Numerology Of Mulank 8 : ज्योतिष शास्त्रानुसार, ज्याप्रमाणे व्यक्तीच्या राशीनुसार व्यक्तीचा स्वभाव ओळखता येतो. त्याचप्रमाणे, अंक शास्त्रात (Ank Shastra) सांगितल्याप्रमाणे, व्यक्तीच्या जन्मतारखेवरून त्या व्यक्तीचा स्वभाव कसा असेल? त्यांची आवड-निवड काय असेल हे ठरवता येतं. खरंतर, व्यक्तीच्या जन्मतारखेनुसार (Numerology), व्यक्तीचा मूलांक ठरवला जातो. हा मूलांक (Mulank) व्यक्तीचा स्वभाव ओळखण्यास फार महत्त्वाचा ठरतो. त्यानुसार, आज आपण मूलांक 8 बद्दल जाणून घेणार आहोत.
अंक ज्योतिष शास्त्रानुसार, कोणत्याही महिन्याच्या 8, 17 आणि 26 तारखेला जन्मलेल्या लोकांचा मूलांक 8 असतो. आपल्याला माहीतच आहे की, मूलांक 8 हा शनीचा आहे. शनी या मूलांकाचा स्वामी ग्रह आहे. या ठिकाणी आपण मूलांक 8 चा स्वभाव का असतो ते जाणून घेऊयात.
अंतर्मुखी स्वभावाचे असतात (Introvert Personality)
कोणत्याही महिन्याच्या 8, 17 आणि 26 तारखेला जन्मलेल्या लोकांचा मूलांक 8 असतो. अशा लोकांचा स्वभाव फार गंभीर असतो. तसेच, हे लोक फार अंतर्मुख स्वभावाचे असतात. इतरांसमोर व्यक्त व्हायला यांना फारसं जमत नाही.
तसेच, या लोकांना सोशल मीडियावर आपली पब्लिसिटी करायला आवडत नाही. त्यांना आपल्या कामात मग्न राहायला आवडतं. हे लोक आपल्या कामात मग्न असल्यामुळे यांना लवकर यश मिळतं.
विनाकारण पैसे उडवत नाहीत
मूलांक 8 असणारे लोक फार शांत आणि गंभीर स्वभावाचे असतात. त्यांच्या याच स्वभावामुळे आयुष्यात फार लवकर हे लोक यशाचं शिखर गाठतात. तसेच, यांना विनाकारण पैसे खर्च करायला आवडत नाहीत. आपले पैसे कुठे आणि किती खर्च करायचे हे या लोकांना चांगलंच ठाऊक असतं.
आर्थिक बाबतीत भाग्यवान असतात
मूलांक 8 असणाऱ्या लोकांवर शनीची सदैव कृपा असते. शनीच्या कृपेने यांच्या जीवनात कधीच पैशांची कमतरता भासत नाही. यांची आर्थिक स्थिती फार चांगली असते. तसेच, पैशांची बचत करणं यांना चांगलं जमतं. त्यामुळे या मूलांकाचे लोक आर्थिक बाबतीत फार भाग्यवान असतात.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा: