Trigrahi Yog 2026: 2026 वर्ष लवकरच सुरू होणार आहे. ज्योतिषशास्त्रानुसार या वर्षात अनेकांचे नशीब पालटणार आहे. कारण मोठ मोठ्या ग्रहांच्या हालचाली होत असल्याने त्याचा परिणाम सर्व 12 राशींवर पाहायला मिळणार आहे. त्यामुळेच 2026 ची सुरुवात चार राशींसाठी एक उत्तम वर्ष असणार आहे. शनीच्या राशीत निर्माण होणारा त्रिग्रही योग (Trigrahi Yog 2026) या लोकांना भरपूर संपत्तीचा वर्षाव करेल. हा योग कधी आणि कसा होत आहे? त्याचा फायदा कोणाला होईल? जाणून घ्या.
शनीच्या राशीत अतिशय शुभ योग...
वैदिक ज्योतिषशास्त्रानुसार, 2026 च्या सुरुवातीला शनीच्या राशीत एक अतिशय शुभ योग निर्माण होणार आहे. या योगाला त्रिग्रही योग म्हणतात, जो मकर राशीत सूर्य, बुध आणि शुक्र यांच्या युतीने तयार होईल. यश आणि कीर्तीचा कारक सूर्य, संपत्ती आणि विलासाचा कारक शुक्र आणि ग्रहांचा राजकुमार बुध यांच्या युतीने तयार झालेला हा योग चार राशींना प्रचंड लाभ देईल. जानेवारी 2026 मध्ये, शनीच्या राशीतील त्रिग्रही योग अचानक त्यांचे जीवन बदलून टाकेल.
शनीच्या राशीत त्रिग्रही योग 4 राशींचं जीवन बदलेल...
वैदिक ज्योतिषशास्त्रानुसार, 13 जानेवारी 2026 रोजी शुक्र मकर राशीत संक्रमण करेल. त्यानंतर दुसऱ्या दिवशी 14 जानेवारी 2026 रोजी सूर्य मकर राशीत संक्रमण करेल. त्यानंतर 17 जानेवारी 2026 रोजी बुध मकर राशीत संक्रमण करेल आणि त्रिग्रही योग तयार होईल.
वृषभ (Taurus)
ज्योतिषशास्त्रानुसार, वृषभ राशीचा स्वामी ग्रह शुक्र आहे, जो शनीचा मित्र आहे. शनीच्या राशीत त्रिग्रही योग तयार झाल्यामुळे वृषभ राशीला महत्त्वपूर्ण आर्थिक लाभ होईल. नवीन स्रोतांकडून पैसे येतील आणि बँक बॅलन्समध्ये वेगाने वाढ होईल. कुटुंबात आनंदी वातावरण असेल. तुम्ही पार्टी मूडमध्ये असाल.
तूळ (Libra)
ज्योतिषशास्त्रानुसार, त्रिग्रही योग तयार झाल्यामुळे तूळ राशीच्या लोकांसाठी चांगले दिवस येऊ शकतात. जीवनात संपत्ती आणि विलासिता वाढेल. लांब पल्ल्याच्या प्रवासाला जाण्याची शक्यता आहे. करिअरमध्ये प्रगती शक्य आहे. व्यावसायिकांना अनपेक्षित आर्थिक लाभ होऊ शकतो. ते नवीन वाहन किंवा मालमत्ता खरेदी करू शकतात. आदर आणि सन्मान वाढेल.
धनु (Sagittarius)
ज्योतिषशास्त्रानुसार, त्रिग्रही योगाची निर्मिती धनु राशीसाठी देखील फायदेशीर ठरेल. आर्थिक लाभ होण्याची दाट शक्यता आहे. तुम्हाला अचानक पैसे मिळू शकतात. तुमच्या जीवनात आनंदही वाढेल. तुमची प्रतिष्ठा वाढेल. घरातील लोक तुमची काळजी घेतील. तुमच्या बोलण्याचा प्रभाव वाढेल.
मकर (Capricorn)
ज्योतिषशास्त्रानुसार, मकर राशीत त्रिग्रही योग निर्माण होत आहे, ज्यामुळे या राशीच्या लोकांना खूप फायदा होईल. अविवाहित लोकांचे लग्न होऊ शकते. अचानक करिअरमध्ये वाढ होण्याची शक्यता आहे. नवीन संधी निर्माण होतील. घरात आनंद राहील. विवाहित लोकांचे वैवाहिक जीवन उत्तम राहील.
हेही वाचा
Navpancham Rajyog 2025: पैसा..नोकरी..फ्लॅट..12 डिसेंबरपासून 3 राशींचे नशीबाचे फासे पालटले! शक्तिशाली नवपंचम योग, संपत्तीचा मार्ग मोकळा करणार
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)