Shani Dev: श्रीमंत व्यक्तीही अचानक रस्त्यावर येते! शनिदेव नाराज झाल्याचे 'हे' संकेत आताच ओळखा, अन्यथा कधीही होत्याचं नव्हतं होईल..

Shani Dev: जेव्हा शनिचा फटका बसतो, तेव्हा त्या व्यक्तीला सर्व बाजूंनी आर्थिक, शारीरिक, मानसिक त्रासांना तोंड द्यावे लागते. म्हणूनच लोक शनिदेवांना खूप घाबरतात.

Shani Dev: हिंदू धर्म आणि ज्योतिषशास्त्रात शनिदेवांना कर्माची देवता असे म्हटले गेले आहे. आणि शनिदेवांची वक्रदृष्टी जर एखाद्या व्यक्तीवर पडली, तर त्याचं होत्याचं नव्हतं कधी होतं हे सांगणही अवघड होऊन बसतं. जेव्हा शनीचा फटका बसतो, तेव्हा त्या व्यक्तीला सर्व बाजूंनी आर्थिक, शारीरिक, मानसिक त्रासांना तोंड द्यावे लागते. म्हणूनच लोक शनिदेवांना खूप घाबरतात. जर कुंडलीत शनि वाईट असेल तर, त्या व्यक्तीचे आयुष्य संकटात जाते, त्याला खूप संघर्ष करावा लागतो. एकामागून एक संकटे येतात, अनेक दुःखे सहन करावी लागतात. म्हणून, शनीला आनंदी ठेवणे चांगले ठरते. अशी कोणती कामं आहेत, जी केली तर शनिदेव क्रोधीत होतात. आणि ज्यामुळे व्यक्ती त्याची आयु्ष्यभराची कमाई गमावून बसते... 

तुमच्या 'या' चुका शनीच्या क्रोधाचे कारण बनतात...

धार्मिक मान्यतेनुसार, जर दंड देणारा शनि क्रोधित असेल तर जीवन उद्ध्वस्त होते. जर कुंडलीत शनि अशुभ असेल तर त्या व्यक्तीचे आयुष्य संकटात जाते. परंतु लोकांच्या काही चुका देखील शनीच्या क्रोधाचे कारण बनतात. अनेक वेळा व्यक्तीची स्वतःची कृत्ये शनिला क्रोधित करतात. असे म्हणता येईल की अशा व्यक्तीला शनि दुहेरी त्रास देतो. विशेषतः जर शनीची साडेसाती किंवा महादशा चालू असेल, तसेच शनि कुंडलीत अशुभ स्थितीत असेल तर या गोष्टी चुकूनही करू नयेत. जाणून घ्या कोणत्या कामामुळे शनि रागावतो आणि शनि रागावण्याचे संकेत कोणते आहेत?

- शनि देवाला असे लोक आवडत नाही, जे चुकीचे काम करतात. लोकांना खोटे बोलतात, लोकांना फसवतात. म्हणून जाणूनबुजून किंवा नकळत अशी कामे करू नका, ज्यामुळे शनि देव रागावतात.

- शनीचा क्रोध निश्चितच ड्रग्ज, जुगार आणि चुकीची कामे करणाऱ्यांवर पडतो. जे इतरांना फसवून, कपटाने किंवा कोणत्याही शॉर्टकटने पैसे कमवतात, अशा पैशामुळे त्यांना खूप त्रास होतोच, शिवाय दुप्पट पैसेही वाया जातात.

- गरीब, असहाय्य, कष्टकरी लोकांचे (कामगारांचे) शोषण करू नका. त्याऐवजी त्यांना मदत करा. अन्यथा तुम्हाला शनीचा तीव्र क्रोध सहन करावा लागेल.

- कधीही घाणेरड्या गोष्टीत राहू नका. यासाठी राहू देखील शनीच्या बरोबर शिक्षा करतो. आळशी आणि काम टाळणाऱ्यांना शनीचा खूप त्रास होतो.

- शनीची क्रूर नजर मुके प्राणी, वृद्ध, अपंग यांचा अपमान करणाऱ्या किंवा त्रास देणाऱ्यांवर पडते.

- कपटाने इतरांचे पैसे हडप करणाऱ्या, मालमत्ता बळकावणाऱ्या आणि गरीब आणि गरजूंचा फायदा घेणाऱ्यांना शनि नरकासारखे त्रास देतो.

शनिदेवांच्या नाराजीची लक्षणे

- जर शनिदेव रागावले असतील तर व्यक्तीच्या मनात नेहमीच भीती, चिंता आणि अस्वस्थता असते.

- शनीच्या नाराजीमुळे वारंवार आर्थिक नुकसान होते. व्यवसायात नुकसान होते. कधीकधी तोटा इतका मोठा असतो की श्रीमंत व्यक्तीही अचानक रस्त्यावर येते.

- शनीची नाराजी काम बिघडवते.

- याशिवाय, शनि अनेक शारीरिक त्रास देखील देतो. जर शनि अशुभ असेल तर व्यक्तीला हाडांशी संबंधित समस्यांना तोंड द्यावे लागते. अपंगत्व येऊ शकते.

- जर शनि अशुभ असेल तर व्यक्तीला वारंवार न्यायालयीन खटल्यांना तोंड द्यावे लागते. 

हेही वाचा :           

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)