, 3.60 टक्के ते 9.21 टक्क्यांपर्यंतचे व्याज 7 दिवसांपासून ते 10 वर्षांच्या कालावधीसाठी ज्येष्ठ नागरिकांना देय आहे. या बँकेत सर्वाधिक व्याज दर 9.21 टक्के आहे, जे 750 दिवसांत परिपक्व होणाऱ्या FD वर उपलब्ध आहे. बँकेने 28 ऑक्टोबर 2023 पासून हे दर लागू केले आहेत.

जन स्मॉल फायनान्स बँक

जन स्मॉल फायनान्स बँक ज्येष्ठ नागरिकांना 7 दिवस ते 10 वर्षांच्या कालावधीसाठी ठेवींवर 3.50 ते 9 टक्के व्याज देते. सर्वाधिक व्याज दर 9 टक्के आहे. जो 365 दिवसात परिपक्व होणाऱ्या FD वर उपलब्ध आहे. बँकेने 2 जानेवारी 2024 पासून हे दर लागू केले आहेत.

सूर्योदय स्मॉल फायनान्स बँक

या बँकेकडून, ज्येष्ठ नागरिकांना 7 दिवस ते 10 वर्षांच्या कालावधीसाठी ठेव रकमेवर 4.50 टक्के ते 9.10 टक्के पर्यंत व्याज दिले जाते. बँकेचा सर्वोच्च व्याज दर 9.10 टक्के आहे, जो दोन वर्षे आणि दोन दिवसांत परिपक्व होणाऱ्या FD वर दिला जातो. हे दर 22 डिसेंबर 2023 पासून लागू करण्यात आले आहेत.

युनिटी स्मॉल फायनान्स बँक

युनिटी स्मॉल फायनान्स बँक ज्येष्ठ नागरिकांना 7 दिवस ते 10 वर्षांच्या कालावधीसाठी ठेवींवर 4.50 टक्के ते 9.50 टक्के व्याज देते. 1001 दिवसांत परिपक्व होणाऱ्या FD वर उपलब्ध सर्वाधिक व्याजदर 9.50 टक्के आहे. बँकेने 2 फेब्रुवारी 2024 पासून हे दर लागू केले आहेत.

उत्कर्ष स्मॉल फायनान्स बँक

उत्कर्ष स्मॉल फायनान्स बँक 7 दिवस ते 10 वर्षांच्या कालावधीसाठी ठेवींवर ज्येष्ठ नागरिकांना 4.60 टक्के ते 9.10 टक्के व्याज देते. सर्वाधिक व्याज दर 9.10 टक्के आहे. हे दोन ते तीन वर्षांच्या कालावधीसह FD वर उपलब्ध आहे. बँकेने हे दर 21 ऑगस्ट 2023 पासून लागू केले आहेत.

महत्वाच्या बातम्या: