Shukra Gochar 2023 : ज्योतिषशास्त्रात (Astrology) शुक्र (Shukra) ग्रह हा स्त्री ग्रह मानला जातो. त्यांना मीन, वृषभ आणि तूळ राशीचा स्वामी म्हटले जाते. तसेच त्यांना दैत्यगुरू देखील म्हटले जाते. शुक्र व्यक्तीच्या जीवनात सुख-समृद्धी आणतो. सर्व ग्रहांप्रमाणे शुक्र देखील ठराविक वेळेनंतर आपली राशी बदलतो. 15 फेब्रुवारीला शुक्र मीन राशीत प्रवेश करेल, जे 5 राशींसाठी खूप फायदेशीर सिद्ध होईल. शुक्र मीन राशीमध्ये उच्च, तर कन्या राशीमध्ये दुर्बल आहे. शनि, बुध आणि केतू यांच्याशी शुक्राची मैत्री, तर सूर्य, चंद्र आणि राहू यांच्याशी वैर आहे. जेव्हा जेव्हा शुक्र कोणत्याही राशीत बदल करतो तेव्हा त्याचा परिणाम सर्व राशींवर होतो. जाणून घ्या
शुक्र परिवर्तनामुळे कोणत्या राशींना फायदा होईल?
पंचांगानुसार, बुधवार, 15 फेब्रुवारी 2023 रोजी रात्री 08:12 वाजता, शुक्र कुंभ राशीपासून मीन राशीत जाईल. याआधी जानेवारी महिन्यात 22 जानेवारीला शुक्राने मकर राशीतून कुंभ राशीत प्रवेश केला होता. आता यानंतर आज शुक्र कुंभ राशी सोडून मीन राशीत प्रवेश करणार आहे, ज्यामुळे पाच राशीच्या लोकांना खूप फायदा होईल. जाणून घ्या शुक्र परिवर्तनामुळे कोणत्या राशींना फायदा होईल?
वृषभ
वृषभ राशीच्या अकराव्या भावात शुक्राचे राशीपरिवर्तन होईल. वृषभ राशीच्या लोकांसाठी शुक्राचे परिवर्तन धन वाढीचे ठरेल. तसेच तुमच्या सर्व मनोकामना पूर्ण होतील. दीर्घकाळापासून कामात येणारे अडथळे दूर होतील. शुक्राचे संक्रमण तुमच्या राशीसाठी लव्ह लाईफ, नोकरी व्यवसाय, इमारत आणि वाहन इत्यादींसाठी देखील फलदायी ठरेल.
कर्क
कर्क राशीच्या नवव्या घरात शुक्राचे परिवर्तन होईल, त्यामुळे तुमचे भाग्य वाढेल आणि समस्या दूर होतील. पैशाची कमतरता दूर होईल, यश मिळेल आणि नोकरी व्यवसायात लाभ होईल.
सिंह
सिंह राशीच्या आठव्या भावात शुक्राचे परिवर्तन होईल आणि तुम्हाला भरपूर आर्थिक लाभ मिळेल. व्यवसाय करणार्‍या लोकांसाठी शुक्राचे संक्रमण लाभदायक ठरेल आणि जीवनात आनंद राहील.
कन्या
कन्या राशीच्या सातव्या घरात शुक्राचे संक्रमण होईल. कन्या राशीच्या जीवनात सकारात्मक बदल होतील आणि कामात पदोन्नती मिळण्याची शक्यता आहे. जोडीदारासोबत चांगला वेळ घालवण्याची संधी मिळेल.
मीन
शुक्र तुमच्या राशीत प्रवेश करेल, मीन ही शुक्राची उच्च राशी आहे. शुक्राचे संक्रमण तुमच्या राशीवर परिणाम करेल. तुमच्या बोलण्यात गोडवा राहील, त्यामुळे नातेसंबंध चांगले होतील. नोकरी-व्यवसायातही तेजी येईल.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
इतर बातम्या