Surya Grahan 2025 : ज्योतिष शास्त्रानुसार, सूर्यग्रहणाला (Surya Grahan) खगोलीय आणि धार्मिक दृष्टीकोनातून फार महत्त्व आहे. प्रत्येक वर्ष सूर्य आणि चंद्राचे 2-2 ग्रहण असतात. ज्योतिष शास्त्रानुसार, सूर्य ग्रहणाचा काळ अशुभ मानला जातो. सूर्य ग्रहणाच्या वेळी भोजन, पाणी ग्रहण केलं जात नाही. त्यानुसार, आज म्हणजेच 2 ऑगस्ट रोजी सूर्यग्रहणाची वेळ नेमकी कधी असणार आहे ते जाणून घेऊयात.
2 ऑगस्ट रोजी सूर्यग्रहण दिसेल?
वैदिक शास्त्रानुसार, 2 ऑगस्ट 2025 रोजी सूर्यग्रहण दिसणार नाही. या दिवशी चंद्रग्रहणही नाही आणि सूर्यग्रहणही दिसणार नाही. खरंतर, 2 ऑगस्ट रोजी सूर्यग्रहण आहे पण 2027 रोजी हे सूर्यग्रहण दिसेल. या दरम्यान हे सर्वात लांब सूर्यग्रहण लागणार आहे. या सूर्यग्रहणाने 6 मिनिटांसाठी पृथ्वीवरील काही भागांत संपूर्ण अंधार असेल.
वर्षातील दुसरं सूर्यग्रहण कधी?
2025 वर्षानुसार, 21 सप्टेंबरच्या रात्री 11 वाजता वर्षातील दुसरे सूर्यग्रहण लागणार आहे. तर, रात्री 3 वाजून 23 मिनिटांनी सूर्यग्रहण संपणार आहे. हे सूर्यग्रहण न्यूझीलंड, अंटार्टिका आणि ऑस्ट्रेलियासारख्या देशात दिसणार आहे. भारतात हे सूर्यग्रहण लागणार नाही. त्यामुळे भारतात सूर्यग्रहणाचा सूतक काळ नसणार. त्यामुळे चिंता करण्याची गरज नाही.
सूर्यग्रहणाच्या वेळी 'ही' कामे करु नका
धार्मिक मान्यतेनुसार, जेव्हा सूर्यग्रहण लागते तेव्हा ते कधीच उघड्या डोळ्यांनी बघू नये. कारण यामुळे तुमच्या डोळ्यांच्या दृष्टीवर परिणाम होतो. तसेच, या दिवशी घराबाहेर पडू नका. तसेच, भोजन आणि पाण्याचं सेवन करु नका. या दरम्यान डोक्यावरचे केस आणि नखं कापणं वर्जित मानलं जातं. हे नियम वृद्ध, आजारी आणि लहान मुलं सोडून सर्वांवर लागू आहेत. तसेच, या कालावधीत श्राद्ध देखील करु नये.
सूर्य ग्रहणाच्या वेळी कोणती कामे करावीत?
सूर्यग्रहणाच्या वेळी भगवान विष्णूचे ध्यान करावे. त्याचबरोबर त्यांच्या मंत्राचा जप करावा. या दरम्यान महामृत्युंजय मंत्र आणि गायत्री मंत्राचा जप करणं शुभ मानलं जातं. असे केल्याने आत्मविश्वासात वाढ होते. तसेच, जोपर्यंत सूर्यग्रहण आहे तोपर्यंत या कालावधीत लस्सी, पनीर, दूध, तेल किंवा तुपात केलेल्या जेवणात तुळशीची पानं टाकावीत. यामुळे सूर्यग्रहणाचा अशुभ प्रभाव कमी होतो.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :