Astrology Panchang 29 August 2024 : आज 29 ऑगस्ट गुरुवारचा दिवस हा फार खास असणार आहे. आज अजा एकादशी व्रतासह सिद्धी योग, व्यतिपात योग (Yog) आणि आर्द्रा नक्षत्र यांसारखे अनेक शुभ संयोग जुळून आले आहेत. त्यामुळे आजच्या दिवसाचं महत्त्व फार वाढलं आहे. वैदिक ज्योतिष शास्त्रानुसार, आज जुळून आलेल्या शुभ संयोगाचा लाभ 5 राशींच्या लोकांना होणार आहे. या राशी (Zodiac Signs) नेमक्या कोणत्या ते जाणून घेऊयात.
मेष रास (Aries Horoscope)
आजच्या दिवसाचा मेष राशीच्या लोकांना चांगला लाभ मिळणार आहे. भगवान विष्णूची तुमच्यावर विशेष कृपा असल्या कारणाने तुम्हाला नशिबाची चांगली साथ मिळेल. तसेच, तुमच्या धन-संपतीतमध्ये चांगली भरभराट होईल. तुमची आर्थिक स्थिती चांगली असेल. तसेच, अनेक दिवसांपासून रखडलेली कामे आज सहज पूर्ण होतील. मित्रांचं तुम्हाला चांगलं सहकार्य लाभेल. व्यापारात ज्या तुम्ही नवीन योजना आखाल त्यात तुम्हाला चांगला लाभ मिळेल. एकूणच तुमचं मन आज प्रसन्न असेल.
कर्क रास (Cancer Horoscope)
कर्क राशीच्या लोकांसाठी आजचा दिवस शुभ असणार आहे. आज तुमचे अनेक दिवसांपासून रखडलेले सरकारी काम पूर्ण होईल. आज व्यापारा संबंधित तुम्हाला अधिक मेहनत घेण्याची गरज आहे. नवीन योजनांवर काम करण्याची तुम्हाला गरज आहे. तसेच, नोकरदार वर्गातील लोकांना वरिष्ठ अधिकाऱ्यांचा चांगला सपोर्ट मिळेल. सहकाऱ्यांबरोबर संबंध चांगले असतील. जोडीदाराचा तुम्हाला चांगला पाठिंबा मिळेल.
सिंह रास (Leo Horoscope)
सिंह राशीच्या लोकांसाठी आजचा दिवस फार चांगला असणार आहे. भगवान विष्णूच्या कृपेने प्रत्येक क्षेत्रातून तुम्हाला लाभ मिळण्याची शक्यता आहे. तुमच्या उत्पन्नाचे स्त्रोत वाढतील. तसेच, व्यापारी वर्गातील लोकांना एखादा मोठा प्रोजेक्ट हाती लागू शकतो. त्याचं वेळीच तुम्ही सोनं करा. धार्मिक कार्यात तुमचं मन रमेल. कुटुंबियांच्या सहकार्याने तुमची कामे पूर्ण होतील.
तूळ रास (Libra Horoscope)
तूळ राशीच्या लोकांसाठी आजचा दिवस लाभदायक असणार आहे. कामाच्या बाबतीत तुमचे वरिष्ठ अधिकारी तुमच्या कामावर संतुष्ट असतील. तसेच, तुम्हाला नशिबाची चांगली साथ मिळेल. नोकरदार वर्गातील लोकांना कामाच्या ठिकाणी तणाव जाणवणार नाही. तुमचं मन प्रसन्न असेल.
मकर रास (Capricorn Horoscope)
मकर राशीच्या लोकांसाठी आजचा दिवस फार खास असणार आहे. आज तुम्हाला दिवसभरात चांगली बातमी मिळण्याची शक्यता आहे. तसेच, तुम्ही गुंतवणूक केलेल्या पैशांतून तुम्हाला चांगला लाभ मिळेल. छोट्या-छोट्या गोष्टींतून तुम्हाला आनंद मिळेल. तसेच, तुमच्या कुटुंबातील वातावरण चांगलं असणार आहे.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :