Shukra - Shani Yuti 2024 : वैदिक ज्योतिष शास्त्रानुसार, शुक्र ग्रहाचं राशी परिवर्तन यावर्षीच्या शेवटी म्हणजेच 28 डिसेंबर रोजी होणार आहे. शु्क्र ग्रह कुंभ राशीत रात्री 11 वाजून 48 मिनिटांनी प्रवेश करणार आहे. कुंभ ही शनीची मूळ राश आणि तसेच, शनी स्वत: या राशीत विराजमान आहे. कुंभ राशीत शनी आणि शुक्र ग्रहाची युती 28 डिसेंबर रोजी होणार आहे. ही युती 28 जानेवारी रोजी सकाळी 7 वाजून 12 मिनिटांपर्यंत असणार आहे. शुक्र आणि शनीच्या युतीने नवीन वर्षात 4 राशीच्या लोकांचं भाग्य उजळणार आहे. या राशी (Zodiac Signs) नेमक्या कोणत्या ते जाणून घेऊयात.
वृषभ रास (Taurus Horoscope)
शुक्र-शनीच्या युतीने वृषभ राशीच्या लोकांचं नशीब बदलू शकतं. या काळात तुम्हाला नोकरीसाठी नवीन प्रस्ताव येऊ शकतात. तसेच, तुम्हाला प्रमोशनदेखील मिळण्याचे अनेक योग आहेत.तसेच, जर तुम्ही एखादा निर्णय घेत असाल तर तो विचारपूर्वक घेण्याची गरज आहे. या काळात तुम्हाला धनलाभाचे देखील चांगले योग जुळून आले आहेत. तुमची आर्थिक स्थिती मजबूत होईल.
तूळ रास (Libra Horoscope)
शुक्र-शनीच्या युतीने तूळ राशीच्या लोकांना चांगला लाभ मिळण्याची शक्यता आहे. तसेच, विद्यार्थी अभ्यासात यश संपादन करतील. तुम्हाला वडिलोत्पार्जित संपत्तीतून चांगला आर्थिक लाभ मिळू शकतो. तसेच, या काळात तुम्ही कोणत्याही नवीन कार्याची सुरुवात करु शकतात. नोकरदार वर्गातील लोकांना कामात चांगलं यश मिळेल.
मकर रास (Capricorn Horoscope)
शुक्र-शनीच्या युतीने मकर राशीच्या लोकांना करिअरमध्ये पुढे जाण्यासाठी अनेक संधी निर्माम होऊ शकतात. शुक्र ग्रहाच्या शुभ प्रभावाने तुमच्या सुख-समृद्धीत चांगली वाढ झालेली दिसेल. तसेच, तुमचं बॅंक बॅलेन्स देखील वाढण्याची शक्यता आहे. जर तुम्ही कोणाकडून पैसे उधार घेतले असतील तर ते लवकरात लवकर परत करा. तसेच, जे लोक सिंगल आहेत त्यांना लवकरच शुभवार्ता मिळू शकते.
कुंभ रास (Aquarius Horoscope)
कुंभ राशीतच शुक्र-शनीची युती होतेय. त्यामुळे याचा तुम्हाला चांगला लाभ मिळू शकतो. तसेच, तुमचं आरोग्य चांगलं असेल. तसेच, तुम्हाला दिर्घकालीन आजारापासून चांगली मुक्ती मिळेल. तुमची लव्हलाईफ चांगली असणार आहे. 28 डिसेंबरनंतर तुमच्याकडे पैसा येण्याची शक्यता आहे. तसेच, या काळात तुम्ही महत्त्वाचा निर्णय घेऊ शकता.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :