Astrology Panchang 12 September 2024 : वैदिक ज्योतिष शास्त्रानुसार, आज 12 सप्टेंबरचा दिवस हा सर्व राशींसाठी चांगला असणार आहे. आज भाद्रपद महिन्याची शुक्ल पक्षाची नवमी तिथी आहे. तसेच, आज आयुष्मान योग (Yog), सौभाग्य योग आणि मूळ नक्षत्र योगाचा शुभ संयोग जुळून आला आहे. त्यामुळे आजच्या दिवसाचं महत्त्व फार वाढलं आहे.
वैदिक ज्योतिष शास्त्रानुसार, आज जुळून आलेल्या शुभ योगाचा लाभ 5 राशीच्या लोकांना होणार आहे. या राशी (Zodiac Signs) नेमक्या कोणत्या ते जाणून घेऊयात.
मिथुन रास (Gemini Horoscope)
मिथुन राशीच्या लोकांसाठी आजचा दिवस शुभ असणार आहे. आज तुम्हाला आर्थिकदृष्ट्या फार सुरक्षित वाटेल. तसेच, जर तुम्हाला गुंतवणूक करायची असेल तर त्यासाठी आजचा दिवस चांगला आहे. व्यापारी वर्गातील लोकांना आज नशिबाची चांगली साथ मिळेल. तसेच, जोडीदाराबरोबर तुमचं वागणं आणि व्यवहार दोन्ही चांगलं असेल. नात्यात गोडवा राहील. आज तुमची खास व्यक्तीबरोबर ओळख निर्माण होईल.
सिंह रास (Leo Horoscope)
सिंह राशीच्या लोकांसाठी आजचा दिवस फार शुभ असणार आहे. तुमच्या आत्मविश्वासात चांगली वाढ झालेली दिसेल. तसेच, तुमच्या कुटुंबात पैसा खेळता राहील. धन-संपत्तीत चांगली वाढ होईल. देवी लभ्मीचा तुमच्यावर सतत आशीर्वाद राहील. त्यामुळे तुम्हाला कोणत्याच प्रकारची चिंता करण्याची गरज नाही. फक्त या काळात तुम्ही तुमच्या वाणीवर नियंत्रण ठेवणं गरजेचं आहे. जोडीदाराबरोबर असलेले गैरसमज लवकरच दूर करण्याचा प्रयत्न करा.
कुंभ रास (Aquarius Horoscope)
कुंभ राशीच्या लोकांना करिअरच्या दृष्टीने अनपेक्षित परिणाम मिळतील. परीक्षेत चांगले गुण मिळाल्यास विद्यार्थी आणि स्पर्धांची तयारी करणाऱ्यांचा आनंद द्विगुणित होईल. उत्पन्नाचे स्रोत वाढतील. वरिष्ठांचं सहकार्यही मिळेल. कुटुंबातील ज्येष्ठ सदस्य आणि मोठ्या भावांपासून विभक्त होऊ नका. मुलांच्या सुख-सुविधांची पूर्तता होईल. नवविवाहित जोडप्याला मूल होण्याची शक्यता आहे. कुंभ राशीच्या लोकांना देवीचा आशीर्वाद लाभेल.
कन्या रास (Virgo Horoscope)
कन्या राशीच्या लोकांना नशीबाची चांगली साथ मिळेल. या काळात तुम्हाला तुमच्या सुख-सुविधांमध्ये चांगली वाढ झालेली दिसेल. तसेच, जर तुम्ही पार्टनरशिपमध्ये व्यवसाय करत असाल तर त्यातून तुम्हाला चांगला लाभ मिळेल. या राशीच्या विद्यार्थ्यांना देखील गणपतीचा आशीर्वाद असेल. ज्या तरुणांना नवीन नोकरीची संधी हवी आहे त्यांच्यासाठी लवकरच नवीन संधी निर्माण होतील. त्यामुळे तुम्ही काळजी करु नका.
मकर रास (Capricorn Horoscope)
मकर राशीच्या लोकांसाठी आजचा दिवस लाभदायक असणार आहे. तुमच्या मनातील जी काही इच्छा असेल ती इच्छा लवकरच पूर्ण होण्याची शक्यता आहे. तसेच, घरातील सदस्यांमध्ये चांगला प्रेम, जिव्हाळा पाहायला मिळेल. मात्र, तुम्ही तुमच्या आरोग्याची योग्य काळजी घेणं गरजेचं आहे. मित्रांच्या सहकार्याने तुमची अनेक कामे पूर्ण होतील.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा: