Vastu Tips : वास्तुशास्त्रात ऊर्जेला विशेष महत्त्व आहे. यानुसार घरात ठेवलेल्या प्रत्येक गोष्टीचा परिणाम व्यक्तीच्या जीवनावर होतो. वास्तूमध्ये (Vastu Shastra) प्रत्येक गोष्ट ठेवण्यासाठी एक विशिष्ट दिशा सांगितली आहे. वास्तूशास्त्रात (Vastu Tips) झाडे आणि रोपे लावण्यासाठी देखील एक विशिष्ट दिशा सांगण्यात आली आहे. कारण चुकीच्या दिशेल लावलेली झाडे घरात नकारात्मकता निर्माण करतात.
असं म्हणतात की, यामुळे घरात वाद-विवाद वाढतात. वास्तूशास्त्रानुसार, घरात अशी काही झाडे आहेत जी घराच्या दक्षिण दिशेला लावू नयेत. अन्यथा अनेक समस्यांचा सामना करावा लागतो. ही झाडे नेमकी कोणती आहेत याच संदर्भात सविस्तर माहिती जाणून घेऊयात.
केळीचे झाड (Banana Tree)
ज्योतिष शास्त्रात केळीच्या झाडाला विशेष महत्त्व देण्यात आलं आहे. गुरुवारच्या दिवशी केळीच्या झाडाची पूजा केल्याने भगवान विष्णूचा आशीर्वाद मिळतो. वास्तूनुसार, या झाडाला कधीही दक्षिण दिशेला लावू नये. तसेच, केळीचे झाड कधीही पूर्व किंवा पश्चिम दिशेला लावू नये. या दिशेला केळीचे रोप लावणे अत्यंत अशुभ मानले जाते. दक्षिण दिशेला केळी लावल्यास नकारात्मक परिणाम मिळतात. केळीचे रोप नेहमी उत्तर किंवा पूर्व दिशेला लावावे.
तुळशीचे रोप (Tulsi Plant)
हिंदू धर्मात तुळशीच्या रोपाला खूप शुभ मानले जाते. मान्यतेनुसार तुळशीमध्ये लक्ष्मीचा वास असतो. दररोज तुळशीची पूजा केल्याने विशेष लाभ होतो. तुळशीचे रोप दक्षिण दिशेला कधीही लावू नये.
या दिशेला तुळशीचे रोप लावल्याने घरात संकटं वाढतात आणि अनेक आर्थिक समस्या निर्माण होतात. तुळशीचे रोप ईशान्य, उत्तर किंवा उत्तर-पूर्व दिशेला लावणे शुभ मानले जाते. तुळशीसाठी उत्तर दिशा सर्वात शुभ मानली जाते, तर पूर्व दिशेला तुळशी लावल्याने घरात सूर्यासारखी ऊर्जा येते.
मनी प्लांट (Money Plant)
मनी प्लांट घरासाठी लकी मानला जातो. मनी प्लांट बहुतेक घरांमध्ये पाहायला मिळतो. असे मानले जाते की, घरात मनी प्लांट ठेवल्याने देवी लक्ष्मी प्रसन्न होते. ज्या घरात मनी प्लांट फुलतो त्या घरात समृद्धी नांदते.
वास्तूनुसार दक्षिण दिशेला कधीही मनी प्लांट लावू नये. अन्यथा फायद्याऐवजी नुकसान होऊ शकते. यामुळे कुटुंबातील सदस्यांना आर्थिक संकटाचा सामना करावा लागू शकतो. मनी प्लांट नेहमी आग्नेय दिशेला लावावा. या दिशेला मनी प्लांट लावल्याने घरात सुख-समृद्धी येते.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा: