Shani-Guru Vakri 2024 : दिवाळीच्या शुभ मुहूर्तावर यंदा ग्रहांचा महायोग जुळून येणार आहे. शनी आणि गुरुसारखे महत्त्वाचे ग्रह दिवाळीच्या (Diwali 2024) दिवशी वक्री चाल चालणार आहेत. असा संयोग अनेक वर्षांनतर जुळून येणार आहे. याचा काही राशींच्या लोकांना लाभ मिळणार आहे.
दिवाळीच्या सणाला सुरुवात झाली आहे. आज लक्ष्मीपूजनाचा दिवस आहे. दिवाळीला देवी लक्ष्मीचं पूजन करण्याला विशेष महत्त्व आहे. यामुळे धन-संपत्तीत चांगली वाढ होते. देवीची कृपा राहते. मात्र, दिवाळीचा हा सण अधिक खास असणार आहे. कारण यंदा दिवाळीला शनी आणि गुरु ग्रह वक्री चाल चालणार आहेत. शनी सध्या आपली मूळ त्रिकोण रास कुंभ राशीत वक्री अवस्थेत आहेत. तर, गुरु ग्रह बृहस्पती वृषभ राशीत उलटी चाल चालणार आहेत. यामुळे 3 राशींच्या लोकांना चांगलाच लाभ मिळणार आहे. या लोकांच्या नोकरी-व्यवसायात चांगली वाढ होईल.
सिंह रास (Leo Horoscope)
सिंह राशीच्या लोकांसाठी गुरु ग्रह आणि शनीची वक्री चाल फार लाभदायक ठरणार आहे. या काळात जे लोक बेरोजगार आहेत त्यांना रोजगार मिळू शकतो. तसेच, तुमच्या नोकरी-व्यवसायात चांगली प्रगती होईल. जे अविवाहीत आहेत त्यांचं लग्न ठरण्याची शक्यता आहे.
वृश्चिक रास (Scorpio Horoscope)
वृश्चिक राशीच्या लोकांसाठी यंदाची दिवाळी फार शुभकारक असणार आहे. या राशीच्या सुख-समृद्धीत चांगली वाढ होईल. तुम्हाला भरपूप पैसा मिळेल. तसेच, उत्पन्नाचे नवे मार्ग खुले होतील. तुमचा पार्टनरशिपमध्ये व्यवसाय चांगला चालेल.
मकर रास (Capricorn Horoscope)
मकर राशीच्या लोकांना ग्रहांच्या उलट्या चालीचा चांगलाच फायदा होणार आहे. या काळात तुम्हाला अचानक धनलाभ होऊ शकतो. तुमच्या मेहनतीचं फळ तुम्हाला मिळेल. तसेच, कामाच्या ठिकाणी प्रमोशन होण्याची शक्यता आहे.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :