Bhadrapad Purnima 2023: भाद्रपद पौर्णिमेला बनणार 5 दुर्मिळ योग, देवी लक्ष्मीला प्रसन्न करण्यासाठी 'ही' तिथी सर्वात खास!

Bhadrapad Purnima 2023: यावर्षी भाद्रपद पौर्णिमेला एक अतिशय विशेष योग जुळून येत आहे, ज्यामध्ये काही विशेष उपाय केल्याने चांगले फायदे होतील. शुभ काळ जाणून घ्या

Bhadrapad Purnima 2023 : भाद्रपद पौर्णिमा 29 सप्टेंबर 2023 रोजी आहे. देवी लक्ष्मीला (Goddess Lakshmi) प्रसन्न करण्यासाठी पौर्णिमा तिथी सर्वात खास मानली जाते. पौर्णिमा ही 16 कलांनी परिपूर्ण असते. या दिवशी चंद्राला अर्घ्य दिल्याने सर्व मानसिक ताण दूर होतो असे मानले जाते. वैवाहिक जीवनात सुख-शांती नांदते.

देवी लक्ष्मीला प्रसन्न करण्यासाठी सर्वात खास पौर्णिमा 
पौराणिक मान्यतेनुसार, शुक्रवार आणि पौर्णिमा दोन्ही देवी लक्ष्मीला प्रिय आहेत, म्हणून हा दिवस धनप्राप्तीसाठी शुभ मानला जातो.पितृपक्ष भाद्रपद पौर्णिमेच्या दिवसापासून सुरू होतो, मात्र या दिवशी श्राद्ध केले जात नाही. या वर्षी भाद्रपद पौर्णिमेला एक अतिशय विशेष योग जुळून येत आहे, अशात सत्यनारायणाच्या कथेचे पठण केल्याने व्यक्तीला आर्थिक लाभ होणार आहे. जाणून घ्या भाद्रपद पौर्णिमा मुहूर्त, शुभ योग, उपाय.

 

भाद्रपद पौर्णिमा 2023 मुहूर्त

भाद्रपद पौर्णिमा तिथी 28 सप्टेंबर 2023, संध्याकाळी 06.49 वाजता सुरू होईल
भाद्रपद पौर्णिमा तारीख 29 सप्टेंबर 2023, दुपारी 03.26 वाजता संपेल
स्नान-दान मुहूर्त 04.36 पहाटे - 05.25 पहाटे
सत्यनारायण पूजा सकाळी 06.13 ते 10.42
चंद्रोदयाची वेळ संध्याकाळी 06.18 वा
लक्ष्मी पूजन दुपारी 11.18 ते 12.36 रात्री, 30 सप्टेंबर 2023

 

भाद्रपद पौर्णिमा 2023 शुभ योग

भाद्रपद पौर्णिमेच्या दिवशी 4 शुभ योग, सर्वार्थ सिद्धी योग, वृद्धी योग, अमृत सिद्धी योग आणि ध्रुव योग यांचा संयोग होत आहे. ज्योतिषांच्या मते, पौर्णिमा तिथीला सर्वार्थ सिद्धी आणि वृद्धी योगात लक्ष्मीची पूजा केल्याने आर्थिक लाभ होतो, पूजा, मंत्र सिद्ध होतात आणि देवी लक्ष्मी व्यक्तीवर कृपा करते.

सर्वार्थ सिद्धी योग - अमृत सिद्धी योग - 29 सप्टेंबर 2023, रात्री 11.18 - 30 सप्टेंबर 2023, सकाळी 06.13
वृद्धी योग - 28 सप्टेंबर 2023, रात्री 11:55 - 29 सप्टेंबर 2023, रात्री 08.03
ध्रुव योग - 29 सप्टेंबर 2023, 08.03 संध्याकाळी - 30 सप्टेंबर 2023, 04:27 संध्याकाळी
अमृत ​​सिद्धी योग - 29 सप्टेंबर 2023, रात्री 11.18 - 30 सप्टेंबर 2023, सकाळी 06.13
 
धनप्राप्तीसाठी शुभ दिवस
शुक्रवार आणि पौर्णिमा दोन्ही देवी लक्ष्मीला प्रिय आहेत, म्हणून हा दिवस धनप्राप्तीसाठी शुभ मानला जातो.

 

भाद्रपद पौर्णिमा उपाय

पितृपक्ष हा भाद्रपद पौर्णिमेच्या तिथीपासून सुरू होतो परंतु या दिवशी श्राद्ध केले जात नाही. अशात पितरांना प्रसन्न करण्यासाठी या दिवशी पिंपळाच्या झाडाची पूजा करावी. पौर्णिमेच्या दिवशी देवी लक्ष्मी पिंपळाच्या झाडावर वास करते असे मानले जाते.

 

दान करा
या भाद्रपद महिन्यातील पौर्णिमेला भक्तिभावाने केलेले दान कधीच संपत नाही, असे पुराणात सांगितले आहे. यामुळे या लोकात तसेच परलोकातही सुख मिळते. या दिवशी मानव, देव आणि पितर सर्वांना अन्न-पाणी दान केल्याने समाधान मिळते.

 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

महत्त्वाच्या बातम्या