Sun Transit 2024 : आजपासून दोन दिवसांनंतर ग्रहांचा राजा सूर्य (Sun) आपली चाल बदलणार आहे. सूर्याच्या या संक्रमणाचा सर्व 12 राशींवर सकारात्मक तसेच नकारात्मक प्रभाव पडणार आहे. सूर्याचं हे संक्रमण चंद्राच्या स्थितीत होणार आहे. कर्क राशीत (Cancer Horoscope) सूर्याच्या प्रवेश केल्याने सूर्याची युती शुक्र आणि बुध ग्रहाबरोबर होणार आहे. यामुळे राजयोग जुळून येणार आहे. कर्क राशीत 15 ऑगस्टपर्यंत सूर्य विराजमान असणार आहे. त्यामुळे पुढचा एक महिना कोणत्या राशीच्या लोकांवर याचा परिणाम दिसून येणार ते जाणून घेऊयात.
सिंह रास (Leo Horoscope)
सिंह राशीच्या लोकांसाठी सूर्याचं कर्क राशीत संक्रमण तुमचा आत्मविश्वास वाढवणारं असेल. या काळात तुम्ही पैशांची गुंतवणूक करू शकता. तुमच्या पाठीशी देवी लक्ष्मीची कृपा असेल. बिझनेसमध्ये तुम्हाला चांगला फायदा होईल. तसेच, साथीच्या आजारांपासून देखील तुम्ही दूर राहाल. विद्यार्थ्यांसाठी हा काळ फार चांगला असणार आहे. तुमचं अभ्यासात मन रमेल.
वृश्चिक रास (Scorpio Horoscope)
सूर्याचं कर्क राशीत संक्रमण वृश्चिक राशीच्या लोकांसाठी फार लाभदायक असणार आहे. या काळात तुमच्या करिअरमध्ये तुम्हाला चांगलं यश मिळेल. त्यासाठी तुम्हाला जास्त मेहनत घ्यावी लागणार नाही. जे लोक व्यावसायिक आहेत त्यांना चांगली डील मिळू शकते. या काळात तुमचं आरोग्य चांगलं असेल. अनहेल्दी पदार्थ खाण्यापासून दूर राहा. तसेच, या काळात तुम्ही छोटी-मोठी यात्रा देखील करू शकता. तुमची आर्थिक स्थिती मजबूत असेल.
मीन रास (Pisces Horoscope)
सूर्याच्या कर्क राशीत संक्रमणाचा मीन राशीच्या लोकांना देखील चांगलाच फायदा होणार आहे. जर तुम्हाला नवीन व्यवसाय सुरु करायचा असेल तर त्यासाठी तुम्ही आत्ताच गुंतवणूक करू शकता. विद्यार्थ्यांनी अभ्यासावर जास्त लक्ष केंद्रित करणं गरजेचं आहे. या काळात तुम्हाला मानसिक तणाव देखील जाणवेल. तुमची आर्थिक स्थिती चांगली असणार आहे.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :