February 2025 Monthly Horoscope : 2025 या नवीन वर्षाचा पहिला महिना संपून आता दुसरा महिना म्हणजेच फेब्रुवारी महिना लवकरच सुरु होणार आहे. फेब्रुवारी महिना हा प्रेमाचा महिना म्हणून ओळखला जातो. त्याचप्रमाणे नवीन वर्षाचा दुसरा महिना फेब्रुवारी देखील काही राशींसाठी खूप खास असणार आहे. या महिन्यात ग्रह-ताऱ्यांची स्थिती अतिशय विशेष मानली जाते. ज्योतिषीय गणनेनुसार, जानेवारीमध्ये तूळ ते मीन राशींसाठी हा महिना (Monthly Horoscope) कसा असेल? जाणून घ्या.

तूळ रास (Libra Monthly Horoscope February 2025)

तूळ राशीच्या लोकांसाठी फेब्रुवारी महिना फार चांगला जाणार आहे. या काळात तुम्ही स्वत:वर संतुलन ठेवण्याची गरज आहे. कामाच्या ठिकाणी तुम्हाला अनेक संकटांचा सामना करावा लागू शकतो. तसेच, कौटुंबिक स्थितीत अनेक चढ-उतार येऊ शकतात. यातून बाहेर पडण्यासाठी तुमच्याकडे धैर्य आणि संयम असणं गरजेचं आहे. तसेच, तुमचा व्यवसाय तोट्यात चालेल त्याला तुम्ही रुळावर आणणं गरजेचं आहे.

वृश्चिक रास (Scorpio Monthly Horoscope February 2025)

फेब्रुवारी महिना वृश्चिक राशीच्या लोकांसाठी सामान्य असणार आहे. या काळात तुमच्या करिअरमध्ये प्रगती होईल पण ती हळुवार होईल. यासाठी तुम्हाला संयम ठेवण्याची गरज आहे. तसेच, तुमच्या मेहनतीवर विश्वास ठेवा. व्यापारी वर्गातील लोकांसाठी देखील हा काळ चांगला असेल. मात्र, महिन्याच्या शेवटी तुम्हाला काही आव्हानांचा सामना करावा लागू शकतो. व्यवसायात तुमचं नुकसान होण्याची शक्यता आहे. आरोग्याची काळजी घेणं गरजेचं आहे.

धनु रास (Sagittarius Monthly Horoscope February 2025)

धनु राशीच्या लोकांसाठी फेब्रुवारीचा महिना उत्साहाचा असणार आहे. या काळात तुमच्या करिअरमध्ये चांगली प्रगती पाहायला मिळेल. तसेच, जे लोक नवीन नोकरीच्या शोधात आहेत त्यांना लवकरच चांगली नोकरी मिळू शकते. तुमच्या मेहनतीचं फळ तुम्हाला मिळेल. तुमच्या कुटुंबात सुख-शांती टिकून राहील. आर्थिक दृष्टीने तुमचा हा महिना लाभदायक असेल. तुमचं आरोग्य सामान्य असेल. 

मकर रास (Capricorn Monthly Horoscope February 2025)

मकर राशीच्या लोकांसाठी फेब्रुवारीचा महिना फार चांगला असणाऱ आहे. या कालावधीत तुम्हाला तुमच्या मेहनतीचं चांगलं फळ मिळेल. तसेच, वरिष्ठ अधिकाऱ्यांचा तुमच्या कामाला चांगला पाठिंबा पाहायला मिळेल. तुमच्या कुटुंबात लवकरच शुभ कार्य घडू शकते. जे लोक सिंगल आहेत त्यांना लवकरच चांगला जोडीदार भेटू शकतो. या कालावधीत कोणताही महत्त्वाचा निर्णय घेऊ नका. अन्यथा तुम्हाला पश्चात्ताप होऊ शकतो. मानसिक शांतीसाठी योग करा.

कुंभ रास (Aquarius Monthly Horoscope February 2025)

कुंभ राशीच्या लोकांसाठी फेब्रुवारी महिना आत्मविश्वास वाढवणारा असणार आहे. या काळात तुमच्या करिअरमध्ये तुमची चांगली प्रगती दिसून येईल. तुमची आर्थिक स्थिती चांगली असेल. तसेच, तुमच्या कुटुंबात आनंदी वातावरण पाहायला मिळेल. तसेच, तुमच्या जीवनशैली नवीन बदल दिसून येतील. वातावरणातील बदलांमुळे तुमच्या आरोग्यात काहीसा चढ-उतार जाणवेल. यासाठी सकस आहार घ्या.

मीन रास (Pisces Monthly Horoscope February 2025)

मीन राशीच्या लोकांसाठी फेब्रुवारीचा महिना सामान्य असणार आहे. या काळात तुम्हाला तुमच्या करिअरच्या बाबतीत काही महत्त्वाचे निर्णय घ्यावे लागतील. तुमच्या व्यवसायात तुम्हाला लाभ मिळण्याची शक्यता आहे. या कालावधीत तुम्ही धार्मिक कार्यात सहभागी होऊ शकतात.समजुतीने निर्णय घेण्याची शक्यता आहे. या काळात तुम्ही योग आणि ध्यान करा.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा:             

Mangal Gochar 2025 : लवकरच मंगळ ग्रहाचं होणार संक्रमण, 'या' 3 राशींच्या जीवनात घडणार उलथा पालथ, होणार प्रचंड मनस्ताप