Astrology Panchang Yog 12 July 2025 : वैदिक ज्योतिष शास्त्रानुसार, आज 12 जुलै 2025 चा दिवस आहे. आज शनिवारच्या दिवशी शनी देवाची (Shani Dev) भक्तांवर विशेष कृपा असणार आहे. आज चंद्राने मकर राशीत प्रवेश केला आहे. तसेच, आज समसप्त योगासह (Yog) त्रिपुष्कर योग जुळून आला आहे. त्यामुळे आजचा दिवस फार महत्त्वाचा असणार आहे.
वैदिक ज्योतिष शास्त्रानुसार, आज जुळून आलेल्या शुभ योगाचा लाभ 5 राशींच्या लोकांना मिळणार आहे. या शुभ राशी कोणत्या ते जाणून घेऊयात.
वृषभ रास (Taurus Horoscope)
वृषभ राशीसाठी आजचा दिवस सौभाग्यशाली असणार आहे. तसेच, या राशीवर शनिदेवाची विशेष कृपा असणार आहे. या राशीच्या लोकांना कर्माचं फळ मिळेल. तसेच, तुम्ही लांबच्या प्रवासाला जाऊ शकता. तुमच्या व्यवसायात तुम्हाला चांगलं यश मिळेल. कामाच्या निमित्ताने तुम्हाला बाहेर जावं लागू शकतं. तसेच, तुमचं वैवाहिक जीवन चांगलं राहील.
कर्क रास (Cancer Horoscope)
कर्क राशीसाठी आजचा दिवस फार चांगला असणार आहे. तुम्ही नियोजित केलेली कामे तुम्हाला वेळेत पूर्ण करता येतील. तसेच, नवीन योजनांचा तुम्ही लाभ घ्याल. नोकरदार वर्गातील लोकांना मनासारखं काम करता येईल. मानसिक शांती मिळेल. तसेच, कुटुंबातील लोकांकडून तुमच्यावर काही जबाबदाऱ्या सोपवण्यात येतील.
कन्या रास (Virgo Horoscope)
कन्या राशीसाठी आजचा दिवस चांगला आहे. समाजात तुम्हाला चांगला मान-सन्मान मिळेल. तसेच, तुमच्या कामाचं सर्वत्र कौतुक केलं जाईल. तुमच्या वाणीत गोडवा ठेवा. तसेच, आज तुमच्या घरी पाहुण्यांचं आगमन होऊ शकतं. मुलांच्या कलात्मकतेला चांगला वाव मिळेल. आरोग्यदेखील चांगलं असणार आहे.
तूळ रास (Libra Horoscope)
तूळ राशीसाठी आजचा दिवस उमेदीचा असणार आहे. नशिबाची साथ तुमच्या बाजूने असेल. तसेच, जर तुम्हाला घर किंवा प्रॉपर्टी विकत घ्यायची असेल तर त्यासाठी आजचा दिवस चांगला असणार आहे. मुलांच्या बुद्धीला चालना मिळेल. तसेच, तुमचं मन प्रसन्न राहील. कुटुंबात तुमच्या आनंदी वातावरण निर्माण होईल.
मकर रास (Capricorn Horoscope)
मकर राशीसाठी आजचा दिवस अनुकूल असणार आहे. तुमच्या व्यवसायाचा विस्तार वाढलेला दिसेल. तसेच, आज तुम्हाला नवीन ऑर्डर्स मिळतील. राजकारणात तुम्ही सक्रिय व्हाल. तुमच्या कलागुणांना चांगला वाव मिळेल. तसेच, आज नवीन गोष्टी शिकण्यासाठी तुम्ही उत्सुक असाल. वैवाहिक जीवन चांगले राहील.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :